抑鬱症集中討論區

其實sertraline係ssri黎講都唔算多副作用 公立醫院成日開

睇定啲都好嘅,因為有抑鬱症歷史嘅人其實復發機會都比較大

有冇話對邊樣運動比較大興趣？例如我本身對跳舞有興趣，我去睇啲跳舞嘅節目就比較有動力去叫自己郁多啲

以前有 開始食左藥就疏左
好想有返想當年肯做運動既恆心

我會想有人陪我玩just dance

一齊跳舞都唔錯，不過我冇跳舞底，唔好嫌棄我就得

我都無 我手腳唔協調 所以參加唔到出面啲人既活動 只能留在家玩just dance

我知有遺傳 我諗都係大機會係先天性 不過屋企人比較嚴重
唉琴晚又訓唔到了 安眠藥都冇撚用 已經唔敢食了

本身停左藥兩年近排又唔開心過
醫生同我講有人本身就情緒偏低
依加又開返血清素叫我食

一開始食同加dosage嗰陣眼訓到咩都做唔到

其實ssri即係血清素再回收抑制劑
靠既就係阻止血清素被吸收返
基本上50mg sertraline已經可以block到7-8成再吸收果舊器官
其實升到100mg甚至係200mg根本效能只會再提升多少少(8-9成)

Just Dance係咩？wii果的遊戲？？？

哈佬

正，可以一齊減肥

共勉之

岩岩先開完po問冇無醫生介紹就見到呢到

係呢，大家多數睇私家定公立, 定兩樣都有睇

你好👋🏻絲打咩事？

抑鬱左三年，有排有睇醫生食藥跟住又停左無食

覺得藥唔太幫到手諗緊會唔會搵心理學家好過，但真係好貴

噢～你食緊邊幾隻藥？
我都食緊好多隻但係都好似冇咩用，覺得好無助，覺得永遠唔會好得返

之前食lexapro而家停左

想搵其他方法醫，
有無人知咩係腦磁激？

Rtms!!!!
我聽過，因為醫生建議過我做，不過$2500/次 痴撚線，所以考慮都冇考慮過

我都覺得好貴！
但係咪真係有用先⋯
睇資料係十幾次就得
如果可以好快有用我借錢都會想試，
只係唔知要做幾耐幾多次，會唔會一停就反彈