《破地獄》集中討論區2

之前棟篤神探佢突登寫死莫作棟都比人屌到飛起

如果連黃子華都頂唔順應該真係好dark

唔明咁寫有咩好睇姐係兜咗個圈咁？
只能夠話我都覺得有唔完美嘅地方 就係好似點解套戲對傳統／宗教太有立場 好似已經係無神論
但唔係執著夠唔夠dark

其實當年寫死佢係為乜太細個唔明

衛c雅啲戲好咗

只係舉個例，唔係一定話dark就好

我明佢主要想講，
無講呢行又好，文哥本人又好，
都太食古不化，同而家唔接軌。

但傳統/宗教呢樣野，就係有個核心，
再經過漫長時間去構成。
即係走入教堂話人地d聖詩老土，
入佛堂話d和尚做咩剃光頭，
同樣地，人地祖師爺祖訓話女人黎m係污糟，
道生就講大堆野鬧埋人地個上帝，
真係好難唔火滾喎。
無理由要同時代接軌到，
要連個核心價值都崩潰埋嘛

我覺得道生個性格世界仔，
應該有更好既方法處理，
唔得失兩邊之餘又可以令呢行繼續行落去，
呢個唔係先係佢既原意咩？

呢樣野我同你差唔多
係老豆封信太感人同埋寧願寫信都唔肯面對面講仲有老豆到死果日都先解放到仔女 呢幾樣野實在太衝擊同複雜

所以我覺得套戲一係就集中講文哥一家嘅矛盾，子華直接做男配角，一係就集中講許冠文同埋黃子華兩個人嘅關係同生死命題。
而家係又唔夠時間講故事，唔同角色嘅故事乜都掂少少，好似拍完先知太多內容唔夠時間，相信背後有好多唔同嘅商業考量影響曬套戲。

我覺得作為一套冇票房壓力嘅電影真係應該追求更多，唔係全程吹奏，乜都話好，睇吓將來有冇機會剪返個完整版，放上串流平台啦。

你係睇而家啲一刻,我係睇套戲本身長遠嚟講睇唔睇得
即係我認為破地獄熱潮過咗,四五年後評價會低番好多

好似毒舌，明日戰記咁，熱潮過後再評價

太多支線得黎又刻畫得唔夠多
你話好摧淚咩？ 如果你現實生活有發生過 咁喊好正常 但就睇電影黎講 我覺得觀眾唔夠時間同個角色成長
前面講左一堆野 但下個鏡頭就話個角色死左

其實我相信大部份會喊嘅人都係因為題材容易聯想到自己身邊屋企，而唔係因為入面嘅角色同故事而覺得感動，我覺得呢點真係要搞清楚先好評價套戲本身係點
就算許冠文啲場口都係同人鬧交多過講佢有默默關心自己家人嘅生活，所以最後佢死咗先來讀遺書，我都唔係好感動。

反而戲入面嘅朱康真係有描寫佢平時點俾阿爸鬧，俾老婆捽，俾阿妹妒忌同出氣，我就投入到佢個角色

《破．地獄》上映一周票房破5,000萬　11月16日逾900萬創紀錄

陳茂賢執導和執筆，黃子華、許冠文、衛詩雅、朱栢康及周家怡領銜主演，秦沛、金燕玲、韋羅莎、梁雍婷、白只、鍾雪瑩等聯合演出的電影《破．地獄》成近日熱話。今日（17日）《破．地獄》在社交媒體上宣佈，票房破5,000萬，上周六（16日）票房高達905萬，當日有超過12萬人入場觀看，成為香港電影單日最高票房紀錄。

一個禮拜5000萬
港產片好少咁撚勁

衛詩雅同醫生d對白好似搵AI寫咁
勁撚尷尬好出戲

5500 啦

個勢頭好撚恐佈

咁好快排第一

今次睇吓英皇想套戲可以走幾遠

衝出國際就好

痴撚線 子華套套都咁撚收得

個醫生係馬志威

認同黃子華啲戲真係令我好岀長對白原本就好難carry ，佢仲要用力太猛。
但你講屌走曬所有人個part 係其中一個主題嚟，代表左佢說服左許冠文，葬禮依樣野唔只係超渡死人仲要超渡生人，所以許先會唔理多年既信仰，俾個女幫佢破地獄，了左個女心結。加埋黃子華唔理之後有無係依行撈都要挑戰傳統，了個拍檔心願，應左佢代表既立場，即係葬禮係為生人做既。如果無左依part ，套戲其實唔成立。

投訴到要係7:30個城市狙擊定全線大搜查定東張到播個佢無死既結局

我覺得仔女破地獄係子華自己意見
因為文哥交低叫佢超渡生人
應該係子華覺得咁做可以超渡返生人

呢一個係講和解嘅故事，除左醫生果度唔知最後點之外，所有拗撬去到最尾都和解左。只係個過和太老掉牙，可以話係冇咩驚喜。用真誠努力去感動老師傅，同其實老豆好愛你地來收尾今人好不盡興。

去感動老師傅果度雖然幾快，都有用唔同case刻畫到黃子華嘅努力出來。但係老豆愛你果度，淨係用幾句同黃子華嘅對話表達對仔嘅關心，同遺書從女主角個名嘅含糊就話老豆其實好愛佢，畫公仔畫出腸咁講出來都幾流於表面。

一開始已經估到呢套戲點用親情去煽情觀眾，金燕妮同許冠文好明顯係遲早會死。個人對有關親情嘅野係比較眼淺，係有喊到出來，但係我感謝係佢煽動到我嘅淚點喊，而唔係覺得套戲出色。

個人最深刻係白只果都part幾有新意同衛詩雅破地獄個畫面幾靚

就係唔明點解比個女係隔離學