英國政府擬開徵「財富稅」割富人韭菜！高資產人士或陷稅網危機！

英國工黨政府上台後，各界高度關注佢會唔會開徵「財富稅」對高資產人士開刀。近日傳媒消息指出，財政部內部已就此展開初步研究，建議方案或鎖定擁有超過 £10,000,000（約港幣一億元）淨資產人士，按年徵收2%稅項。此舉隨即引起高端財經圈警覺，而部分 BNO 港人亦一度恐慌，以為英國又有新招針對港人。

不過冷靜分析，呢項提案其實針對嘅係「真．超高淨值人士」，擁有多間物業、股票幾百萬、名錶藝術品堆滿倉庫嗰類人。而以現時絕大多數移英港人生活狀況嚟睇，絕大部分根本連門檻都摸唔到邊──你未必有£1M，更遑論£10M。

社交媒體上不少港人見到消息後都自嘲：「驚咩呀？我人工都未過 Basic rate！」、「淨資產£10M？我咁上下買到部 Model 3，分分鐘都唔夠首期。」部分人更直言，這政策講緊嘅係「另類星球嘅稅收制度」，與基層或中產港人八竿子都扯唔上。

不過，笑完之後，都唔代表可以完全掉以輕心。因為「財富稅」背後所反映嘅政治氛圍，正逐漸向「富人多貢獻」方向傾斜。就算今次計唔到你，唔代表未來唔會向中資產落刀，例如加資本增值稅（CGT）、削減免稅額、收緊ISA條件等，對部分靠投資維生嘅港人其實有潛在影響。

英國法律唔係你諗住「資產擺海外」就唔使交稅。一旦你符合英國稅務居民（Tax Resident）身份，即使你所有股票同物業都係喺香港，都要報晒比 HMRC 睇。想合理節稅，就一定要提前規劃資產架構，唔好臨急抱佛腳。

現時「財富稅」仍處於討論階段，冇進入立法程序，亦未有官方正式文件提出。唯一可肯定嘅係，財相 Rachel Reeves 曾公開講過會「改革稅制中嘅不公平結構」，顯示佢有興趣針對資產型收入動手。但具體係咪真徵 Wealth Tax？何時實行？涉及邊啲人？都仲未有共識。

對港人來講，最大風險唔係而家要俾稅，而係未來變陣嘅速度太快。工黨如果一旦搵到足夠政治空間推行改革，而民意又唔反對，就算唔用法案，用「法規修正聲明」（Statutory Instrument）就可以直接實施──冇得逐條修訂，國會只能照單全收或完全否決。

今次「財富稅」風波係真風未起，心先寒。不過對於99%的移英港人而言，現階段只需要保持關注，而唔係恐慌。真正要憂慮嘅，其實係已經有過千萬身家、分散資產於港、英、美等地，又未做足稅務規劃嘅高資產人士。

養肥班有錢人有咩用？
國家想要錢時就走人
所有賺錢嘢政府自己做返唔好？

工黨永遠都係垃圾窮人思維，你咁玩，啲有錢佬直頭放棄英籍去第二到玩，到時得番啲窮人，邊撚到仲會有公司請人，成個國家經濟好快玩完 CLS政棍

養肥班有錢人有咩用？
國家想要錢時就走人
所有賺錢嘢政府自己做返唔好？

其實呢個係兩難局
你唔割富人就要割中產，割中產就會令基層無動力上進，亦會搞到國家無生產力
你割富人，世界上大把tax heaven歡迎佢地，你一割佢地就撤資去呢d國家
富人中產都唔割，基層有鬼野比你割

去美國 500萬買金卡

去愛爾蘭搞掂

呢啲要靠誠實報稅
開幾間公司兜幾個圈已經查唔到

國家太廢了
成日想打劫人民

應該割基層
基層有一個優點，就係人多，每人割£100 都夠做
仲會比壓力佢地上進，然後再交多啲稅
但係人多就自然票多，所以就要全部黨派都支持，呢個時候就到有錢佬出場，邊個唔支持就cut donation

英國基層真係 paycheck to paycheck咁過，你仲割佢，佢實會諗不如出黎暴動

難做不如唔好做，辭職咪得

養肥班窮人有咩用？你叫到班廢人養班窮人先講啦。

咪就係話再割佢地，佢地就會難做不如唔好做，出街燒車暴動算
結果個問題都一樣無解決到

咁繼續割中產
對正班啱啱生完，啱啱買左屋開始供嗰啲
黎生一定只會硬食

弱智工黨welfare cut 搞唔掂想搞有錢人笨，non dom已經搞走左一堆富豪，再加富豪稅一定走清光。。。。

你講緊中國？

無有錢佬你想有工番？

想請問查理斯使唔使交稅？要就fat fat

今次bob叔被割韭菜要live with it了

去哂杜拜

政府自己做就一定會柒，有錢賺都變冇錢賺

on9工黨 班welfare撚出黎示下威就淆底，乜柒都做唔到

移英撚不受影響

夠哂票都唔敢做，呢個富豪稅夠膽推一定搞到英磅急跌，到時又uturn