落區做到野可以獲取民心同知名度
有人識你 ,人地就容易啲聽野入耳
到時再講下政治話題提升民智
咁先集合到力量推動到改革
要改變一時間點會做到,仲要呢度係香港嘅老人區
利申:9upper
好多人都抱持呢種諗法。先不論居民係咪咁易就比你改變到,我會覺得呢種方法,往往出問題嘅會係搞手自己。
關注組嘅方式係用地區工作包裝政治議題,無疑地,對社區有心、希望有變革嘅人,其實都希望可以親力親為去出力。不過唔能夠忘記嘅係你始終係做緊一樣有關選舉嘅工作,簡單講即係從政。我嘅諗法係參加者首先要有呢種自覺,要明白自己係做緊政治工作,而唔係純粹落區幫手,呢個concept好緊要。
一個關注組,以落區方式攻打區議會,擴大影響力,再向居民灌輸政治理念,以所謂「入屋」嘅方式做宣傳。關注組入面,有活躍人物代表組織,有核心成員負責統籌,有低調幫手嘅義工或支持者。以呢種模式運作,結果必然係由活躍分子負責出選。當你參加區議會選舉,政綱仍然可以大致同地區工作相近,但立法會選舉唔同,唔能夠單純打地區牌,參選人要就不同全港性政策議題訂立政綱,問題於是出現:究竟關注組入面邊個有份or有權制訂政綱?當然關注組大多會由志同道合嘅人組成,但唔代表對所有政策議題都有相同睇法。
好多具體野未能一時三刻列舉,但有個問題大家可以諗下:九東關注組嘅成立,係咪為咗推動港獨?如果唔係的話,點解陳澤滔會用香港獨立作為選舉綱領?
本身唔諗住討論
但見你好似好質疑我哋選舉做乜
又答下
答咗你最後果個問題先
點解你會覺得我哋攞香港獨立做選舉綱領?用呢個做綱領嘅由始至終都得一個,果個叫香港民族黨。我哋個選舉口號係社區起義。
點解我會講咁多獨立,最大原因係不斷俾人問,而唔係我哋主動想講。論壇我哋主場時間係攞嚟講噴泉/停電呢啲社區嘢㗎。
而你中間果段文字,其實想講乜?份政綱寫乜係由十幾個原本core 同新義工用兩個幾月傾出嚟,啲會好open 㗎,好多新義工都有坐落嚟俾意見,我諗真係包含咗大多數成員/義工嘅諗法。
我好同意搞手往往係最容易出事果個
由高登區議會計劃開始,我哋由十幾個唔識嘅高登仔行到今日
邊個組織愈做愈多人,邊啲組織愈做愈散
唔係講幾句就得㗎
我估計你就係當事人
立法會選舉,你覺得投比你嘅人係buy你落區做野,定係buy你撐港獨?當然各人有各人嘅解讀,我可以講兩件事比大家聽。
我係九龍東選民,你寄入我屋村嘅文宣大大隻字寫住「我支持香港_ _」。
我有件hong kong independence tee,有次著住行過龍翔道見你喺度謝票,我有同你微笑點頭。助選團入面有個女仔望到我件tee,興奮到即刻同隔嚟個frd講。
大家經歷過九月選舉,當時係點大家好清楚。大家對當時熱普城同allinhk嘅區分,簡單去形容就係一個係統一個係獨,呢個係好清楚嘅事實,真係難為你今時今日仲可以拎番句什麼「社區起義」出嚟話係選舉綱領
當然你地份政綱係點樣傾出嚟,我唔係局內人唔會太清楚。我嘅concern係,區選層面上呢種模式都尚且可行,因為大家住喺同一個地方,深深知道邊度出問題。但去到立法會選舉呢套就唔work。你份政綱入面包含好多全港性議題,但入面究竟有冇實質內容,我諗大家好清楚。關注組由15年區選打地區議題,到16年選舉要跳到全港性議題,如果話你地對於全港性議題未有深入嘅研究,我覺得大眾會同意、理解、甚至體諒。個問題係,其實咁樣去參選係得唔得呢?
番番去我最初提出嘅觀點,參與者要好清楚將「落區幫手」以及「落水搞政治」分得好開。在我個人嚟講,區選同立選都係搞政治,正如有啲觀點話選贏咗有得r資源,呢啲係從政所能夠得到嘅實利,唔係話落區做下野咁簡單。關注組最大問題係將兩個概念混淆咗,區選都尚且過到骨,但立法會選舉係萬萬不可。而好坦白講,我覺得最恐怖嘅係大家似乎認同一個概念,就係「落區做野,贏完區選,再贏立法會」。立法會議員係lawmaker,唔係你做好地區工作就可以話自己勝任。
對於陳澤滔,我唔係針對你,因為我本身就唔認同呢套理念。我諗大家去睇九東關注組嘅時候,要在意嘅係我地得到咗咩經驗,而唔係純粹當成一個「區選->立選」嘅例子去參考。