有無人同我一樣 心底入面一直鍾意緊個無可能一齊既人?
一直覺得你係一個好好既人
當自己失意果陣 全世界都無人理我
大多都只係聽我講下 口頭上安慰下我咁
只有你一個真係會落手落腳 用行動去幫我
但我知道你有另一半 所以一直好好控制自己 唔好俾自己對你既好感愈變愈大
不斷同自己講做你身邊既好朋友都夠架啦
到而家 我地兩個變左好好既朋友啦
我以為自己對你既感覺
已經由愛情 完完全全變左做友情
但係 我發現自己無論開心定唔開心既事 所有野都好想第一時間同你分享
又會好想同你爭取多d時間相處
會記得晒我同你之間相處既情景
最致命既係 我對其他異性真係完全無晒興趣
呢一刻 就知道自己其實心底入面原來係好鍾意你
唉 希望自己早日放低啦 唔好再對你有任何唔會發生既幻想啦
祝你同你另一半幸幸福福啦
我地得閒約下食飯都夠
唉 我真係好鍾意你呀
咁多年黎 從來無試過咁欣賞咁鍾意一個人