丁子朗今年入行已經第9個年頭，他昨日（22日）出席入行後首個個人生日會。丁子朗接受《am730》訪問表示：「我入行第一次搞生日粉絲見面會，坦白講我驚生日，因為我唔想着長大，好開心今次有朋友搞統籌唔晒所有嘢，咁我就可以同大家一齊享受分享開心。」他指為了報答粉絲的支持，所以會在生日會中獻唱。被問到生日願望，他希望粉絲能夠多關注新劇《搏憶》，並表示：「同霍建華合作，呢套劇我會演佢徒弟，我哋兩個會一齊查案。」
望30歲前有代表作唔恨拍拖
談及新劇《執法者們》即將會播出，他說：「我會演黃宗澤嘅線人，之前喺內地播咗，觀眾嘅反應都好好，現階段香港播會有廣東話嘅版本。」他大讚黃宗澤對食物相當有品味，並透露：「有請過我食鮑魚。」至於較早前內地已經率先播放新劇《執法者們》，他興奮表示：「今次做一啲細節或者演技有進步，因為好似我同網民一齊互動一齊成長，上一套戲我演得唔好，又或者呢套戲演得幾好，我好想俾香港觀眾睇到我嘅成長。」他透露還有許多參演的劇集未播出。
提到會否希望新一年找到女朋友，他笑言：「感情戲就期待，其實坦白講我有個目標，我希望30歲前有代表作，成為一個大中華區嘅人，其實我已經28歲，剩返兩年所以好趕，希望可以做多啲嘢，感情就可能30歲之後，希望啲人會睇完新劇就鍾意我啦！」
係個底好紅
