以前中學有個女miss 中三既時候入職
眼大面尖瘦波正常教d廢科 坐成日笑好開朗好正
正
果陣國民女神咁濟
咁岩中三開始發奮 由臭飛mk 變左高大體育成績都掂既毒撚 由成日留堂欠功課變係咁攞全級頭幾同進步獎
咁個老師係輔導組既 見到我咁大進步 就開始成日r水吹問點做可唔可以幫手搞活動之類
咁之後一直都好fd 咩都講 中學雞冇野輸味問佢拎電話 又肯比 然後晚晚傾電話
佢讀開女校冇男朋友所以膽粗粗會約出街食飯 睇戲 又成日借d咦叫佢上黎教功課 佢都好樂意冇托手爭
最尾臨會考諗住一生人一次當半班人同佢講 如果我考到28分以上 可唔可以做我女朋友 佢面紅晒咁笑住話好呀
好慶幸我老豆老母生得我有啲小聰明 最尾獲得老師女朋友一個 大家都係真心有得做既野都做齊晒 直到大學比屋企送咗外國讀書逼住分手
因為讀書連master 成五六年先番黎都斷晒聯絡
然後畢業番香港攞牌 想搵番發現已經冇係間學校教 問舊同學 發現呢個老師一直都唔會比聯絡方法學生 但係當年我都攞得幾輕鬆 搵唔到都幾灰 但係生活都係要過
做左幾年野 識到個相處幾舒服嘅女仔做女朋友 知佢唔係我最愛既 但佢好有老師既影子 性格好似 人品都好好 拍左年幾拖 就結婚 結婚先第一次上門見伯母 見到佢家姐 大家呆撚左 然後佢笑得好似以前咁話 好高興認識你 然後大家扮唔識 但佢同以前一樣 都係講咩都笑
之後我未婚妻同我講 佢家姐做老師之前同個學生拍拖幾年後個學生去咗外國佢就失戀 之後工都冇番係屋企自閉 成個人好灰 全家試晒所有方法佢都係陰陰沉沉咁 係近幾年先重新番工 但都好難見到佢笑
話今日好難得見到家姐笑 可能係我似當年個學生 叫我以後多啲上去
之後件事就開始暴走