《破地獄》集中討論區2

張國榮版本正到

秦沛出席喪禮嗰一陣已經做到成浸大佬味

秦沛戲份咁少
但個角色好立體

同意
但呢啲再加埋可能套戲就成兩個半鐘以上
咁就好多人會覺得太長
導演用左啲時間係每幕戲留長少少
可以見到多啲角份表情同糾結
而唔係流於對白
但相對就會變左每幕戲都好重要
好多資訊
只能取捨

我反而覺得最尾果幕鏡頭最有意思
因為所有紅磡出都會經過條隧道

生與死最終都要分道而行
不過平時係死既入隧道，離開紅磡
今次係生既入隧道，衝出紅磡

好似將紅磡比喻做係一個地獄咁樣。
進入紅磡有一條隧道，離開紅磡又有另一條隧道。

道生除左幫助郭氏一家破左地獄之外，亦都同時為自己破左一次地獄。

覺得個shot係好似人生嘅過程咁
一開始bb仔喺條隧道出嚟，然後去到路上就會遇到唔同嘅車，大家都係喺到經歷一個旅程

都係焚城好睇，起碼無冷場
破地獄睇到中間想訓

個reference應該係fast and furious 7
https://youtu.be/7cPMriE8fKU?si=aBE0MSikPcSLh6kp

4:25

套戲其中一個大主題就係一文一武咁去「破地獄」。武嘅就係喃嘸佬，用破地獄呢個儀式去幫死人解脫。而文嘅行街就幫在生嘅人去解開佢哋心結。

Hello文做咗成世喃嘸佬，幫死人超渡佢好叻，但對於生人嘅關係佢一啲都唔識得處理，全紅磡都覺得佢閪，兩個仔女亦都因為佢而有好多誤會。
道生就搵錢至上，成日烚熟狗頭，氹啲客俾錢就犀利，但係唔尊重死者，單純當份工係生財工具。
而兩個做完癲婆單case之後，其實都轉變咗對生人同死人嘅態度。不過道生就有啲轉變得太快咁，唔似文哥有鋪墊，去到後面大家先知係咩事。

但既然後面擺咁多時間去講文哥一家人點樣和解，如果個結尾係可以返去叫人多啲照顧身邊嘅人嘅感受，有啲咩就講出嚟，比起講咩大家都係人生嘅過客，唔使在乎相處時間有幾耐會更加點到題。因為周家怡個出現都幾突然，好似夾硬塞落去咁。

總括而言套戲都係好睇嘅，因為啲人物動機都講得好完整，有講到佢哋掙扎同矛盾個位喺邊而又make sense。但黃子華去到後面都仲係佢嗰種嘻嘻哈哈演法就唔夠沉穩，唔太符合佢角色嘅轉變。衛詩雅天台喊到咁佢仲係笑騎騎咁樣對佢，就好出戲之餘都會覺得係一開始嗰個淨係識氹客仔搵錢嘅道生。

總括而言套戲都係好睇嘅，因為啲人物動機都講得好完整，有講到佢哋掙扎同矛盾個位喺邊而又make sense。但黃子華去到後面都仲係佢嗰種嘻嘻哈哈演法就唔夠沉穩


其實最後果到，完全壓唔到場，唔覺得班師傅真係聽完佢句好行唔送，會即走唔打柒佢

嗰段佢直情棟篤笑上身咁 黃子華始終都係做緊黃子華
同埋最後朱康同衛詩雅對望 望到好似情侶咁

套戲根本要叫熱血行街仔
由咩都唔識，去接觸屍體，清潔魚包木乃伊，幫死者化妝著衫
一個50幾歲既人面對死屍完全無心理關口，到偷骨灰，口遁喃嘸界，破埋hello文70年解唔到既結
好撚勁

無同屋企人鬧過交？
又唔會打佢
又唔會好似街邊阿叔咁樣一輪嘴屌鳩佢

真係好撚自私
呢句，其實已經係好真實，好失望嘅對白

如果佢演繹唔啱你心水，咁就真係個人喜好
我就覺得佢今次做得唔錯，特別係對住屋企人嗰啲

反而佢做救護嗰幾段就真係似「演戲」

除咗老豆死有點cliche
最後好多嘢用遺書獨白講番
電影語言冇咁細緻之外

其實每個角色都寫得好好
近年港產片好少見咁solid嘅劇本

不過我都有諗過
如果老竇中風但冇死到
反而係被迫退休
阿哥短暫返香港教阿妹承繼衣鉢
咁樣會唔會都得呢

結局都可以係一場兄妹破地獄就完
但係老竇會親眼睇住兩兄妹嘅和解
可以俾老竇演繹到由睇唔起女人
再去到睇完阿女做破地獄之後深受打動
老懷安慰，放心交俾阿女打理

然後最後一幕，快轉幾年之後
阿女同黃子華合力做好間舖
阿哥放暑假返嚟帶小朋友探屋企人
再傳承南嘸文化

完

咁樣可能好過全部嘢用老竇遺書，旁白交代
但係套戲應該會長咗

套戲已經兩個鐘
個個位都有人話寫唔足，其實全部都有就超爆長
依家呢個版本軸心喺晒文哥一家人到，呢家人起承轉合滿分，已經好足夠
套戲仲要分返啲時間俾道生喺啲sub story成長，去襯返文哥嘅轉變

哩個方向去寫個結局，就真係一套戲，唔realistic
就算hello文冇再對女性帶有歧異
其實都唔會想個女入行，始終哩一行唔係一份好嘅工作
佢都講過，係個仔讀唔掂，先想佢有門手藝
依家個遺書、遺言係好似有d突兀
但其實算係幾反映到現實
哩行係後繼無人架喇

你又啱喎，夾硬傳俾個女又變咗做戲
但都覺得老豆死左有d老土
可能編劇都覺得咁樣係最好啦

有機會去謝票場
問吓佢哋有冇諗過其他結局嘅可能性都好

但係唔諗呢樣，其他各方面劇本都真係好出色
下年最佳編劇有望

死有咩咁老土 最多你話佢要用對白交代文哥心境
但文哥最後能夠敞開心扉係佢嘅arc嚟
唔通因為唔鍾意獨白而唔俾佢講

同意其實而家都唔係唔夠
主線嚟講都好完整

啲人話想再睇多啲
證明故事同角色都夠吸引
大家都唔夠喉咁解

如果每樣都講咁詳細
要拍返套劇先得

愛 • 回家 之 破 • 地獄

個重點應該係俾唔俾到小朋友幸福同生小朋友係咪一件幸福嘅事 （甚至我覺得更加general嘅係 人生咁多苦難仲有冇必要努力活下去）
見到文哥一家人幾經波折都修成正果
文哥又有個相對幸福嘅結尾
咁咪俾到勇氣佢去生

老豆死有兩個問題
1係太容易估到，2係死咗冇得面對面同屋企人resolve，變咗被迫要用遺書旁白去解決

容易估到都算
如果用電影語言黎講
用旁白交代，就係「講戲」，唔係「演戲」

不過都欣賞佢有好多位冇左以前港產片嘅通病
就係對白畫出腸

例如中間les嗰個位
用動作同畫面來交代les同先人關係
如果低手嘅方法
就係白只鬧佢嘅對白入面 透露對方係les

去返老竇嗰度
我就覺得如果佢冇死
咁會有更加多場口
比兩個仔女同佢面對面溝通解開心結
更加多俾演員發揮嘅空間

當然片長，或者好多其他嘢都要考慮
唔係而家差，只係幻想吓有冇其他更好嘅處理

—-

再FF下另一個處理
文哥一樣突然之間死咗，但係冇寫遺書
黃子華喺老竇喪禮上面一樣
同大家講阿女幫佢破地獄係老竇心願嚟
老竇冇任何旁白
阿哥一樣同阿女一齊破地獄

但係
最後黃子華同明哥講返
文哥其實冇講過呢個心願
一切都係黃子華根據對文哥嘅了解而作出嘅安排
坦白問明哥，自己咁樣安排有冇做錯到？

明哥就安慰佢話
破地獄，都係求心安理得
先人有冇影響，冇人知

子華咁嘅樣嘅決定
就同傳統嘅破地獄一樣
都幫生人解開咗好多心結
真係破咗生人地獄

完

(去得更盡，甚至可以將同明哥嘅對話寫得更含糊，變相觀眾都唔知到底文哥有冇清楚交代身後事嘅處理，open ended比觀眾自己反思)

—-

再講吓寫死主要角色帶來嘅問題
唔止港產片，西片都會

通常寫死一個大角色
目的都係為咗令主角/故事帶來重大逆轉
但係咁樣其實都係一個寫故事中嘅一個捷徑
如果唔需要寫死角色，都可以帶來故事逆轉
咁個編劇就好聰明了

但同時，要角色死得「好」
除咗死法要合理，唔老土(同人鬧交跟住心臟病發，真係好港式..)
角色死咗之後嘅影響都可以好細緻地處理
如果全部靠死者用讀白去帶過，咁就略嫌表面

唔係針對破地獄，都係好多外國電影嘅通病黎

睇完
幾好睇
但中間補返多D 過程會好D