如果神創造人，乜嘢創造神？

可能依個世界，真係有樣嘢叫冇原因
無得解的，意識就係無啦啦走出嚟

所以其實人係要證明自由意志㗎嘛 其實我哋就係要證明我哋係有自因嘅能力 但因為我哋會被其他嘢去影響 例如物理定律 我哋根本冇辦法完全確定我哋能唔能夠生成自己嘅選擇 先會有咁樣嘅debate

不過我都係漏咗一樣嘢冇講 就係除咗自因 佢都必須係要選擇去令個宇宙存在 即係話佢有得選擇宇宙係唔存在的 因為如果佢冇得揀 就代表佢比其他嘢cause先再cause個宇宙存在 咁就即係有前因 呢一個係第一論證支持者會用嘅其中一個原因

Deductive argument係可以有synthetic premise的 你話你分析飲管有幾多個窿之前你需要知道乜嘢係飲管 咁純粹你其中一個前提係一個經驗前提 唔影響個argument係inductive定deductive的 deductive argument純粹係講緊如果所有前提為真 咁個結論一定係真 佢冇要求所有前提都要係a priori

(1)都可以有問題㗎 不過呢一個就係佢哋支持者票諗嘅問題 佢哋會嘗試去defend(1) 然後嘗試排除所有其他可能性(未必得三個可能性 總之有幾多其他可能性就一次過排除晒) 實際上佢哋嘅證明會有啲複雜 呢度就冇辦法詳細講 但係嗰個方法就係咁

超弦好似都係講到宇宙外有好多個宇宙，好似星系之外有好多星系，形成星團，星團之外又有好多星團…

而一切嘅起點唔係時間，而係物質同反物質嘅平衡。
我哋依家嘅物質係失衡而來，而平衡嘅時候，應該係得堆能量

呢個失衡出現嘅原因可能就係起點

你個意識係跟個腦，所以你個意識唔存在實在唔奇，但你嘅存在將會係永遠，因為你嘅存在已經係事實

保存意識有機個方法，其中一個同元宇宙類似

我都好好奇到底連登呢邊大部份人相唔相信廿二世紀殺人網絡嗰一套？我都有啲嘢想發表好想公開大家討論吓 而家可能年紀大咗啲就還好 我接落嚟講嘅疑問我以前細個係會越諗越恐怖 跟住會有種窒息嘅感覺

同埋大家係覺得人類係神創造 定係外星人創造出嚟真係進化論？

其實我好細個已經有諗過樓主呢個問題 到底點樣樣乜都冇突然之間產生咁多嘢 之後又會諗其實大家係咪虛擬出嚟 或者其實會唔會個世界好多嘢個認知唔係我哋咁

之後上到中學就會諗我哋啲知識到底係咪真 舉個例我都知中學或者大學學嘅物理化學好多都已經係既定公式 即係所謂嘅常理 已經有晒公式而且個地球一定係咁運行 但係我就會好好奇 假如我哋呢個環境真係虛擬出嚟 咁好多所謂嘅知識基本上應該淨係套用到落呢個地球到 實際上可能成個宇宙 其實有更加多更加實用嘅知識 基本上我哋而家學緊嘅嘢就係困死咗我哋認知 永遠都突破唔到

甚至有時會諗我哋而家用到嘅物質 基本上地球有啲乜嘢資源 我哋就善用呢啲資源去創造唔同嘅物質出嚟滿足我哋生活 但係會唔會實際上其實好多嘢係唔需要我哋咁辛苦就得到 其實係可以好似打機咁出外掛或者有bug？

同埋我會成日覺得其實辛苦 由細到大努力讀書 努力做嘢 有唔同嘅所謂目標 甚至有啲人有上進心嘅仲會爾虞我詐踩人上位 勤力到死為止 但係一啲都冇提升過精神層面 其實就有啲似一隻倉鼠跑滾輪 以為自己走咗好多路實際上原地踏步咁 呢一部份我唔係要道德批判人哋做嘢狠心有上進心踩人上位係唔啱嗰啲 我係純粹一諗到呢啲我就覺得好恐怖 有一種覺得自己好似俾人操控緊 實際上可能有第二啲出路但係自己唔知嘅感覺 就好似啲人玩倉鼠 會將佢放嚟放去 整唔同嘅籠俾佢住 對佢嚟講 佢覺得佢一生好似做咗好多嘢 實際上佢只不過係一個人類嘅膠兜入面 生活咗一世 跑滾輪亦都跑咗一世 甚至佢哋消耗嘅資源只不過係間唔中幾粒糧食 會唔會其實我哋都係咁？

點證明有我以外既世界？
你對人世界既感知都係我接收返黎
你瞓醒認為琴晚你瞓左既時候美國大選
係你今朝睇新聞接收返黎

你想像下就好似戴左inception頭盔咁
你見到既野不停有人畫出黎
你以為真既關係，事件都係虛構
係你個世界
你個世界入面有人死左
但所有野仲一樣向前轉
唔代表係真，佢只係喺你世界出現既一件事
歷史都可以咁睇

PS: 我好想但唔識證明你呢個講法

根本就唔洗證明

有你出現出世前個世界已經行緊，你生命入面同呢個世界接軌，生命完結，死亡之後個世界就去返你出世前咁又繼續行

直觀就是咁，所以我地只不過是過客

第一個生命體係咪宇宙？
道即宇宙？
由零到有意識
其實宇宙都冇法理解點解佢有意識
因為有意識之前佢係冇識意識的

創造人類既神秘生物可能都係由宇宙自然創造出黎 咁點解宇宙會創造到佢地 呢個就應該冇得解 宇宙既規則就係咁

呢d野應該超越左人類既理解，就好似就算你教隻狗5x6係幾多，佢永遠都理解唔到

[quote]我都成日諗，我依家有意識知道自己存在
但死後，個意識去左邊？
當死左似訓覺，但會唔會一開眼係另一個空間？

會輪迴 因為能量唔會消失

你個意識係跟個腦，所以你個意識唔存在實在唔奇，但你嘅存在將會係永遠，因為你嘅存在已經係事實

保存意識有機幾個方法，其中一個同元宇宙類似
又寫錯字改返

係呀，所以唔好死，你死世界會滅亡

時間係唔存在
係人類用黎量化量度進程既單位
但同宇宙有冇進程係兩回事
無時間唔代表宇宙無誕生同演化, 生長
無時間生物都係會出生, 由細變大, 呢個叫生長, 係進程, 係唔關有冇時間事都會發生

對宇宙嘅所有野基本上都係猜測，問題係人類完全掌握唔到實際情況。
所以咪用人類係主人嘅角色去解讀宇宙，宇宙完全唔係人類所能掌握，應該話比而家勁一億倍能力嘅人類都唔可能掌握得到宇宙。

道，佛，physics，量子力學，平衡宇宙，最後都是相通的

道佛有冇經典推介 想學嘢