我一直都話死忠和路人睇到啲野係唔一致嘅
今舖對佢打擊唔算大喇,合肥政府放過佢亦係放過自己,判佢作虛假宣導、誤導咗消費者,罪名唔算嚴重,罰七千萬兼停業整改,算罰得輕,三只羊集團倒閉會影響到地方政府稅收,近期各國地方政府財政緊張,所以合肥政府會輕判都合乎常理。
商標信譽差咗但最多只會影響到佢擴展市場業務的能力,要吸引新顧客難啲,但佢嘅核心顧客大致仲保留係度,加上合肥政府咁關照佢哋,只要三只羊團隊近期唔再搞事火上加油或再曝致命黑料,過幾個月熱度下降就世人就慢慢淡忘,得聞做下慈善賣愛國情懷又可以洗白返。
你睇佢由三無風筒梅菜扣肉假酒羊爸露鳥沬沬一連串醜聞,聲譽再差,第二日搞直播賣美誠月餅仲有五千萬營業額就知,佢啲死忠一直無脫粉,今次停業整改,N個月出返嚟又一條好漢。
李佳琦都係一個例子,無錯佢依家路人綠好差,上綜藝俾人笑俾人罵走,自九月花西子事件之後,一直被全城唾罵過街老鼠,佢雙十一銷售減半仍然係電商Top1,係大小楊哥銷量的兩倍,佢哋啲死忠群體太大,無咁容易玩死。