花井三日月
2024-09-26 10:54:38
真係好懷念雲爺爺啲正氣波,而家隊野變咗馬體會賤種踢法,我唔係好知點面對
1.以殺傷戰術針對敵方絕對主力洛迪,卒之搞到佢收山,咁當然對奪冠有幫助,但好卑鄙。你整傷晒其他19隊啲絕對主力,當然會拎冠軍啦,但有冇人會尊敬呢啲冠軍?
2.見有人想幫我地開脫,話其實唔關我地啲球員事嘅,係洛迪自己積勞成疾姐。一個問題可以收呢個立場皮:如果唔係我地啲人針住洛迪嚟攻擊,佢嘅「積勞」會唔會變傷?
3.見有人話對面夏撚用波掟人呀,都好暴力啦,又係意圖為我地啲球員開脫啦——人地都賤,我地賤冇問題啦。問題係:夏撚用波掟人係幾時?臨完場。我地球員針住洛迪嚟踢係幾時?一開波。當你用殺傷戰術果刻,其實呢場已經唔係比賽,係戰爭。我地收人地主力皮,人地只係用個波掟下我地,問心啦,夏撚真係君子到有啲童趣,係宋襄公仁義之師level。
4.最大對手已經收皮,利記重建緊,今季阿記拎英超已經注定。你問我開唔開心?有得潤下其他隊係口爽嘅,但自己隊波已經變到好似馬體會咁賤,我真係唔知值唔值。冠軍係一季,風骨係一世。我只係想講,懷念雲爺爺。