[勸世文] 如果你抱住搵食科既心態去讀CS同IT，不如乖乖地去讀醫療科或者傳統工程罷啦

IT行業要搵到錢，前提係你既個人能力同性格係掂，又或者有持續進修既興趣同心理準備
IT行業撈得掂上限可以好高，但下限都可以好低

剩係靠四年大學餵根本跟唔到IT行業既發展

有公司講緊GPT-4o出咗兩三個禮拜就整咗自家Product
就算你唔係整嗰個，你都要知GPT-4o係乜啦

你話讀醫療科同土木工程，只要完成大學課程同實習，乖乖地就可以做成世等升
肯自學進修係好事但完全唔需要學都可以穩定搵幾萬蚊人工

好多人以為自己識打兩行Code、砌下電腦就話想讀CS同IT
年中Quit咗幾多人，Fail咗幾多人
就算捱到，有部分出到嚟又唔肯學，最後搵份IT Support搵兩三萬過世
叫你工餘時間望下都好似要你死咁

然後就日撚日怨讀HK no IT、乞食乜乜柒柒

如果你覺得做IT辛苦但有興趣同成功感，或者唔介意搵得唔多
咁你唔好對號入座，我唔係講緊你
我自己都搵得唔多

但如果你被我講中咗，對IT冇熱誠冇興趣
剩係諗住呢行hit返搵到錢就諗住讀CS同IT科
咁我勸你早日轉科

不服來辯

如果讀cs 想撈得好，應該點發展?係咪要入bank 做先高人工?

ibank同MNC可以話係inhouse天花板

有啲人把口好叻，又有Tech底同又識social，做Sales或者Pre sales咪可以賺commission賺到笑

有啲人就中意落手做Project，咪做Engineer慢慢做上去

有啲人就鍾意諗Solution，呢啲咪做Solution Architect

有啲就諗住做PM管人管project

有啲人就中意試新野做Crypto，見佢地都要研究下啲數同algo

睇你性格能力同想做乜
同埋點為止高人工連登個個50k都話人工低

去美國撈

你話讀醫療同埋土木都係假設未來世界係會不變
早幾年IT好旺嘅時候好多外行人走去讀個boot camp就入行
邊個會知道未來其他行業會係點樣？可能醫療會引入內地人員土木嘅話啲工程又死晒冇邊個行業係好穩定
而且讀IT出嚟唔一定要寫Code嘅，我好大部份嘅都去做一啲hightea相關嘅工作，例如係嗰啲IT sales之類
講到尾都係要符合個興趣同性格啦

有得high tea咁好

IT相關既工作 我用語音輸入佢認錯咗

當初抱住水泡科心態讀

用政府醫療人力報告做參考
https://www.legco.gov.hk/yr2024/chinese/panels/hs/papers/hs20240614cb4-771-7-c.pdf

醫療科同IT門檻都唔同
IT吸引力在於低門檻但發展機會大

你講得出呢啲證明你仲係好年輕
唔緊要，我都年輕過

你有留意IT、醫療同傳統工程尤其土木工程既行業運作你就明

人會病，人要住
剩係呢兩個先天需求就已經註定醫療同土木工程係唔會死
佢地既需求可以由政府用公帑創造，簡單講就係有政府包底

經濟好既時候，醫療同土木工程搵得多過IT
基建、舊區重建排住隊上馬，單單project億億聲計
醫療系統不斷擴大人手

經濟差既時候，政府一樣可以利用公帑推動工程保住就業
醫療開支可能會縮皮既，但點差都一定唔會差得過IT可以成個部門摺埋炒魷
你幾可見醫院會一口氣炒咁多人？最多請少啲人

邊個會知道未來行業會係點樣？啱一半啦
醫療同土木工程我就一定知全部行業收皮都未到佢地收皮

仲有個lump sum都差天共地
IT做單兩三M都已經算大單，好多時都係靠堆幾萬蚊細單密食當三番
起樓基建呢啲冇一億都嫌你少啦大哥

至於IT sales，我冇話CS唔做得IT Sales
但你喺呢行打滾一段長時間就少呢啲有Tech底既Sales係少數
你唔敢開口問都去linkedin起下sales同事底
大部分都係bba、marketing呢啲Business Major出身
佢唔使讀CS或者IT都可以賺多你成個Double

Tech底出身好多時都係做Pre sales Consultant逗住個Sales

最後想講你睇清楚我講乜先
如果你有心自學進修，有興趣又有成功感，又唔介意人工冇人咁高
我覺得呢啲人讀CS係絕對無問題
問題在於有班見到CS呢排好Hit就諗住當搵食科咁讀，根本就冇心學

呢啲人出嚟都係等收皮

發展機會大既前提係會keep學新野

如果諗住大學四年餵完就搵到食
呢啲人好多時都會被人淘汰

呢啲人入醫療科都冇咁慘

同意 加上cs讀既野好多都同工作冇直接關係 到頭黎要花時間自己自學 又要追新tech 而且入行門檻低（boot camp ) 等於競爭大 而醫療同傳統工程就唔會

如果你勁既讀cs比其他行業絕對可以搵大錢 但絕大部份人只係普通人

總括嚟講cs 提高上限 醫療同傳統工程提高下限

CS好多時係訓練思維
要做IT尤其喺香港根本就唔需要你make the code better
交到貨就得

就算讀正同工作相關既Topic例如CS/IE既 Computer Network
同出嚟做Networking都有段距離
你最多叫聽過啲Term易啲上手

我唔係讀CS，但我知CS讀啲乜

鄉港做乜都垃圾

總結
科技日新月異
追到仆街 一甩你都仆街

最慘係冇護城河
你做工程 做醫生 有經驗累積 可以做老屎忽
it既話 有新野出 大家從頭學起 你十年經驗同個岩岩18歲既靚仔一樣起跑線

但你講既呢d 人本身應該唔夠分入醫療科

呢點唔會

經驗一樣係有好大優勢
不過IT呢行冇得好似其他專科完全唔接觸新野都食到成世飯

唔關事

有啲人夠分入醫療科都自我感覺良好走去讀CS

IT呢行同DSE分數/GPA冇乜關係

讀書叻都可以撈唔掂IT

只係佢唔夠叻

唔關事啦

呢行同讀書成績唔係有必然關係

當然成績叻好多都撈得掂

但對嗰班公開試成績唔錯既人

佢地入醫療科同土木工程正正常常都搵到4-5xk

作為IT狗
我呢度可以話樓主講既非常中肯
起碼係香港環境絕對係

因為連登好多唔同行業同職業打手，呢類post幾乎一定會出現"做幾年5 60k驚閪","識有fd做幾年已經60k"，不過唔做政府呢個價已經算係it天花，但其他行業仲係中/中上，正如講工程都唔會攞做政府講，要攞社會一般既case做例子，如果香港有degree既IT用中位同平均人工黎講，我個人覺得係 25k-28k,不過我身邊degree朋友大多係做工程，其次醫護，2個IT, 近來得其中1個做IT有master既俾人炒左

係衆多行業入面講穩定性同不斷學習帶黎既性價比，IT應該係最低，不過，總有人可能好怕血，好怕醫療失誤，又或者好唔出得汗既，咁冇辦法

想讀it 但暫時咩都唔知 想問做AI 個d係咪好難讀