26歲男機場煲煙 爆粗挑釁保安 軍裝警持盾到場 案件列「發現懷疑精神紊亂人士」處理

11:08 2025-07-10

一名穿短褲的黑衣男子今日（10日）凌晨在機場抵港大堂公然吸煙，被發現後疑不滿對方「吹雞」，大聲爆粗挑釁保安員，結果，事件驚動軍裝警員持盾到場處理。目擊者複述事件時，形容當時「成個機場震撼晒」。

邊有機場唔俾食煙

樓主今日（10日）早上在社交平台Threads上載短片發帖，指「三更半夜嘈住人。成個機場震撼晒，條友好癲喺機場食煙大吵大鬧。#第一次喺機場睇到咁好睇嘅戲」。樓主並在另一帖文上載兩條前傳短片，補充黑衣男與保安對峙的畫面——「第一次喺機場睇到咁好睇嘅戲。呢兩條片係part1 （第一部分）&part2（第二部分）！！」

短片均從遠處高角度拍攝，前傳見到黑衣男在保安員面前公然吸煙，且指手畫腳，郁身郁勢，行遠走近在挑釁。片中隱約聽到黑衣男向保安怒吼「哈，繼續啦，ｘ你老母......」、「繼續操......吹雞呀，ｘ你老母......」。警方到場後的短片見到，男子一度蹲下，之後在輕微反抗下，被警員押向樓梯方向離開。

回應的網民好奇：

•網民：機場咁大都俾人捉到，仲要同一位置。
•樓主：佢當時發緊癲已經俾人捉到。

•網民：自己唔識搵位偷雞㗎咩？
•樓主：因為佢當時發緊癲。

其他回應的網民則指「好癲，又係太空油？」、「最憎人食煙，尤其是喺室內」、「渣人，遊客定local（本地人）」、「呢啲死仔包，身痕想俾人打」。還有人有感而發，指「香港大把後生因為世代唔同咗，無咩受過真正教訓，成日有種心態你奈得我何吹得吹脹，到真係瀨嘢咪先識驚囉…」。

警方回應《星島頭條》查詢時表示，警方於凌晨3時29分接報，現場為機場抵港大堂，涉事男子26歲，本地人。警方到場處理事件後，男子送北大嶼山醫院治理，案件列「發現懷疑精神紊亂人士」處理。

自己唔啱仲咁惡，同排骨仔好似

有無入暗角呀

三萬都係咁架
香港喎 好出奇？

「第一次喺機場睇到咁好睇嘅戲。呢兩條片係part1 （第一部分）&part2（第二部分）！！」