因為之前平息,銀行可以壓到個利潤好薄 (亦都要搶生意,因為銀行自己之間都割割地喉)。港元總存款而家有6、7萬億(計埋外幣有13萬億港元份量),未償還樓宇按揭先得1萬2千億左右,仲未計你要回贈,要比mortgage link(係諗清楚就知銀行幾有錢同幾搏),可能事實銀行(廣義啦)果度係得8千億用到嚟賺你供樓者啲錢。
但上面及其他post都有講,你一加p就存貸兩頭都加。當業務情況不變,如果之前銀行已經鍊到個profit得兩滴,咁你唔加,就樓宇按揭呢類長線收益生意及企業借貸蝕,加,就存款息蝕。所以其實反而匯豐好體貼,剛剛加到細p/ 細行樓按有得打返和 (cap變返2.275>2.21),睇定啲再嚟。
所以如果係關心香港投資及供樓問題,要之後要留意唔係個p點追,因為肯定只會睇住h嚟逐(半)格郁。上面講銀行要睇定個市況,但然後個按揭業務會點做? 如果無貿易戰的話: 既然利潤薄個問題起於大家在樓市狂升、市場份額擴大時搶客而半割喉,咁到大家上晒車入晒局,但個樓市交投及樓價唔再升時,就先慢慢一齊夾好(在唔整死供樓者的情況下)減回贈呀、減 ml 比例呀,收緊同提高呢啲門檻先。加p 會影響存貸收益平衡,但攪 rebate 同 ml就唔會: 反正最初呢啲嘢就係以「期間限定」的方式俾人,大家都心中有數。
但而家貿易戰,即係企業借貸及融資業務受埋影響。左右手都要應敵,難度幾何級增加。所以銀行都只能被逼觀望,再睇餸食飯被動回應。點應? 咁我就真係唔知啦