英國以至歐洲都變左唔少,要夜晚食野以前落pub,依家南亞移民開鋪都夜過乜,有部分甚至開到24小時,你真係唔夠佢地好捱
生活個類,咪空間換時間,Tube死車可以單車或者行,反正Zone 1-2站與站距離真係短到
總之唔好傻更更以為時間充足坐巴士就得,夏天一來熱,特別呢幾年好明顯係熱左,無冷氣真係坐到暈,又塞到暈。
Tube個樣上面都有講,152年歷史,又唔同地鐵靠起樓賺錢,維修同服務一定比唔上香港咁密集的系統啦;至於火車,我度條SWT線判左畀地鐵/First做,居民反而擔心係加價多過服務問題,叫做好過罷工罷到常態的Southern,問題都係同Tube一樣 - 全世界鐵路賺到錢又保養得好,除左日本咁異常地幾乎都心完全靠鐵路,都係得香港有地產補貼先做到,就算新加坡都唔掂,大陸都係搵地鐵去照抄。
咁咪放長雙眼,睇下有地產補貼的Crossrail,地鐵又可以管成點囉。
我呢類屋企遠既,咪睇準時間坐尾班車,依家加埋有星期五六少量深夜Tube,又少個問題。
食野個樣,係都要食蒸魚食白菜菜心就幫你唔到啦,咪去泗和行買野餸囉,又見其他英國人食素會話無菜食
至於娛樂,我呢類食英國文化同音樂奶水大既,簡直爽過乜,反而係香港就悶到喊,唔夠show睇
放慢返個人,整個心態都好好多
次次過去感受到最明顯係身體即時無過熱,無皮膚問題,無熱氣 - 唔好笑,熱氣呢樣真係同廣東氣候有關,北方都無乜類似涼茶的野 - 頂盡都係傷風感冒,咪去superdrugs/boots解決,反正superdrugs老世都係李嘉誠
到真係身體有事,睇親戚情況,感覺排NHS有時重快過排大西北醫院,唯一真係好貴既,係整牙。