《破地獄》集中討論區2

最尾應該都係選擇要個BB

最尾架靈車同佢架車分開行代表住佢唔再當生命係倒數緊
同時佢都睇開左上車落車呢一個意義

其實都幾冇理啦更唔怪得演員覺得太黑暗 因為唔belong呢個故仔到

無班友係到代表傳統觀念，你點會明女人破地獄係對傳統有幾大衝擊依套係一套戲嚟。
如果講現實，就算女人跳，我都肯定啲喃嘸佬唔會岀聲，人死為大，又係個行老行尊，最多拉埋黃子華講兩句，一定唔會係靈堂嘈

頭先睇完訪問，原來係導演覺得人係要失去左先識珍惜，所以加個bb落去

個下哭腔：「老屎忽」
頂唔住 好bromance
完場想搵返個兄弟攬吓先

早幾日睇完 立意都係講生死 家庭隔閡
出發點係唔錯 值得一睇
但係劇情就好似由好多個故事拼湊一齊
你會感覺到係特登要子華明白幫生人超渡 即係木乃伊嗰個故事 同埋成全個女仔朋友見死者最後一眼
同埋無啦啦Hello文幫子華一齊包木乃伊 違反傳統 覺得有啲突兀
突然就明咗要幫生者超生 對我嚟唔足以令佢改變
反而衛詩雅條線就好睇
雖然睇完都係覺得唔好遲生仔會累到佢地

唔同意你2-3段

認同韋羅莎個case 夠交代轉變，但如果跟你2-3段咁講就反而仲差

佢如果真係表達唔到你就唔會get 到，如果太著跡，好似你咁講咁表現出黎就變左TVB啦

而家咁樣我覺得係剛剛好，成年人，唔會下下都將啲野擺係口，反而黃子華只係係同家屬擁抱既過程中，用對手，即係肢體語言表達左，佢被感動有轉變，其實都好足夠，仲做得好好

呢套戲最好睇係寫實，你2-3段既野好公式化，亦太二元分立，佢有改變，唔代表佢唔再貪錢，兩樣野可以同時存在，幫人都要開飯，所以淡淡然帶過就足夠，唔需要太著跡

閪佬文幫佢，唔代表佢會因為欣賞閪佬而有心搞殯儀，完全風馬牛不相及，現實會唔會因為果行有人幫你，突然間覺得好崇拜佢，從而立定決心要做好果行？

如果跟你講咁拍完全係TVB劇情黎

另外，黃子華呢個選角好，因為佢係棟篤笑底，本身套戲已經好沉重，如果唔係有佢擔起呢個角色會仲沉重，上面有人話揾劉青雲，套戲會成個風格唔同晒，會過於沉重，我覺得黃子華表現恰如其分，暫時諗唔到其他更好人選，唔係好覺所謂子華有用棟篤笑腔，而係呢個角色個設定係咁，同埋導演應該有心係要佢某啲位鳩下鳩下拉返個平衡，等成件事唔好太sad, 太sad 就會over, 會損失一部分觀眾

最近我工作上都中伏識到好貪錢既vendor, 收左錢唔屌唔做野，交貨又交垃圾，一睇就知周身債過隻

所以我覺得子華做生意已經好好嫁

幾好睇 依套係值得支持
講生死好少有

阿哥去墨爾本可以做到咩工
或者阿哥已經搵夠了

唔同意，個個都有自己難處，但個妹講得岩，佢係好撚自私

佢為自己個家庭，咁又可以犧牲個妹？
仲未計係佢激到個老豆中風

調返轉 佢老豆一樣好自私 佢個仔細細個就比佢定型 有邊個可以幫佢？

一星期5000 萬
叫座力係咪勁過星爺
飯2 冇左佢4000萬都冇
咁對比子華起碼值5000 萬
佢而家應該要收3000 萬片酬先岩

真係心覺得子華做得幾好，有幾句對白子華係皮笑肉不笑咁講出嚟，真係覺得好sad

有責任,但佢本身都係受害者....

真，佢係想賺多啲錢，而唔係想貪錢。 例如佢好誠實同老母交代個棺木係有錢都買唔到

我覺得老母喺隔離望住佢地處理佢個仔好大意義 個老母都知道全個紅磡都冇人接佢生意，佢個仔擺咗殮房半年到，佢又知道個個當佢癲婆咁。 而家終於有人係幫佢個仔做防腐同放入棺，如果我作為阿媽我都想喺隔離望住，對呀媽嚟講意義好大。

斷估阿哥移民做藍領要捱
BUY佢真心想為個仔好
唔係逃避照顧老豆

我覺得衛詩雅仲做得好過黃子華

上次睇毒舌
會覺得一到renci嘅戲份就好出戲，之後到黃子華先返反嚟
今次反而係到黃子華啲戲時，真係覺得有啲唔太自然
特別係個幕 幫許冠文化死人妝之後乾杯個幾句
唔知係導演cut咗太多定點
但佢每每講人生今句個啲 硬係有種好唔自然嘅感覺
反而衛詩雅做得好自然 係覺得好舒服

唔想畀人覺得踩低人而抬高對方
但如果上年余香瑩咁嘅演技都有最佳女主角
衛詩雅今次拎 真係實至名歸

有一個位唔係好睇得明，唔知套戲冇交代定係我自己miss左。有一幕阿哥俾hello文話佢再冇資格做儀式，要佢除衫，然後hello就心臟病發。
但前面冇交代過阿哥做左啲咩錯事，淨係黃子華同阿哥講左句乜搞到咁大鑊，咁究竟阿哥衰左啲乜？

咪就係佢信教 食飯個到
只係中間加咗幕 唔係順住落
所以你會以為miss咗

衛詩雅由頭到尾黑起塊面… 唔係話差，但冇乜亮點喎
女配可以俾黎鼓勵下，但女主又過份左

認同，可能會好啲
周家怡可有可無，出左樣反而差左