呢點係無容置疑
我亦慶幸AL呢種拔苗助長既垃圾制度淘汰咗
（唔同意既人歡迎另外開Post交流交流）
不過個人面對壓力既反應同承受能力係因人而異，同公開試既難度係冇直接關係
一、考AL aims A同考DSE aims 5**都係要盡全力
冇人會因為DSE易咗而覺得hea溫書/唔使盡全力溫書都可以輕鬆拎5*/5**
最起碼當事人唔係咁睇
同埋大學課程係難過AL同DSE
但好多人都會覺得考公開試大壓力啲
你見到Threads好多AL老鬼都話AL點點點痛苦而唔係講讀大學點點點大壓力就知
AL程度頂盡四年制Yr2
（呢個亦係舊制AL最垃圾既地方，好多人停留咗喺AL，唔記得晒內容，剩係記得AL點辛苦）
所以唔係難同易就解釋到成件事
二、每個人面對公開試既心態都唔同
有人會覺得炒咪炒，冇乜大不了
有人會覺得炒咗好撚大鑊
呢個其實同家境冇太大關係
有錢送去外國讀書同中六畢業出嚟做野都可以覺得炒咗公開試冇乜大不了
亦有人想靠讀書脫貧或者家境唔錯純粹怕入唔到心儀學科同大學既人覺得炒咗公開試好撚大鑊
怕入唔到三大或者想讀既科
三、呢一刻承受唔到壓力，唔等於佢廢，亦唔等於以後出嚟做野都係咁
我地呢啲成年人讀完大學出嚟做野，面對過生離死別
你問我，我當然覺得公開試打後都有好多壓力要承受
而對一個中六學生嚟講，公開試係佢既全部
所以你同佢講「公開試都咁，第時點算？」係冇用
人大咗承受能力都會大咗，但要畀時間人地成長
所以冇得用大人面對既壓力直接同一個18、9歲既𡃁仔𡃁妹比較
不服來辯
