[I/A]Pokemon Masters EX (139)| 寵物小精靈★黑連白露挑戰冠軍之路/夏日繽紛巡禮★

以上僅僅係我唔同意你觀點嘅地方
老實講我對dena呢個mode都有疑問
明明dena用新角色推buddy技推咗兩年
點解個玩法反而要懲罰buddy技, 堆廢動畫唔可以stop咗timer先播?

然後隻驚無預兆地由hea變chur
dena有冇諗過玩家點適應
呢個活動無啦啦空降, 仲要無間斷進行 一星期兩輪 cls

第一，我有講過個問題只係大技? 我講緊全部招喎，整一個mode專係懲罰一啲普通技多啲花臣睇嘅寵係為咩?只要你普通技搞耐啲先扣血你就連上場機會都無又係為咩?

我有講過唔知技能cancel一直存在?但以前玩其他mode玩家可以揀技能cancel或自己用其他方法打，我通哂一直以嚟所有關都無用過技能cancel，排名都有咁上下，今次玩家有呢個選擇嗎?如果DENA巡呢條路行落去，個個mode都鬥cancel，你覺得可以吸引到新玩家加入?你要明白隻game已經開始少人玩，鬥cancel技呢個方向你覺得救到隻game?

第三，係有啲關卡可以用腦，但只限本身已經有特定寵，玩家無啲key角色，如長毛狗同卡比獸果啲，要衝過一百萬分都係要瘋狂自己試另類配搭不斷重玩不斷怒㩒(但都係有特定次序，唔好下下開口就屈人咩嫌麻煩咩接受)，都係果句，你覺得呢啲形式係有效救到隻game?

笑死，SL無限麻痺鬥出多次sync，搵短動畫技，呢d叫用腦
咁睇黎要整個DPS排行榜

動畫問題我上面講過，係有問題

後面講講吓
唔知點解你會覺得個mode係拎嚟救隻game
佢原意就拎嚟鬥火力 鬥齊怪
本來就係出畀老屎忽玩

你如果係新手或者輕度玩家
但又唔想拎唔齊獎勵，排rank輸畀人
有呢個心態
咁無論你玩其他咩驚都係會覺得唔舒服

如果依家個mode有令你想不斷改隊重打嘅動力 咁我覺得dena今次至少係做到一啲嘢
好過淨係登入登出

以前金銀打大奶罐卡關
唔係鬧部gameboy 上網屌gamefreak反人類
係諗點樣解決佢

答多你一次，隻game而家越來越少人玩，盈利縮減，經營game都係做生意，面對上面嘅問題，要推動隻game健康繼續行落去，正常人都諗係要改革隻game加入有趣新元素，吸引多啲新人玩。
但而家仲推呢啲mode，畀啲老玩家圍爐自high係咩料？老屎忽當然無所謂，新手啱啱接觸隻game會點諗？
隻game第一日出我已開始玩，呢個mode畀我感覺係極虛耗時間重刷，加重隻game眼明手快元素，加強一切課長為本嘅風氣，玩我會繼續玩，但係近期dena作風行為係令我對隻game未來更灰心。

金銀版大奶罐是旦去岩洞捉隻小拳石配合策略都過到，唔需要睇機率瘋狂重刷，唔明你咩反人類卡關係咩意思。

營運願意保持推出新玩法
我睇唔到有咩反對嘅理由，即使個玩法未夠好

多一個元素係多一個選擇
仲要呢個元素你唔打係完全冇影響
你唔想有一個地方畀課長發揮，講到要理班新手
呢個邏輯同以前reddit班life撚一樣係講唔通

佢哋今次只係加一個新mode
唔係隻驚得返呢個mode
覺得個mode令你灰心咪唔好用咁多時間
我冇追rank嗰幾次都係10分鐘以內打完熄機

你要搞清楚你玩隻game嘅目的係咩
休閑嘅休閑 收集嘅收集 排名嘅排名
又或者咁講
如果你已經唔想玩隻game，咁咪唔好勉強自己

唔只係呢個mode，係隻game近期發生嘅嘢，包括埋呢個mode，先有我上面嘅感覺，內容貧乏，有一段時間試過得一兩個劇情活動，舊劇情活動不斷翻轆，每月免費石越嚟越少，社交平台community reward亦都越嚟越雞，盈利同玩家數量不斷下滑，加埋磨劍咁耐推出而家呢個圍爐新mode, 綜合咁多樣嘢，你都仍然可以覺得隻game係健康發展，我代Dena多謝你。

另外多謝你咁關心我玩唔玩落去，我就係元祖玩家對隻game有感情但見隻game越嚟越迷失先講下自己諗法，希望你唔好成日讀心神探上身猜度人哋玩game心態，對你對人咁都好攰。

有冇留意到個討論
你一直都只能夠拎隻game嘅前景出嚟擋箭
隻驚營收走下坡就係人都知
唔好夾硬屈我覺得咩健康發展
我哋傾緊嘅係呢個mode本身

到底你覺得dena出新mode對玩家係好事定壞事
係咪唔出會好過出？

唔講咩讀心
講你上面字面意思
你對刷分感到煩躁 對課長有優勢不滿
到底你係站於咩立場反對呢個mode?
呢個mode會令你灰心嘅真正原因係咩
我諗你要理清楚自己諗法先

師兄，同你傾嘢真係好攰，你成日諗嘢乸埋一舊，人哋係好難答你。我一直無講過隻game有重課模式有問題，如我之前講，搞game都係做生意，你緊係要獎勵洗得起錢嘅客，而家個問題係，隻game已明顯步入頹勢，長期無新嘢玩，等咗咁耐就係整個老手向重課狂刷模式，我唔可以因為咁對隻game無希望同灰心？玩咗隻game幾年亦不時有課，我諗我係絕對有資格善意批評隻game。

仲有，咩叫唔出好過出？等咗一段長時間無新嘢玩，唔可以希望佢出好啲，出啲無咁着重重刷，盡量兼顧新同老玩家都玩得開心嘅模式？有意見等於咩都唔好要？你個人都幾強權獨裁喎。

每一次講到關鍵問題你就扣頂帽畀人戴
咩強權獨裁?
最初傾個mode有咩問題 你就話要救隻驚要點
講到新mode只係多個選擇 唔玩冇問題
你就搬晒成隻驚有咩其他問題出嚟
拉個討論返嚟講個mode, 你話你有課有資格批評
之前講完嘅嘢轉兩個comment又話唔係
你可唔可以睇返你自己上面邏輯幾混亂
唉
我依家就真係覺得攰

我扣你帽？每次我都係答緊你講嘅嘢喎大師。你唔認，我就每句引返你睇：
「營運願意保持推出新玩法
我睇唔到有咩反對嘅理由，即使個玩法未夠好」呢句係咪表示你覺得隻game而家發展方向正確健康？

「到底你覺得dena出新mode對玩家係好事定壞事
係咪唔出會好過出？」
呢句係咪代表DENA有出新嘢已經好好，而家咁已經好過咩都唔出？你咁講咪就話玩家應該滿足現狀，唔好咁多意見呀？我咪就係答緊你，你呢個諗法好專制囉！作為一個不時有課嘅長期玩家，我係客，我係絕對有資格對遊戲內容有意見，我就係覺得DENA不思進取，新嘅玩法唔好玩囉，咁ok?

成日話傾咩mode, 明明係我發言先，大師你覆我，咁傾啲咩緊係我定啦，你瞓醒未？你唔啱玩咪唔好覆我囉。

不過你話純傾個新mode，咁傾囉，我回覆咁多次一直都有講：
1.遊戲啲新寵招式（所有招包括普技同大技）
係偏向越嚟越華麗，呢個mode反而調轉行，招式越簡單越無嘢睇越有利，隻game咁做變相係懲罰好多新角，我唔滿意咁，ok?
2.我鍾意隻game其中一個原因係自己諗啲寵招式配搭，自由組合。呢個mode就反而焗人出暴力寵外，亦好重視cancel 招，我唔鍾意咁cancel 招戇居狂㩒㩒到手指痛，咁又得唔得？
3. 隻game下滑緊，亦長期無新內容。我想隻game恢復人氣出返啲同時適合新舊玩家嘅有趣內容，吸引多啲新人玩，但我覺得新mode係課長老手向，我唔高興dena搞咁耐畀啲咁嘅嘢我，我覺得隻game咁行落去唔健康，咁又得唔得？

以上全部係我對新mode意見，期待聽大師指教如何邏輯混亂啦，邊樣嘢踩到大師你搞到你唔開心啦。

今次計分戰絕對係有史以來設計得最惡毒嘅一次
邊個設計Acerola個妖屬性
真係俾佢吹到啤一聲
就算抽到季限菜種都仲係好難打
妖屬性大招加-3拍搞到原本好適合嘅鬼龍同瑪夏多廢咗
真係想問日本手遊係咪出到最後都係變糞驚

阿婆同花月應該仲可以打高分啲
不過已經打到冇晒興致

難得呢個post都有大戰

你覺得話題係你開 後面自己點九唔搭八都得
咁我冇計

不過我唔想最後都再畀你扣帽

今年dena加rally, 加damage mode, 加大量高難關
當然同時有好多其他問題
但起碼睇到遊玩內容方面比早兩年充實得多
對比以前hea過3周年 hea過4周年, 依家嘅嘗試係值得加許
呢個係我嘅觀點
唔等於我讚成dena cut石同其他做法係健康

唔好再想像有人唔畀你鬧
反駁你一直都係因為你好多位鬧得唔make sense
你覺得靠cancel技on9係冇問題
唔鍾意老手向都冇問題
但你唔鍾意, 唔代表佢哋唔應該推, 唔代表個玩法唔健康
打唔夠1M咪打唔夠
冇人逼你要跟個玩法
唔鍾意cancel技嘅話, 咁超能同岩石呢兩輪用正常打法嘅, 你又覺得點? 又打成點?

講到尾
"覺得個mode令你灰心咪唔好用咁多時間"
你始終係面對唔到呢件事 一次都冇回應過
你自己都識講 "你唔啱玩咪唔好覆我囉"
ching 你玩game其實係同樣道理

damage event個rank只係虛名嚟
如果你真係休閑玩家嘅話
你唔夠人打或者唔想打係完全冇問題

我每次好認真逐點答你，但你每次就係好籠統一句咩「九唔搭八」咩「唔make sense」「扣帽子」，不過算啦，都唔係第一日睇你覆嘢，知你係咩水平，只可以話我戇居花咁多寶貴時間答你。

不過見你又寫埋堆黐線嘢，就同你玩多轉，你講果啲咩dena好畀心機，今年有「rally, 加damage mode, 加大量高難關」令遊戲比早兩年充實得多，其實係笑料嚟。加rally，你可能忘記咗佢同時廢咗battle villa, 以前battle villa 石同其他獎賞豐富好多，唯一缺點只係無咩難度，將villa 變rally，而唔係直接提升villa難度，其實只係另類cut石同sell新field sprint人物嘅手段，不過你覺得咁開心、係「充實」就由你啦。
高難度關卡，每個月一劑，幾乎每次都可以用比卡超過，都勉強「充實」嘅。
Damage challenge mode唔講啦，答到口臭。
以上嘅嘢好定壞就好主觀，我覺得只係dena想cut 石同迫玩家抽多啲同升爆啲人物，你覺得開心同「充實」，係Dena 努力嘅結果，咁就隨你啦。

跟住就係最黐線嘅嘢啦，我係休閒玩家，我每次damage challenge mode都係過一百萬（地面單獨戰除外，無強地面打手無卡比獸無長毛狗）就算，但我覺得個玩法唔好玩留個言講出嚟，點解會畀大師你講成我係唔憤氣「唔夠人打」，仲要同我傾佛偈話其實「唔想打係完全冇問題」、「damage event個rank只係虛名嚟」？隻game又唔係pvp, 我又唔係要將自己分數貼堂，我會有咩hard feeling? 我只係作為長期有課玩家，見呢排Dena作風，加上真係覺得個新mode戇居（原因亦都係之前點列重覆過好多次），所以上嚟講兩句咋喎，咁反而係自己太睇唔開，太執着名利？師兄你成日上嚟報分，又話自己做過咩研究有咩數據，最執着名利會唔會係你自己咋？你唔好將自己性格套落人度先得㗎。

「"覺得個mode令你灰心咪唔好用咁多時間"你始終係面對唔到呢件事 一次都冇回應過」，喂大佬呀，我都係想換啲禮物先覺得雖然唔好玩都玩下，每次過咗一百萬就無再㩒等下round，呢件事我有啲咩咁緊要面對唔到？想換禮物勉為其難玩下同覺得其實唔好玩兩件事可以並存㗎喎。

都係果句，自己有為隻game付出時間金錢，玩完有咩感覺係完全無問題，點解仲會有批評？就係對隻game仲有感情有丁點希望，先希望佢改善。你講果啲灰心就咪玩果啲，到我完全厭倦或死心時自然會做，大師你特登提我真係有心。

"想換禮物勉為其難玩下同覺得其實唔好玩兩件事可以並存㗎喎"

好有同感 真係唔覺得好玩 無面對唔到 只係覺得面對好煩
利申次次傳說都係十場收手 場場用三隻 冠軍戰組哂克屬隊對住黎車15000 得分戰但求夠廿萬 連每日地區都用惡火鳥炸完就算唔換隊 既頹廢型玩家

用狗定卡比
用磁怪定花
邊隻係輸出mvp
唉屌唔夠寶數又唔想為關四個月loop一次既野食糖
每個禮拜都loop呢個思考兩次

全個結構都係試你隻岩屬mvp有無點齊版 試足30個combination

Rally我都仲ok 睇住自己個倉分配同買道具 打完都仲會有d成功感 石派少係另一樣問題啦 但呢個battle我真係唔識享受

我都覺得rally ok，起碼可以逼你用啲唔常用嘅寵（如果抽中啲爛theme），同埋因為有得換蛋糕券做獎勵

打累積傷害就麻麻地鍾意，啲人諗倒用齒輪玫瑰黎洗拍招cd就應該唔係營運設計呢個mode嘅原意，亦令到成個mode無稽左，再加上有啲屬冇乜邊隻大力打手，如果你冇某幾隻寵就幾乎一定拎唔倒1M（例如之前弱地面系個個都要用駱駝玫瑰狗），就算有齊啲拍組，都要靠運博mpr同crit，而且獎勵得啲望落麻麻地嘅拍組，所以冇乜隱打

原來你有一直追post
依家睇返見到以前有同你討論過
兩個post前你先覆我講rally幾好玩
到今日rally已經變成咗你口中"只"係dena cut石迫抽手段
如果"今年比早兩年充實"呢件事你都否定得, 咁我唔覺得仲可以傾到啲咩
再違心嘅說話你都會講得出

好似樓上巴打講欣賞唔到
或者其他人直接屌, 我係覺得好正常
本身我自己都對dena呢個mode有不滿, 喺#476有講

不過你同其他人有好大分別
最初將件事上綱上線到營運前景嘅係你
口講要救營運要點
但你考慮嘅根本只係你自己
你唔啱玩就係方向唔健康, 就係營運唔努力

我想代表hardcore玩家講一句
隻game從來冇任何模式畀啲怪發揮強度
今次係第一次, 叫有接近hardcore受眾嘅嘗試
有將呢班人嘅要求take into account, 算唔算營運有努力?
各大論壇/youtube/dc討論點打高分嘅人喺你眼中又係啲咩?

而明顯dena亦都知追火力呢件事唔係個個啱
set到個event無石, 無特別獎勵
已經開宗明義班新角色無論點打始終會換到晒
差在未出公告講大家唔打都得
咁點解仲會勉為其難到你去玩?

我quote返你自己講過嘅

我通哂一直以嚟所有關都無用過技能cancel，排名都有咁上下

但同時你又完全唔在意遊戲排名係咪?

臨尾抄一抄隊打
分數都求鳩求算，都唔差佢果少少獎勵
呢排隻game嘅感覺就係玩鳩你，唔係你玩game
係咁出d鳩屎關想淘汰哂d舊寵
講到尾隻game最大賣點係抽鍾意嘅trainer鍾意嘅寵
除左ex role係德政可以拎返以前鍾意嘅人打精冠，rally之外，其他真係講都哂氣，我用d時間珸玩第二隻game好過
再咁落去我連日抽同月卡都cut鳩埋佢就無課就算

新mode出咗無耐玩家已經搵到好單調的組隊公式,
一開始對個方法係有d wow, 但而家比較接近玩爛咗
唔好玩但係可能hardcore玩家會鍾意有排名掛

建議OFF巴放自己同農場巴上手瓜榜Tier0