話晒主角獵人肯定要負責殺死護龍，雖然係為左生態平衡，但殺就係殺，有咩面皮教人放低仇恨。
唔通殺完話「嗱，我殺護龍，係為左保護生態咋，唔係幫你報仇呀」然後差仔明白點頭，咁樣呀？
=================
喺個充滿戰鬥既故事放個正太角色，通常都係為左表達「軟弱但善良勇敢」，差仔似乎都係想表達呢樣野，但炒晒車啫。
首先係風鈴條村淪陷
村民逃走，差仔發現蘿莉唔見左，大叫一聲「諾諾！」跑返轉頭。
本來呢幕就係塑造角色性格既好機會：弱小唔會夠怪打，善良諗起朋友，勇敢返村救人。
但下個鏡頭竟然係蘿莉乜事都無跟大人走路，差仔柒左，獵人去搵差仔，差仔匿喺暗角瑟瑟發抖
大佬呀，編劇點解可以將差仔第一個建立角色形象既機會，用黎表現佢有幾柒同廢
寫成咁唔得既咩：
差仔喺暗角搵到瑟瑟發抖既蘿莉，救左佢出黎(善良)，怪物殺到，兩個細路肯定唔夠打(弱小)，差仔將個蘿莉護喺身後，同怪物互望(勇敢)，再千均一髮由主角救場。
雖然老土，但咁差仔俾觀眾第一印象咪好囉。
差仔可憐護龍其實解得通
1. 佢知道村民原來全部逃難成功，對鎖刃既仇恨既動機其實已經無左；
2.知道護龍係人工生命，俾族人祖先當工具咁用。作為唯一出過村見識過外面世界既人，知道護龍已經由「工具」學識變番做一隻「生物」識食識繁殖，比對自己出村增見識既經歷，有共鳴其實講得通。
但編劇呢個時候又發功寫柒佢
同情護龍ok呀，但眼鏡姐姐都話護龍開始暴走破壞生態，明明又係一個展現故事主題同角色成長既機會。
大愛到俾人扔上雞都仲叫獵人唔好殺，膠得黎又接唔番討伐白熾呢個決定。
寫成咁唔得咩：
眼鏡姐姐同差仔講護龍開始暴走破壞生態，差仔望下鎖刃食野既樣，一舊舊屍塊由鎖刃進食處飛過黎觸目驚心，鏡頭影住差仔低頭握拳內心掙扎，然後zoom埋差仔既下巴同口講一句「獵人大人，請你制止護龍破壞生態啦」，接住一滴眼淚滑過臉頰，然後兩個姐姐帶埋差仔走，轉入玩家戰鬥。
煸情係煸情呀，但故事係咁寫架嘛。又表現到差仔既善良，又表現到佢成長識權衡輕重，敢於面對生物死亡既勇氣，又接得番個結尾。
Wild故事主線/主題其實唔係真係咁差，但全部俾班角色既迷惑行為整到膠晒。
有冇長槍同好share下有咩珠係必要
第一次玩槍
樓主快pin趁佢未改前快啲刷