【I/A】少女前線2：追放 (03) 抽爆416

難聽啲講句，羽中係一直拖著唔開換抽你都冇佢辦法
本質上佢係唔開個碎片兌換渠道比你，但係你既碎片係一啲都冇少比你，啲抽數遲早都會到你手，只不過未必係你想要既時候比返你

換抽功能開放時間可以具體參考下大陸服，8月27號開碎片換抽，開服8個月先有呢個功能，所以如果羽中比面國際服，最遲8月頭就有得換抽了

唔係好岩口味

ANMI畫既槍都抽爆

BTW
VECTOR岩岩終於65抽小保出左1+0

忍唔住補滿了

恭喜

土索米

我仲儲緊石抽VV第一把專武既時候大佬又一個6椎

唔洗留石比K2?
我vv用班組把槍就算

https://www.bilibili.com/video/BV1LnNVevEms?spm_id_from=333.788.videopod.sections
好正

專武好似型d
不過仲有40抽先保底應該唔夠時間，搏多10抽就算

gg唔中

hello，又係小弟，黎近5月22號就出k2(幼熙)。呢篇文主要係想寫返少少k2抽卡建議分析比大家參考
都係講返個句，全圖鑒黨 課長可以當我鳩up，強度表現夾雜主觀性觀點，以及容易隨時間/環境變更，僅供參考，冇固定答案，請斟酌觀看

k2作為物理隊既核心角色，提供物理隊專屬既核心機制，非常多專有名詞，可以見到k2技能組真係寫到1999，複雜而分散，技能小作文既重災區，導致閱讀困難，由於小弟筆力有限，盡可能寫明白，希望唔會太亂，所以今期k2分析篇文非常非常長，做好心理準備

基本上k2既特色就係大奶奶同埋跳舞物理隊核心，係屬性隊僅提供10%暴傷以及驅散功能
抽取建議，如果之後唔考慮玩物理隊唔抽，玩物理隊抽1+0，1+0既k2係屬性隊可以當上位科謝妮婭用，但係功能性可被取代，接下來就講講物理隊以及k2既機制

物理隊 K2機制
絕不認輸 反禦增傷，兩個物理隊專屬既核心效果(負防禦)，持有者暫時只有k2，冇k2就完全玩唔到物理隊
咁講講少前2既穿防減防系統，穿防(無視防禦)+減防+加防都係用加減算法，例子為boss身上有50%加防，你6椎416有45%減防+專武20%穿防，實際boss防禦加成為50% - 45% - 20% = -15%，即15%減防。
另外有一點，正常情況下(即係冇k2加持)，有效減防上限為100%+敵人加防%，舉個例子，boss加防20%，減防為110%，boss防禦實際效果為減防90%(仲有10%減防空間)，但係需要遵從無法對減防超過100%既敵人造成額外傷害既原則，即係實際減防>100%對其他隊伍係冇效果，只有k2既反禦增傷加持下既物理隊先有效果。

絕不認輸，由k2滿足被動條件後疊1層，最大層數為4層，每層效果為隊友(包括k2自身)既主動物理攻擊無視敵人15%防禦，隊友造成任何屬性傷害就會中斷兩個大回合(左上角回合)。
絕不認輸令物理隊減防可以更容易疊到100%以上觸發超穿，物理隊兩大核心buff之一，物理隊排外既主因，非物理隊不但食唔到buff仲會斷buff

反禦增傷，造成物理傷害時，如果目標減防數值>100%之後額外每1%減防，造成傷害就會對應提高，
額外降防率<100%：0.5%；
100%≤額外降防率<200%：0.75%；
200%≤額外降防率<300%：1%；
額外降防率≥300%：1.5%，小弟鍾意稱呼額外降防率為超穿，
超穿數值一旦到達閾值，就會一致提升傷害，舉個例子疊到199%減防(99%超穿)，提高傷害數值為99*0.5%=49.5%; 但係疊到200%減防(100%超穿)，提高傷害數值為100%*0.75=75%
一切超穿既傷害來源加成都係來自反禦增傷，冇反禦增傷就冇超穿傷害加成，物理隊兩大核心buff之一

k2技能專有名詞(舞步、最佳舞者、舞團核心)
小弟鍾意將舞步、最佳舞者分別稱呼為小舞及大舞(大小舞)
舞步(小舞): 用普攻或技能之後，指定一名隊友上持續3回合既二選一BUFF，分為輕盈及熱情兩種，效果為10%暴傷+反禦增傷+額外效果，以下為額外效果(兩者互斥)
輕盈的舞步(回血舞): 攻擊後回20%自身攻擊力既血量
熱情的舞步(驅散舞): 2層掩護buff

最佳舞者(大舞): 施加小舞buff會疊1層大舞層數，每3層或以上層數自動觸發大舞(層數到達3層或以上觸發大舞後，歸零重新計算，超過既層數不作計算)，大舞效果取決於每3次施加既小舞buff既二選一順序(回15%血or驅散1個debuff)，同時疊1層絕不認輸，刷新小舞buff及反禦增傷持續時間。

舞團核心: 跳小舞buff比隊友既同時，同時對自己跳小舞buff，即大舞疊加層數為1+1=2
k2大技上比自己既buff，效果主要係用黎加速疊大舞層數，不過非3椎k2會斷檔，有1回合既空檔期，0椎k2既大技基本上冇任何特點，主要強度分別係1椎以及3椎上

雖然技能組係寫得好複雜，但係K2係物理隊實戰上既使用方式其實好簡單，起手開大技跳小舞buff比隊友，疊層觸發大舞後，盡快幫自己疊滿4層絕不認輸，利用絕不認輸buff+物理隊成員自帶既穿防機制盡可能疊高超穿%，提高造成既物理傷害

k2既0-2椎對物理隊而言
0椎: 基本上只係為物理隊提供核心機制，但係單體上buff麻煩既同時，疊層速度慢，非常弱但係必須
1椎: 開大技回合小舞可以群體上buff(有射程限制)，加速疊層速度，而且額外升級為穩態攻勢II+附帶攻擊提升II，樸實無華
2椎: 小舞範圍提升至全場，可以配合1椎效果，而且小舞自帶回血or驅散功能，大舞有減防效果，舞團核心額外有全隊30%減傷，偏功能性椎體，基本上都係物理隊缺失既功能性，但係最重要既減防可以帶冇躍鍵瓊玖取代(主要係物理隊冇勁角色取代瓊玖)，可圈可點

但係玩物理隊之前，希望大家認清一件最基本既事情，物理隊即使係核心buff既種種規條限制之下，表現都係非常唔亮眼，主因係有部分成員係前416時代既舊角色(甚至要求瓊玖唔帶躍鍵cos物理隊成員CLS)，輸出能力非常非常弱，即使有躍鍵都救唔返，導致物理隊整體上對椎體既要求非常高，但係同等金數下不如其他屬性隊伍，即使ump40(萊妮)出黎之後都係同一情況，而且又因為物理隊核心buff既限制，其他好用既屬性隊成員都冇辦法去物理隊救火

咁講完物理隊，都要講講屬性隊
k2既0-2椎對物理隊以外隊伍而言
0椎k2，主要作用就係10%暴傷+驅散，但係驅散難用，作用甚微
1椎k2，大技提供穩態攻勢II+攻擊提升II，開大技回合小舞可以群體上buff，好用但可取代
2椎k2，小舞提供回血or驅散效果，以及小舞射程擴大至全圖，大舞提供減防，不過減防需要考慮隊伍組成，主要作用係非常好用既驅散，一言難盡

主要係呢到有啲個人理解想講，大家可能係其他地方睇過既攻略都有重點提到k2既1/2椎有攻擊提升同埋減防，講到係好重要既提升乃至質變，但係我個人認為齋講而唔考慮實戰情況=冇講，所以想講講實際組隊情況
攻擊提升同埋減防確實係少前2比較高貴既效果，尤其兩個效果都放係k2身上，所以想拆開黎講講呢兩個效果，講減防先，實際上有邊條屬性隊係冇減防，導致真係要用隻k2去減防?同大家數數
火隊: 瓊玖
毒隊: 416
水隊: 冇，但係基本上去火、毒隊打工
冰隊: RO
電隊: 冇
減防確實高貴而且稀有，但係可以見到實際上只有電隊係冇減防角色，所以2椎k2提供既減防實際上只有係電隊以及自己既物理隊有發揮空間，如果只為減防而抽2椎，請三思

之後到攻擊提升II，咁由於少前2局內戰鬥buff既獨特設定，基本上非角色專有名詞既同類buff效果係唔疊加，係咩意思呢? 攻擊提升II+15%攻擊力，火熱攻勢II同樣+15%攻擊力，兩者係同類buff，所以唔疊加，意思即係如果有角色可以上火熱攻勢II，1椎K2既攻擊提升II呢樣功能性係可以被取代，例如科謝妮婭(絲巾)

咁我講到K2既1/2椎好似唔勁咁，係咪就代表佢冇用呢? 咁其實又唔係，我只係想大家將重點正確放係1/2椎既其他效果(易用性以及驅散)，但係如果你只係為加攻+減防而抽1/2椎，咁我勸你諗諗佢先，除非你確認未來想玩物理隊(但都係建議復刻再抽)
2椎k2係進攻輔助方面有10%暴傷+攻擊提升II+減防，聽落去係好美好，但係火水毒隊係未來已經可以組成兩條成熟既隊伍，減防+驅散+弱點既邏輯自洽，足以應付公會戰兩刀以及擴編實練既戰鬥情況
火水: 瓊玖+vv+夏克里+春田+托洛洛(or妮基塔)
毒水: 416+大貓+g11(boss有毒弱點上妮基塔)+春田+托洛洛(or妮基塔)

k2除左驅散功能極其優秀之外，其他方面係難以與之競爭，所以係非常唔建議為左所謂泛用性去抽2椎k2
不過，如果你有睇過大陸服啲片，可能你會問佢地打公會戰點解有人借k2而唔係借其他角色，咁我只能夠講佢地極有可能係借6+1既k2，本身可以提供不俗既單體輸出，先有資格講功能性/泛用性

當然，係國際服呢個春田未出，火隊以及毒隊仍然未成熟既環境下，1椎k2加埋黛煙躍鍵理論上係可以作為強力既插件去其他隊伍，但會隨著其他屬性隊逐漸成型，k2位置會比其他角色取代(除非6椎)，最後歸屬就係電隊以及物理隊

暫時寫到呢度先，係咁多，下期朝暉就唔會寫抽卡分析，因為前416時代既角色冇必要去分析，之後再有新角色消息先再寫，我地應該下下期再見，多謝大家

pin咗先

0錐開圖鑑

少前暖暖

250抽VV 1+0

以依家國際服嘅情況，隊隊都基本上都會帶6椎416，唔帶嘅隊都會帶瓊玖，2椎嗰個降防真係備戰未來

自己冇協擊又難入416隊，唯有係痴過去大貓嗰隊，但係1-2椎攻擊15%覆蓋得4/7回合，暴傷10%可以全覆蓋，計落6椎科謝都差唔遠？小勝6椎奇塔。

穩態攻勢呢樣嘢可圈可點，本來可以控到嘅盾加咗穩態攻勢就控唔到...

以上全屬腦測，有錯請指教

上面回覆錯postsorry

基本上穩態攻勢II唔太需要去理佢，因為每條隊都有自己既破穩方式
火隊靠協擊次數，毒隊有大貓，電隊有ump9+安朵絲，冰隊有索米
反而係物理隊缺破穩，因為物理隊打少一個屬性弱點(+2穩態傷害)，所以個buff主要都係比返自己物理隊+電隊
同埋都幾啱電隊係因為ump45自己有類似崩鐵超擊破既機制，溢出破穩傷害會轉化成電增傷，破穩快係有好處，安朵斯+1穩態傷害，ump9躍鍵+3穩態傷害

攻擊提升II就同你講既差唔多，會斷檔導致實際效果打折扣，當上位科謝黎用冇乜問題，贏一手回血+群體驅散

諗落10%暴傷比416同大貓兩個都唔惹小 而且最重要嘅第六、七回合都食到15%攻擊
咩都好就係貴

雷隊物理隊真係未來可期 未來先補

from Reddit

方便理財

今期又輕鬆返

我係416 3+1食足4次大保再加g11 0+0食大保
vector1+0好彩d，食一次大保