是咁的 我有個由細玩到大嘅女仔fd (利申: 真係純fd 我唔是兵 ) 今年20 一年前ig識左條仔 25歲瘦削文青樣唔mk 開始都有叫埋我同其他fd一齊食過飯 印象ok 後來佢兩個好快就一齊咗
文青屋企做飲食生意 佢自己係做會計 感覺都幾好仔 所以以為我fd搵到個筍盤 點知問題慢慢就出現了
因為我fd讀緊幼兒教育 要出實習又返學好忙 有時又要應酬下我哋班豬朋狗友 會冷落咗條仔 文青佔有慾好強 尤其如果知道佢同其他仔出街 會喪鬧佢 咁我都醒水少咗搵佢
話說前晚我fd喊住打嚟 話頂唔順喇想同文青分手 但又有好多嘢擔心 開頭都講到1999 後來佢終於老實話原來文青係鍾意啪啪時拍片同影相 (佢咁啱又係姓陳 ) 我fd擔心如果提出分手 文青會接受唔到 甚至會用啲片同相要脅佢 因為佢真係好痴情同報復心好重 同埋有暗示過如果我fd背叛佢會攪到佢幼師都無得做
我fd想知有無咩辦法可以要求文青del晒啲片同相 或者確保佢唔會流出 有無高手可以解答? 認真跪求大家專業意見