《我的初心在哪裡》第?章
【風水佬呃你十年八年，點呃？】
如果告訴你每逢新正頭熱追的生肖運程，都是搵stupid7的，巴打們點睇？
最常聽的犯太歲（屬雞本命年）好大煲，然後up一堆生肖刑沖合穿破，合就是好（龍蛇牛），刑沖穿破（鼠兔馬狗）就hihi，其餘（虎羊猴豬）則穩中求勝。
點解好似個個都有問題？好簡單，如果個個都冇問題，太壓邊個去攝？師傅邊個去搵？阻人發達既說話細佬今day不宜多說，反而想講吓點解風水佬呃你十年八年。
風水師傅同財演很相似，唔是佢地有心呃你，而係幾十蚊一本書仔，又或者免費上電視up兩句，教得你幾多？就算佢地講真野，大眾聽得明咩？你想講監製都圈你啦。
簡單以八字講，生肖就是12地支，亦只是你的八字盤內的其中一字，帳面計只是你個盤既8份之1，如果計埋大運嗰兩粒字，只係10份之1。
而重點係！！！！！
代表你生肖嗰粒字，喺你個盤入面，可能係幫你手既巴打，亦可能係你要克服既敵人，如果嗰年流年犯太歲刑沖穿破打中你既巴打，咁當然唔太好啦，但如果打中既係你既敵人，咁就GoGoGo喇！相反，如果生肖嗰粒字代表你既敵人（難題），而嗰年流年三合六合幫到佢應一應，睇完流年運程書你可能會開心一陣，但嗰年其實代表困難重重。
所以總有人是犯刑沖穿破太歲時行運的，亦總有人合太歲時領野，就係咁解。
監製唔L好圈住，再講多少少，咁嗰年生肖神煞又係乜春？咩天乙貴人啊？太陽天空啊？唐符國印啊？暴敗血刃啊？嗰啲呢⋯⋯
呢啲可以理解成為風水界既技術分折（Technical Analysis），背後係由年干所衍生的12星宮的吉兇微調，是中國古人融合西洋及印度占星後的重大貢獻，小弟冇辦法喺呢度講得你明，但我只可以講，神煞呢家野本來唔係用嚟講生肖的。
用神煞來講生肖，就好似用技術分折去預測8仔庄家股一樣，你聽落可能覺得好pro，但多數幫你唔到，反正到最後唔準你又冇仇報。
至於嗰啲年初一唔好洗頭、個福字要倒轉掛、又或者明明立春2月3號一早到咗但你係都覺得過咗初一先算係雞年等等，我通通都覺得係得淡笑，阿媽話係咪係囉，最緊要老母笑口常開。
點解大年初二我會得閒出野？好簡單因為我仲開緊工幫【炒家】隻app做緊enhancement，預計三月大改進！
各位巴打！如果大家日後想聽多啲財經八卦、風水踢爆！唔該幫幫手下載個app幫我整大個sample size，方便我地繼續測試同改善，嗱新正頭有來有往呀！我教咗大家唔駛俾人呃十年八年，大家識做啦！喱喱喺度恭喜大家雞年大雞！福有油雞！
冇咩事我出返去繼續開工喇⋯⋯
巴打下載 炒家 app
iOS用戶：
https://goo.gl/TOCdk2
Android用戶：
https://goo.gl/lMO8Ry全英文碟真係好大贍, 當年銷量理唔理想?
。
，一係一次過四條訪問，"Mama always said life is like a box of chocolates. You never know what you're gonna get."