《破地獄》集中討論區2

我個時第一下都諗，道生應該係唸錢未還晒，咁快嚟筆新

養細路對上年紀嘅債仔都好大壓力

我理解係文哥明白到個女（生人）既感受比自己（死人）重要，所以佢放棄佢既信仰黎超度返個女，就算佢入唔返道又點？人面對死亡都係未知，但佢愛佢個女只係唔識講出口，係講緊父愛。

btw,佢都80幾歲其實傳統上應該可以唔使破地獄，但我估應該好多門派傳統唔同。

仲有文哥呢世人淨係著道士袍
走嘅時候終於可以著返件三件頭西裝

依加黃子華perfectly rated千其咪比佢拎大獎遺禍人間
套戲根本勁散又嬌情

想問下導演係咪話會遲D上番未刪剪版？

睇之前我期望好高，因為出邊啲人講到好感動，我以為自己會喊，點知成場完全冇喊過，一定係佳作，但唔會係神作。

我覺得導演太貪心，太多角色支線，太多信息想講，但片長關係搞到角色刻劃唔夠深入。剪接好快，講黃子華點樣入行改變，我可以理解題材容易令人感動，但中間個啲死人case 因為故事描寫有時限，我自己情緒係投入唔到的，對我來講只係主角又接到一單生意嘅感覺。

我個人認為如果破地獄成個故事可以捉住一兩個角色然後發揮到極致就更好睇，呢一點上年又係個個人都喊晒口嘅年少日記真係好勁，佢真係全套戲都比晒兩兄弟捉住觀眾嘅心。

難得搵到許冠文同黃子華，啲戲應該all in落佢哋身上，而唔係好似而家咁乜都講一餐，乜都掂少少。黃子華同許冠文角色之間嘅火花冇我想像中玩得咁出色，唔夠時間同建立深入嘅關係同矛盾，兩個人互屌幾句轉頭唱下歌仔Fd 左啲文哥就死左。作為主角道生呢個人自己嘅故事cut 左勁多，用打邊爐嗰場戲幾句大道理交代晒佢對生仔嘅態度；佢做婚禮策劃㗎，對家庭嘅態度唔係應該有更好嘅故事可以講咩？文哥嘅執着同對老婆嘅愛大把發揮空間又係幾句講完，本身一個可以好有魅力嘅風骨角色，傳統嘅代表，最後真係同我講話：因為祖師爺係咁，所以我就點點點，就咁解釋左，作為觀眾，我就會覺得原來文哥真係只係一個守舊撚，背後冇乜故事可以比我發掘。

犧牲左兩個男主角嘅時間換來嘅就係衛詩雅嘅主角光環，佢個角色勁多發揮，一句女人污糟貫穿成個故事，女權反封建直頭變咗主線任務，令我觀感係成個故事終拯目標就係最後要令到女人做破地獄呢個構思合理地實行，其他只係鋪排，所以到底導演有撚幾想拍女人破地獄呢條橋，拎兩大男主角做賣點但個核心其實係要實現女主角做破地獄。呢條橋唔係差，但呢個走向有啲浪費左兩個男主角囉。

成套戲最精彩我會話係朱康，佢個角色真係做到簡而精，佢又好戲，真係做到比成個家庭大環境逼住走嘅無奈。老豆又難相處，老婆行為又反智，做住啲唔想做嘅工作但個妹又因為咁而妒忌自己。仲有秦沛又係畫龍點睛。

而家拍到咁多信息，好多位都係點到即止，係咪要應該學梅艷芳咁剪成幾集擺上Disney+，一定好睇過而家左cut右cut嘅版本。

所以咪害死左文哥

我老豆糖尿病 都開始注意返 食多啲糖

我諗係一種心理因素

炒菜都要落油
而家佢心臟病中風所以食咩都白烚佢咪唔鐘意
同埋道生邊有斬料 杏仁餅黎

一拎左間舖就出手

馬志威又係做fuck boy
呢排成日見到佢

拎過最佳新演員同最佳女配角

話老友但出過一次job
就無啦啦將間鋪頂比個三唔識七既世侄

套戲都好 subtle，例如梁雍婷個 case 最後都件事係點；其實朱康演得好好

認同

完全唔明佢老豆咁重視傳統
點解個女會識

某程度又應驗緊連登既常出現對白
生仔要考牌 佢自己都係盲目跟從上一代
用番同樣方式對下一代

個轉捩點開始應該係紅磡癲婆
佢自己都個仔做開都頂唔順 黃子華都親手做

想了解無喊嘅觀眾係點諗，有時質疑自己係咪喊錯

破地獄嘅內容根本就唔夠豐富

雖然 係嘅 調色構圖都做得唔錯
但個劇 本身唔夠力 變咗賣弄美術去搭救

成套戲個中心思想
就係想講 殯儀係做畀在生嘅人
雖然有用幾段去著墨
滿足家屬/先人意願先係最重要
但奈何全部都唔張力 太短太快無沉澱到件事
太流於表面 簡單啲講就係你估到會點收尾

有9成時間
所有角色都好沉重 太沉重 亦都太平淡

許 食古不化同愛家人 根本無衝突 錯撚曬
黃 一開始演得唔夠貪 後期畀心機個動機轉變太細
衛 出好多鏡 但只係憤怒同勞氣
朱 一路都食住舊屎咁 有佢嘅場口就會好晦氣
秦 依個角色係可有可無

唔係演員唔好戲 朱其實入戲
係個劇本唔夠場口畀佢哋演
所有野都太subtle

到最後靠黃嗰幾句 字字鏗鏘
諗住打醒啲觀眾 諗住打破固有嘅習俗咩
又做唔到
前面根本無建立足夠嘅情緒同動機

睇完就係覺得
唔夠 未夠
其實只係一套中上嘅戲
距離佳作有段好大嘅距離
7.1/10

殯儀題材只係包裝，實際內裡只係一套好typical既家爺仔乸戲

導演野心大到想喺兩個鐘入面，大包圍講曬黃子華由外行人到真心投入殯儀、衛詩雅同佢老豆、阿哥關係既轉變、許冠文既醒悟與愧疚、原生家庭既傷害、中間仲要穿插幾單case

結果每樣野淨係hi到邊皮，點都即止，有佳句無佳章，成套戲最好係啲配樂，同埋許冠文、秦沛演得好，仲有朱康都唔差

可能只係俾人剪到乜都無晒
如果出個director cut可能好啲

年少日記我有喊，呢套入場前我以為自己一定喊，但最後我冇喊過。我相信易喊嘅人會容易因為入面嘅情景有聯想，完場之後我諗到個原因就係每個角色都唔夠時間描寫，所以我自己唔係好投入到。
佢幾個case 一來就死人，但我對個先人角色係冇感情基礎，跟住個生人一來就喊，又係冇前文，去到中段我只係覺得黃子華又有生意

道生同文哥唔夠多描寫，道生次次搞事除咗比文哥屌幾句都好似冇後果咁，feel 唔到佢哋作為拍檔經歷左幾多困難，有幾深感情。
文哥一家正路應該好多人喊，但前面真係不斷描寫文哥冇乜父愛，一見到仔女就屌鬼，女人污糟上曬腦，祖師爺仲緊要過屋企人，去到後面死咗先來玩遺書真係好難投入。
反而秦沛啲戲好撚勁，臨尾一句老屎窟仲感動。

呢套野係過譽 劇情其實唔太出色
佢令人喊唔係因為入面角色既死
反而 係好多 遺體 出入靈堂 各種儀式
令你諗起 自己親人死個時既感受

破地獄雪糕車

雪糕佬呢？