[求請教] 我月入約28000，男友月入29000 想喺香港生小朋友

咁嘅人工有冇可能？
我知窮有窮養，不過想知實際情況會點😢
利申: 屋企有樓唔使交租，但要幫手供幾千一個月

其實我唔特別想生，不過男朋友嘅人生計劃係好想有小朋友😔 我諗咗好耐，我覺得我最大困擾就係錢嘅問題。

而家嘅人工舒舒服服，不過如果真係生咗小朋友，我哋嘅人工會比到小朋友一個點樣嘅生活？係令到佢快樂嘅生活嗎？

個人猜測，覺得喺香港養細佬，其實係要做中產，讀好好嘅學校，先俾到好啲嘅生活小朋友😔 不過理性地想像，五年內就算我同男朋友再努力啲搵錢，頂盡都係一個月多一兩萬😔

到底喺香港養小朋友係咪做中產先有快樂生活？定係兩公婆加埋得六萬一個月，勉勉強強都過到日子？

你直接問你老公佢想點養，會唔會請工人，老豆老母湊工人湊定其中一個辭職湊，諗住幼稚園讀邊間條path係點，冇共識既唔好撚生，佢答你冇諗過既就一拳車落去叫佢帶套算，貓都唔好撚養，佢絕對係只想撚貓唔想執屎既人黎

你地年紀幾大， 人工有無upside

錢就一定夠，問題係你要諗支援夠唔夠
兩個人都要番工，邊個照顧小朋友？
四大長老有冇經驗？住得近唔近？識唔識湊？願唔願意湊？
仲要唔可以係舊式打打鬧鬧個d 喎
BB爸爸想生，有冇話會教會幫手？想生就要睇定教養書，唔可以老奉生咗就算。
你哋屋企可唔可以放多個工人？願唔願意請工人？

你兩個嘅生活重心都會從此改變，都係個句，願唔願意為咗呢個決定改變自己先？

錢從來都唔係重點，人先係。

一定夠
供樓得幾千已經差好遠

頭有幾大就帶幾大頂帽
讀唔到國際學校咪讀官校
下下都追頂級, 幾多錢都唔夠。

不過如果係我....我都會好似你咁擔心

叫係老公搵多兩倍人工先
依家咁既社會環境,比唔到小朋友好既環境
將來小朋友會怨你

錢睇落就夠既
但最重要個樣野係大家都想要小朋友
是但一邊唔係好鐘意小朋友，件事已經會差好遠，你而家已經唔係特別想既話，去到有困難會好多埋怨

夠正正常常入間英文中小學
大個畢業出黎打份萬幾蚊頹工
你條佬自己自私生小朋友
佢就真係快樂喇
你個小朋友慘到嘔
由細到大好多野學 社會競爭大 大個做人礦

Don't.

錢夠

就睇你嘅唔想生 係有幾唔想

屋企有樓唔洗交租係指同屋企人一齊住定可以搬出黎

你地既財務情況其實係夠養，問題係除左錢呢個因素外你究竟想唔想要細路

老豆老母有冇買樓比你？

公屋父母一個月都係$14000+老綜收入 都生2-3件啦

生啦, 唔生點知生之前既生活幸福

樓主幾多歲啊 如果年紀比較大就唔好拉 因為照顧bb需要好多精神同體力 我個家庭收入同你差吾多 要供樓同埋請姐姐依家暫時還可以

生兒好，生女好，生夠三個能養老

有幾多錢就做幾多嘢姐

即係講所謂嘅養，衣、食、住、行、學
兩個人有基本收入一定搞得掂
甚至有啲人單親家庭都係咁過日子
無咩要求，淨係比飽飯佢食一樣得

但如果你目標係將來一定要送去國際學校
暑假就遊學出國玩成個月
咁當然唔係一般家庭收入負擔到

所以重點係知道自己有幾多能力，
冇咁大個頭就唔好戴咁大頂帽

平有平養貴有貴養
唔好同人比較就得

我家姐唔撚做野都生兩件
姐夫一個人返應該搵緊3萬幾

我同事又係一樣例子
條友仲要養車唔知佢點生存

佢地共通點一樣
住個度洗費不大
可能咁先維持到落去

又搬脆

大部分小朋友都係複製緊父母既生活模式
如果你覺得自己生活無問題，亦唔會特別要求小朋友強行向上流，咁應該問題不大

連登冇月入20萬都唔好生

又係直接搬threads篇野過嚟

唔知你對下一代要求有幾高
如果希望要做人中之龍最頂尖既話就算數啦
但如果下一代最差都去到而家自己咁樣
其實而家就無問題
但上面一堆巴打都已經講左
生仔唔只係講錢
教育/ 有無人照顧細路, 都係好重要

不過連登放負唔係第一日
樣樣都一定要個老豆係李家誠先生得既話
咁就無咩需要討論可以負評上一頁