羽絨／風褸／旅行用品討論[27](Montbell,Patagonia, Rab..etc)

呢件夠唔夠頂零下10度左右？
未著過想問問

我其實睇過好多牌子, 上面噏個喳Nanga, Canada goose, Rab, Mummut, North face, 其實我去日本呢次全部睇過晒.

我呢次去北海道, 又滑雪又行街咁, 舊個件Kappa hoody 開始有啲舊, 同我真係想要件長身嘅褸, 方便我係英國冬天著. 無錯, Arcteryx 係日本, 真係中國人為主嘅. 外國哩, 就仲有一批外國客買嘅. 英國我都見過鬼著嘅. 我去左outlet 睇, end up 我隔左咁多年之後, 再入手一件Arcteryx. 個件係Beta Down Insulated Jacket. 差唔多係同我舊個件Kappa hoody 同重量, 不過佢長身過佢, 兜住到pat pat, 而且仲要Goretex 防水. 巔覆左我一路只見到一有防水goretex 就必重嘅理解. 我本來都無諗過係買防水嘅down jacket, 因為真係用唔到. 佢同我舊個件kappa hoody 同重量先入左手, 否則佢重嘅話都未必會買. 原價個件野$9000 港幣. 我係日本outlet 約$5000 港幣 入手.

唔係我特別想買Arcteryx, 係我搵唔到我要嘅requirement 係其他牌子度. 因為真係旅行為主, 我要求係一定要夠輕 (800g 內嘅長身大羽絨), 要壓縮到可以擺係細背囊(15L or below), 要夠暖頂到北海道山上, 要多內袋可以做埋業餘滑雪褸, 要方便出入shopping mall 一除一著要快. 輕身同可壓縮嘅長身羽絨而頂到-10度係main requirement.

我係日本睇左好多牌子, 一係重, 一係夠輕就唔夠暖, 一係就無辦法壓縮得細件. 最近磅嘅係Nanga aurora light down jacket mikami, 不過肯定無Beta Down Insulated Jacket 個件著上身暖. Beta 個件野反而仲要係有滑雪褸嘅內袋係件衫裡面....fit 曬.

竇左個圈, 最後都係買左件beta down insulated jacket. 不過, 我要求好specific 去for 我係日本同英國行街一出一入shopping malll 旅行用. 唔係個個會要我嘅要求.

呢件係唔係暖過Fission SV？可以摺埋Pack喺背囊好吸引

可以睇下ufpro , 波蘭野價錢算係非常合理

https://ufpro.com/tactical-jackets/winter-jackets/delta-compac-tactical-winter-jacket

你真係純city life/resort skiing/一年去幾次旅行咪夠用
你話可以pack好細 好輕呢D 係因為佢話就話850fp但其實得120幾g既fill weight (事實上係好夠用 我唔係批評佢)
日本outlet 5000幾買到事實上係好抵 性價比係算高
但如果正價要9000港紙幾甚至外國巴打要過千歐買既話 你搵D細牌子 (唔係日本有間鋪/outllet果D) 甚至搵人造都有選擇
又唔好講到得arcteryx先做到
另外回應返你話佢goretex做到好輕 係因為本身隻物料都唔同左
一樣係goretex技術 但因為而家成個EU同好多國家都ban左microplastics物料
你可以搵下review 有D死忠係覺得隻新goretex唔come用

我都講番英國呢邊, 呢邊哩, 反而大陸人係少著. 佢地呢邊係著Canada goose 為主. 我諗10個有8個都係CG. 遠望見到鮮色North face 就應該係香港人無乜點錯. 英國當地人其實著得好雜, 由乾濕褸到英國式長身Coat 到羽絨都有. 牌子就真係乜都有, 平價為主. 久不久見到鬼佬著Arcteryx 嘅, 都係London 街頭, 中坑為主, 我諗因為都唔平, 唔係小朋友買嘅價錢.

日本哩, 其實都出名, 唔係日本人唔想買, 係覺得貴買唔起. (你望番佢地average 人工就知呢個品牌對大部份中產黎講都係貴) 點解咁講? 我去北海道玩Snow mobile, 個教練吹開水, 佢話我件Arcteryx 佢都想買呀, 佢話正呀, 不過就....貴左dd 咁..

唔會暖得過Fission SV , Fission SV好撚厚身架, 件Beta down insulated jacket 就輕身d 嘅, 不過肯定暖過我件Kappa hoody .

我諗件野主要係英國冬天用為主, 日本我諗唔係去北海道都未必用得著. 呀, 不過今年東京都凍, 我去個個星期, 連續幾日都唯持係1-2度. 呢啲咁嘅溫度東京都著到嘅, 不過平常嘅東京冬天氣溫嘅話, 呢件會稍熱左.

我真係要著多啲先會知新呢隻goretex 襟唔襟用....件野太新, 未夠review 話我聽係點.

我都係歐洲撚 (不過唔係英國)
其實歐洲絕大部份國家都唔洗著到攻頂咁
對大部份人黎講
300-400歐/鎊 (如果outlet仲平D) 買件有牌子既褸已經好夠用
近年TNF變左半潮牌就更多人著
肯洗錢既得兩種 一係就有實際需要 (例如成日行山/滑雪)
一係就finance bros, tech bros呢D一係就唔買 要買就買貴D買勁D唔洗煩
所以唔好話英國 就算瑞士 盧森堡 丹麥呢D都係有錢又凍既國家
你都唔會見到個個著arcteryx

就算加拿大 都係果2-3個大城市先係通街arcteryx

我唔係一味反隻雀 我自己都有5件雀 atom LT, atom heavyweight, gamma mx, fission, beta LT (不過D膠已經甩晒廢事整)
我只係覺得如果唔係一味追個品牌 同樣價錢有其他牌子都做到 norrona, 66 north, haglofs, mammut (mammut唔係outlet貨 真係攻頂果堆係好Q勁), nordisk呢D
如果單講旅行/city life 就更加只係睇個人覺得咁既價錢買咁既牌子值唔值
事實係就算係-5度 好多fashion brands無spec可言既褸都夠做 只要你手腳做到保暖就得

Slovenia定波蘭吖
外套淨係試過件Storm Chaser,
反而着開UF PRO啲褲, 幾舒服 ,買過七八條

著過 Ufpro 啲softshell 還可以, 見件 Delta Compac winter 又輕 880gram , under -10 degree, 多袋 .... 似乎幾啱要求

Snowboard褲有冇攻略
想要啲入門level 夠室內場上堂用就得

因為成日跌 想揀工人褲款 冇咁易入曬水
唔洗太保暖 我發熱量同出汗都好大

日本興arcteryx係十幾年前 玩都市機能風嘅人帶起
個班人點會冇錢玩 只係過晒氣 唔再玩
真係玩性能嘅 當消耗品咁用 有其他平d 自然唔會揀支雀
歐洲又好 日本又好 個價平過大陸 d貨又齊
D大陸人衝晒出去買

絕對無見過人著hardshell 行街. 咁多年都無見過一個.

所以我好記得之前有個巴打問話買 hardshell 過黎英國...我勸左佢幾次諗清楚先買...........

去旅遊台滑雪post問
唔洗太保暖既你揀番shell褲就得

之前去過北歐，一班班大媽老遠先聽到佢哋把聲，過過都著Arcteryx，仲要入埋嚟同一間餐廳，嗰嘢真係想搵窿捐。

如果未玩過就淘佬啦，玩過鍾意玩就攻頂，如果就嚟去日本，就東京御茶之水

Thanks bro 不過我係英國

上咗一堂覺得幾好玩 但租嗰條褲係後面入水
所以先諗住買一條上堂用

攻頂好L貴下… 同埋唔太識咩先係頂

有一個叫evo嘅網你可以去睇下

女仔montbell outer layer

Tempest點睇？見佢都幾輕又有齊功能
https://www.montbell.com/jp/en/products/detail/1128723?fo=0&color=PK

Storm Cruiser見佢女裝已經冇出