重大改革｜12碼唔俾補射 VAR擬擴展至黃牌與角球判決

根據英國《太陽報》報道，國際足協理事會（IFAB）正考慮多項重大改革，包括擬取射12碼後，若守門員救中再補射的機會，亦有意將VAR使用範圍擴展至兩黃一紅及角球判決。

若新規正式實施，未能罰中十二碼的情況，將一律由守門員球重新開始，球隊不再獲得補射機會，十二碼變成真正意義上的「一次機會」。

據悉這項建議已獲越來越多官員支持，多位高層認為現行制度中，一次禁區內犯規便可換來高機率的入球機會（罰球加補中），對防守方不公平，尤其門將在主罰時還需保持至少一隻腳踏在線上。

此外，若十二碼不設補中，便毋須再討論其他球員是否「侵入禁區」等技術爭議，類似於曲棍球的罰球制，減少混亂與爭拗。

根據草案，新規下十二碼踢出後即為「死球」處理：若入網則由中圈開球、若不中則無論球是否被撲出底線，均以守門員球開球。

這意味著一些經典時刻將無法重現，例如哈利卡尼（Harry Kane）在2020歐國盃準決賽對丹麥一役加時補中破門，或沙比阿朗素（Xabi Alonso）於2005年歐聯決賽中補中為利物浦追平的入球，將在未來失去合法性。

國際足協理事會希望在2026年48隊世界盃前，進一步簡化與優化比賽流程，因此若改革要生效，必須在明年2月底前獲得批准。不過目前看來，推進改革的聲勢正不斷升溫。

VAR將增新權限

-VAR擴權一事最早於2023年底的IFAB年度會議中提出，提出新功能包括：
-允許VAR介入並建議推翻「兩黃一紅」，避免出現不公平的驅逐出場
-檢視裁判於角球判決上的「明顯錯誤」

IFAB一致認同可考慮修訂VAR操作範圍，但前提是「不會導致額外延誤」，所有判決必須能在數秒內完成覆核。

由於擔心過度干預導致流程混亂，這項提案一度被擱置。但在美國舉行的世冠盃期間，國際足協再度於高層會議中深入討論此事。

IFAB亦於上月釐清罰球「雙重觸球」規則，回應早前艾華利斯（Julian Alvarez）於歐聯對皇家馬德里互射十二碼中誤判事件，該球最終導致馬體會被淘汰。

未來，若出現類似罰球命中後又意外「二次觸球」情況，入球將重新主射，而非直接判防守方間接自由球。

距離補時20分鐘唔遠鳥

呢堆改革關補時咩事

利好賭仔

on 9 咁咪對進功唔公平

廿年前桂神都講左
12碼一係就入 一係就唔入

用返幾十年前美職35碼單刀啦
仲刺激過睇碎步12碼

如果佢只係想解決其他人衝入禁區呢個情況既話
其實應該只係可以比射果個補中
其他人唔比衝入禁區

成撚日食角
一早要var睇

我仲以為係防止利雲果啲補射

賭波馬點睇
龍門球之前用var睇有冇判錯
可能係角球

判角球但吹完場雞食角
點計先

進攻時間同回後場例呢？

明目張膽控制賽果同賭盤

你坐住個腦就唔好講野啦

不如話依一代球證好廢
依前冇VAR都無咁多誤判食角
就嚟踢2分鐘就停一停

成日都好似夾硬搵野改咁 驚無做野 俾人cut budget?

其他人要企喺度睇佢補中
咁幾時先入得返禁區
佢真係唔識架喎

未來，若出現類似罰球命中後又意外「二次觸球」情況，入球將重新主射，而非直接判防守方間接自由球。

啱啦

咁樣c朗唔洗入12碼㗎啦喎 條友扭波廢到hihi

睇var時間多左要補耐啲掛

互射12碼疑似二次觸球咁點解決?

35碼單刀對守門員太有利
攻方已經踢左120分鐘, 重要跑3X碼黎射波

角球都要睇VAR既話,一定會補耐D