日本職業雀后岡田紗佳　獲麻雀牌公開贏牌秘訣

啲運用哂係鳳凰位到
第一日落後120分 後3日 12個半庄食左9個1

伊達最高

自己莊滿貫確定嘅良形對攻輸比二位愚形計唔計
南四早外+筋牌先引到一發 張8m的確係引出嚟
6s嗰鋪牌 你有睇第一場就知高宮好大機會會追 然後即輸
鋪牌有dora 2 唔係咁易棄
第一鋪絕對係運氣 後面就睇你守唔守到 佢唔止冇犯錯仲基本上有得把握嘅牌都把握到
然後牌效手順都係ML女嚟講算top 真係好少失誤

高宮盲嘅, 出名衝, 睇外號都知

南四引筯完全係入章帶住打, 摸1p4s, 拆5m引筯, 真心睇唔出有咩技術

真係睇得出係頂班嘅係多井 寧願叫少飛嚟避銃, 同埋堀 係對家立直, 根據上家打乜嘢牌防守, 嚟推斷對家牌型叫咩

以上個人見解, 你話伊達 係女流頂當然可以, 但個人覺得一嚟伊達打嘅日子尚淺, 真係係逆境時嘅判斷會比較見到真章

南四真係估唔到魔神會比佢引到隻八萬出來
佢未聽牌又有機會輸一發
算唔算失誤

伊達＝麻雀　 by多井隆晴

高宮輸到楚楚可憐個樣

淨係四暗刻落車已經唔係啦
https://youtu.be/HxzfzAzdeAQ?si=TSwtn9TSNS0MtEv2
醍醐大直頭冠軍級 一樣中四暗刻陷阱
我就係睇到佢嗰鋪牌 賽後訪問講返思路 先覺得條友真係有料
佢運氣的確係好，但避銃率全ML第一 先最難得
第一鋪堀大top打隻4p唔棄照打輸莊家立直多井係咪黑仔摸到銃牌？
佢大把呢D神奇避銃 出精華都夠佢出幾條
唔係嘅話一個唔出名聲優 先入咗職業一年 點可能無啦啦入到ML
聯盟戰頭兩年 年年都升班 女流A級亦都打得唔錯 點可能一句"有睇都知 啱啱學識都識打"

我冇話佢單純好運, 只係好好運之餘有中上牌效

應該咁講, 佢好運到有機會掩蓋咗佢應有嘅光芒

諗起帝皇切開
第一次見仲心諗咩黎

咁你要睇多D佢嘅訪問 佢避銃能力真係好有心得
同埋你前面又話啱啱學識打都打得好佢嘅牌
高宮至少十幾年經驗 仲要上年女流A先入決賽 同魚谷爭冠軍 但你一句話佢係盲就解釋晒
不過我都同意得幾年冇咩track record
但堀打ML都係打多佢一屆
佢仲有係協會 唔係最出名嘅連盟/最高位戰
協會D比賽就不嬲冇乜人睇 我又唔信佢未入ML之前你真係有睇佢D比賽
壽人多井呢D就真係大家識 未有ML之前已經係最出名嗰批雀士 甚至高宮二階堂姊妹都肯定出名過堀
堀啱啱大TOP輸隻4P比2位立直莊多井 已經係好明顯失誤萬一多井ura ura 12000 咁搞法直接送埋自己隊返屋企添啦

呢個咪就係問題 大把選手都好運 例如上年嘅高宮 東城 本田哥
本田直頭係上季最多TOP
點解得唔到最上等嘅成績？
咪就係好多人淨係睇到佢好運嘅點 而忽略晒D細節
6s卡手 係佢就會話係人都棄到 其他人打就會話係黑仔
咁樣都對佢好唔公平下

仲有前面瑞原又係咁 係咁攞副13面嚟binc話佢冇料佢兩個平時打比賽成績都唔錯 唔通佢哋打咩比賽都係靠好運？

咁真係冇睇, 都係Mleague之後先睇佢啲牌譜複盤先知佢嘅判斷思路
我話高宮盲嘅唔通真係話佢唔識打咩, 只係話佢進攻意欲奇高. 湧咗先算
堀想斷莊, 輸筯係有商確之處, 萬一ura ura 就有些少講唔通, 因為太龜就又會係twitter俾人話龜到咁唔好打返屋企之類
題外話, Mleague話題性夠高當然好, 但選手每一章都比人係放大鏡下放大嚟睇, 有時攪到啲選手選擇上同自己打法有出入, 我覺得好考慮選手嘅抗壓能力

mleague例同各自組織嘅例有出入, 唔係每個人都適應到, 好似和久津晶咁, 佢聯盟打到A1, 但明顯唔適應mleague例, 攪到冇咗個鐵飯碗

真
聯賽呢d長線作戰一季打至少20個半莊
放銃率得6%真係有得靠運咩

上次上壽人佢地channel 伊達子要逼佢地兩個練習講野

嗰副牌我覺得鬧嘅人多D
4 7p 呢條筋危險性唔低喎 仲要dora現得超少
你話沖邊張/筋牌
真係咁啱好彩多井係nomi 唔係真係cup咗嘅 就更加會比人鬧
佢仲要係中張牌愚形對攻 完全諗唔到有咩理由
同埋多井同abemas都係保守開 龜到連續幾年三甲 龜邊有問題 有冇成績先係問題
瀧澤和典比人鬧 因為佢打法最終形到極致 經常性起手留廢字牌嚟反牌效但銃率又唔係特別低 所以成績好差
另外 你講得冇錯 每隊都有唔同style係最好 大家都想知邊種打法最好成績

但覺得大家太雙標 大家都打爭議手 男女選手嘅待遇差好遠
係人都想下莊 呢手牌當然有佢道理 但堀副牌糊率真係低到爆 我敢肯定如果隻4p係高宮打 一定比人鬧到傻好彩d人結果論 佢照keep到top就冇咩事

我覺得短局頂級男女選手差距真係好細 甚至女選手唔一定差得過男 所有能量谷晒落一鋪牌 聯盟戰一節打四個半莊 對體力需求超大 男女對打 男選手一定有好大優勢 所以ML賽制每次打一鋪本來就對女選手有利

其實最大分別係連盟
最高位戰同協會 同埋其他跨聯盟比賽 都係用正常規則多
最大分別係用唔用赤dora
最高位戰冇赤 其他都係正常 有一發有ura

連盟好多人都係適應唔到ML
佢哋A rule無一發無ura規則 真係搞到D選手轉換ML嘅防守思路好亂
晶姐嗰陣就係成日亂出銃
仲田加南 有睇佢打就知佢係唔防守 先唔講佢外型因素 佢打ML規則如果適應唔到 一定會輸到傻 所以伊達兩套打法都適應到係幾難得 仲有壽人同勝又
好彩瑞原係最高位戰 唔使煩咁多嘢

我只係話可以商確, 唔係話佢啱

論牌效二階堂瑠美直頭係奇低添, 經常打靈感牌, 但偏偏牌路古怪但又食到其他人食唔到對局

另外瑠美明顯打錦標賽更適合打聯賽, 佢錦標賽final率好高, 但聯賽咁多年都冇乜好成績, 咁應該話佢係打得好還是打得唔好呢

比起牌效, 有時我更希望可以睇到瑠美 黑沢咲呢啲唔同牌路嘅人打, 好似你咁講, 一嚟知邊種打法係出色啲, 二嚟個個只講牌效又好似睇邊個嗰晚好運啲咁

另外一啲舊嘅pro打法可能落後於時代(或者同mleague例相性唔好), 只睇mleague又未必代表到佢地整體實力

正正就係講緊晶姐, 實力有, 但例唔同好影響佢發揮

伊達勝又壽人係呢方面調整得好好

之於男女評價方面就冇辦法, 始終女流發展時間較短(但整體年收方面係女流高啲)

女流冇乜機會比佢地去表達各自嘅思路, 男雀士要做牌譜檢討嚟吸引人, 所以會對男雀士整體實力有較客觀嘅評價

伊達瑞原有時都會開台覆盤 雖然真係唔多

唯有聽住賽後訪問先 女仔通常講得清楚好多 可能普遍比較外向

唔洗輸我自動除

瑠美直頭係失誤多
好在都係攻擊性好強 如果有好牌都係會攻贏
ML又係搶1遊戲 不過佢防守意識又係好差啱打錦標賽都正路 鋪鋪同你搏

佢呀妹亞樹就相反 女流最保守 伊達藍子都會有時搏下牌 佢次次都一龜龜到尾

大小姐呢種門清流又係幾特別 雖然肯定唔係勝率最高 但得分爆發力超強