（1） 木乃伊媽媽
其實覺得木乃伊媽媽都知道將個仔木乃伊咁keep法再醫返係無可能，但唔想接受個仔已經死左嘅事實，留住木乃伊係為左留個寄托同希望比自己去生活落去，但係文哥眼中反而覺得咁做好自私搞到個仔無得投胎轉世，但其實學道生話齋，喪禮同婚禮一樣都係做場show，點解要因為一啲傳統上嘅文化信念而令到木乃伊媽媽連最後一絲希望都無，咁樣做反而可以超渡仍在生嘅媽媽，令佢生活得無咁地獄
（2）志斌喺醫院比文玥鬧自私
套戲果一幕志斌比文玥鬧自私，但其實覺得志斌只係一直都無出聲講自己真正想做嘅嘢，真正自私嘅何嘗唔係想為佢安排哂一切嘅屋企人，令佢一直都只能做自己唔鍾意做嘅喃嘸佬。另外有個位覺得好有共鳴，華人文化就係好鍾意成日以成個原生家庭做一個家，事事都要成大個家庭咁睇，即使已經去到好大個人，父母都好鍾意要管好多野，一唔聽佢地講就係唔聽話，又情感勒索，即使結婚後都要繼續管，真心攰。
睇完套戲覺得如果可以放返道生原生家庭嘅故仔同講多少少文哥老婆嘅嘢就好，歡迎大家講下你哋嘅睇法