分分鐘講講下連LC同正傳都變千日戰爭,雖然我認為一早已經有定論
歷代處女黎講阿釋最勁,冇佢用小宇宙整念珠封冥鬥士兩代聖戰已經輸左,一下ohm結一個印已經一件,真正做到強者既氣場,連款都唔擺,直行直過
LC同正傳人物刻畫好大差別。正傳既黃金有正有邪,但邪在佢地既心。LC就唔同,巨蟹同處女兩個邪到出哂面,但只係惡作劇既程度,唔係要你死但會露兩手要你收皮聽話個隻,其餘既黃金全部都好正氣。
阿釋係外傳直程可以全感剝奪,係冥界將冥鬥士陣最接近神既阿嗟婆拘收皮,基本上佢要做鳩你冇一個黃金走得甩。
講型,山羊一挑四夢神,追到入夢世界斷埋右手點個穴止血就繼續虐殺四夢神,痛都唔嗌一聲 比人妖夢神催眠左點知心底願望都係做一把劍既時候突破夢境一刀斬死件垃圾
巨蟹直程狂莽到踩入雙子神地頭同師父封睡眠神,口氣大又串不過真係好撚型
雙魚一個魔宮玫瑰已經搞掂想走後門既米諾斯既手下,之後同米諾斯一換一,拳頭交原全唔輸蝕。米諾斯都諗唔到比佢用玫瑰陰到,個下完全令我對雙魚重新評價
先代獅子同獅子仔兩個都bug到仆街,老豆屈機個仔天份又高戰鬥本能又強,單挑神血拉達出嘆息攬炒
西緒弗斯明明已經死硬,為左送薩莎上LC,一個人守成架船,靠意志力同第七感撐住個身體打,最體無完膚應該係佢
白禮賽奇個外傳故事入面個水瓶座又係勁到超過哂次元,經歷兩屆聖戰仲可以用意識憑依上聖衣保護先代雅典娜,同先代教皇一樣咁屈,講後輩應該阿釋同雙子都打唔贏
LC真係幫正傳班黃金洗左好多底,但公認勁既因為封左頂所以無法比較實力,只可以比較功績
水瓶天蠍唔太有印象,只記得天蠍差d做瓜拉達 金牛比冥鬥士用聲音幻術控制,結果整聾自己先打得贏,到死個刻都仲係趷立不倒
點解LC場場經典但就冇乜人睇
水瓶都型啦 用自己生命凍住左暴走啲海皇神力
我剩係記得佢一個走去海王宫打海鬥士?唔太有印象,但水瓶完全唔輸蝕,一個剷平波賽東地頭。班海鬥士本身仲諗住自己係海產用水冇人夠佢地勁,點知水瓶一出招就搞掂哂
係呀 佢臨尾凍住左成個阿特蘭特斯
但佢招大對飛龍無咩用
天蠍根本就係同飛龍一換一,只不過飛龍有神血先唔駛死