以下呢張圖係我本月嘅收入，已經扣除Patreon平台費，美金結算。
感謝粉絲嘅支持以及其他網民嘅討論及免費宣傳 我發佈嘅第一套女性向純愛動作片《18cm的戀愛》反應熱烈，推出數日，已經賣過咗100條
本身我預想過可能10條都賣唔出，所以豪言銷量100條嘅時候，就會推出第二條 但承蒙粉絲支持，以及連登仔不斷幫我宣傳，我實在太快達到目標 呢刻我未有靈感剪第二條片住，找唔到數 可能過多一/兩星期先推出吧 粉絲們請等等
好多人以為流出我Patreon嘅內容，係可以傷害到我。但其實我已經有過經驗：8年前我Patreon內容就係因為被haters流出，帶來極大嘅宣傳效果，我立刻作出策略調整，最後由本身月入數萬，變成數十萬，然後8年幾以來，到而家一直維持月入6位數港幣，有高有低，看我嗰段時間嘅狀態同創意
我解釋一下成件事嘅運作，呢啲「商業機密」我從來唔介意同大家分享：我本身就鍾意俾人睇，嗰啲性感相/片/文章，我其實求之不得俾多啲人睇，我覺得自己好靚好正，鍾意美化世界 然後喺會想睇我嘅人群入面，本身會安樂等睇流出嘅人，就唔係會俾錢嘅人
我重申：只睇流出，就係唔會俾錢；只睇流出，就係唔會俾錢；只睇流出，就係唔會俾錢
因此，佢哋從來唔係我嘅目標粉絲
我自己都會訂閱一d content creator去表達支持，例如素凱霖嘅片網上都好多流出，但我因為支持佢，所以都會照買正版、周邊、課金P站etc
我完全唔係為咗解鎖內容而課金，而係想透過課金，支持佢哋繼續創作內容俾我睇、支持佢地為人。
而我吸引嘅粉絲，就係我呢類人。
免費仔雖然係好多，但免費仔顧名思義唔會俾錢，因此佢哋根本唔係我嘅目標群，而佢哋嘅惡性意見亦都係毫不重要 （心地好、有建設性、善意但唔課金嘅粉絲，不算免費仔之流）
「If something’s free, you are the product」，如果你免費享用緊一樣，你本人就係個商品 免費仔對我嚟講，係一班有利用價值嘅人：無型嘅推手、宣傳工具，透過佢哋嘅討論，以及我嘅回應，令我獲得熱度、知名度，然後吸引一班喜歡我而又有閑錢嘅粉絲去支持
老實講，呢套邏輯，我已經行咗好多年，亦分享過好多次，但我發現好多人都唔明，可能佢哋閱讀、理解能力未必好高，水平比較低，所以變相佢哋做咩都反效果，不斷想傷害我，但最後幫咗我
呢一兩個星期我會盡快剪第二套片，我而家咩IG都冇晒，到時可能又要靠班免費仔/連登仔宣傳了 我對佢哋從來都好有信心
香港做女人真好
