商會澄清想表達的士車費平：點樣夾錢坐都歡迎
商會被指揶揄學生坐的士上學的言論，引起網民熱議，有人形容商會為業界「倒米」，又笑言「起錶價加到$100就實行到」。
陳洲接受《香港01》訪問時說是誤會，他解釋是想表達的士車費定價較巴士等交通工具差距收窄，「冇理由幾個人坐的士夾單仲平過坐巴士。」他強調任何客人乘的士都歡迎，「歡迎大家點樣夾錢都好，坐的士冇理由唔歡迎，冇理由唔歡迎學生。如果唔歡迎學生哥坐車，咁咪俾人鬧，冇可能嘅事嚟。」
陳洲：我哋唔係咁嘅意思，啲記者亂咁寫我都冇辦法
陳洲強調不支持拒載，憶起當時與記者訪問時的情況，「好似傾偈咁講，寫到咁樣都冇得好講」「我哋唔係咁嘅意思，大家點樣諗我都冇辦法，啲記者亂咁寫我都冇辦法。點坐都好，冇理由唔歡迎嘅」，明白市民對的士業界有誤會，重申歡迎大家坐的士。
