我認同中大因為獨有PE、IT同書通所以必修科比其他大學多，但呢個只係中大建校既歷史同教育觀使然，呢點之後再講
而某啲所謂中大人同唔知頭唔知路跟風既人剩係捉住大通嚟屌
依家我就用事實反駁你班柒頭
呢個Post我主要拎HKU同中大既英文系（文科）、CS（理工科）做例子
班柒頭最鍾意不問原由吹奏HKU可以自由選科、雙主修，然後亂屌中大多通識搞到學生冇得自由選科同雙主修
首先要知道中大一科平均要3學分，而港大一科平均要6學分
呢個純粹係數字上既分別，讀既時數係差唔多
一、港大同中大既大學通識修讀數目差唔多，反而係中大既大學中文（大中）、大學英文（大英）數比港大多
港大既必修科目（不計國安）：
大中：1科
大英：2科
通識：6科
中大既必修科目（不計國安）：
大中：2科
大英：3科（4+3+2cred）
通識：6科（FH+FN+4科不同領域既UG）
書院通識：2科
PE：2科（1cred x2）
IT：1科
有關書通、PE同IT問題稍後再講
認真睇港大同中大既大學通識數目根本就係差唔多
但有班人就好鍾意作故仔串連「中大因為多通識同（懶有）人文精神所以成日出Kam撚」
實際完全唔關事
我覺得屌中大多必修冇問題，呢個係你個人意見
但捉住大通嚟屌有撚用？
真係多過其他大學既必修例如大中同大英就唔提？
二、港大不論文理科，主修最低修讀要求都比中大少一截
港大CS Major Requirement：24科（42+24+30+12+36cred）
港大非BEng of CS學生：14科（84cred）
港大英文系 Major Requirement：13科（78cred）
中大CS Major Requirement：25科（9+16+33+17cred）
中大英文系major Requirement：23科（69cred）
睇完你就明港大既所謂雙主修前提係大幅減少Major Requirement
又或者佢某啲文科本身就係設計畀學生行雙主修
我覺得叫中大引入港大雙主修模式冇問題
但唔好成日叫春賴大通搞到冇得雙主修
你唔係以為大家都係讀四年，港大雙主修等於中大讀兩個主修既份量，又或者冇晒大通嗰6科就可以畀你雙主修呀嘛？
根本就唔關大通事
呢樣野啲人9up咗咁多年都冇人肯Fact Check
三、中大創校打破英國殖民地只有一間大學既慣例，佢本身就係一間打破傳統既學校，點解一定要跟其他大學？
同中大行書院聯邦制
大學證書會寫你邊間書院畢業
要另外讀書通同Assembly滿足書院畢業要求有咩問題？
港大會唔會喺畢業證書寫你係Ricci或者何東？
中大書院係多咗一重身份
港大係冇
根本無可能直接比較
至於PE
我未入中大之前都有玩運動
正因為中大要我讀PE，我反而有契機去嘗試其他運動項目
最後呢項運動畢業之後反而成為我玩得最多既項目
如果佢唔逼我讀，我都未必會有動機去試其他項目
縱觀成個中大課程多主修要求同多U Core既設計
佢就係想學生「通百藝而專一長」
想話畀學生聽呢個世界唔係剩係得主修，唔想你做死書蟲，要接觸下其他野
得罪講句你融入唔到係你自己問題
如果你唔尊重中大既歷史同文化，一開始根本就唔應該揀中大
我睇唔過眼中大有班人成日恃住自己讀過中大，未Fact Check求真就周圍亂作故仔抹黑中大
知唔知呢班所謂中大人喺我眼中似咩？
就係啲落嚟香港又唔肯尊重香港文化既大陸人
當正連登同CU Secret係小紅書日鳩日踩中大
最撚戇鳩係中大高層十足班高官同議員咁玩小紅書治港
真係聽呢班人講走去Cut大通修讀要求
今年入學只需要讀3科UGE
我想同呢班「中大人」講：
。