《各位補習老師要小心啲 要好好保護自己》
小妹喺post打咗自己嘅電話號碼,本身為方便聯絡家長,結果換來嘅係被性騷擾。
知道大家可能會怪我post出自己電話,但説實話,只係因為好多家長都唔係點睇Facebook陌生訊息,所以我希望可以俾多個聯絡方法,揾多啲客源。但就因為咁發生咗一件令我不愉快嘅事。
就喺前幾日,喺我準備補下一個小朋友嘅路途上,收到一個電話,係冇來電顯示嘅。(因為有時覆診醫院嘅姑娘會用私人號碼打嚟所以我會先聽一聽)
一聽電話,佢就問我:「請問係咪補習老師?」
我話係,之後我話:「唔好意思,請問有咩幫到你?我而家準備補下一個小朋友,所以未必可以覆到,你唔介意嘅話請先WhatsApp 我呢個手提電話」
因為我好趕時間加上佢好唐突,所以我好驚,但又唔想令家長有我好「冇禮貌」嘅感覺,所以我一直:「唔好意思真係講唔到喇」,希望對方願意收線。
但佢一直都冇理會過我,只係一直問:「我個小朋友小三….請問個半鐘幾錢…想補全科…今日有冇得試堂…」呢啲好正路嘅問題,我只好有禮貌地一一回覆。
至通話最後,我再一次問佢住邊同電話係咩,佢就話:「我住紅磡,你今晚上嚟呀,我張床好大㗎…」
仲不斷發出呻吟嘅聲音…
我cut線之後,都依然係好唔開心,其實我都真係正正經經咁揾工,想用我嘅愛心同學識賺少少錢,每日都好用心咁教小朋友同回覆家長,但就因為唔好彩…而家都唔係好想聽所有人電話…
我真係好無奈,就因為係寫明「今年DSE生」就被性騷擾,唉,呢個世界真係咩人都有,聽佢把聲仲要係後生,廿幾歲嘅男士。
我出呢個post就只有一個願望,希望大家小心啲,唔會遇到呢啲人
#已刪除所有有電話號碼的個人簡介post