ViuTV翻拍爆紅韓劇《社內相親》已於星期一晚（27日）首播。播出後討論度甚度，事關套劇集話題十足之外仲因為有「登神cp」兩位MIRROR成員（Anson Lo及Edan）參演。不過網民似乎唔多滿意男主角Anson Lo，仲話有3位演員似乎更適合？！
在首播中，盧瀚霆在高爾夫球場一幕的膚色被網民狠批妝容太白，認為他太厚妝，因此出鏡效果先會咁誇張。有網民留言認同，更表示：「Sorry 但我真係頂唔順AL」、「不明他的妝越化越濃，不太自然同好看」、「佢個妝攪唔掂，真係白到反光好唔自然」、「Golf場個樣先攞命，得佢一個Filter咗」「同之前大叔的愛個樣差好遠」
但是亦有不少網民為盧瀚霆平反，更指出盧瀚霆一直以來因太白而造成的困擾：「其實AL有講過，因為佢啲鬚根好勁下，所以要遮，加上佢本身就好白，咁咪變咗咁樣囉…」、「打燈打到啲人塊面光燦燦，成個燈泡咁」「佢本身就好白，一打光同落少少Filter就會好誇張咁樣」。亦有網民表示：「韓星冇問題，港星就係妖？外國月亮特別圓」、「咁韓國版男主角都厚粉嘅」，意見十分兩極。
有不少網民就覺得盧瀚霆同原劇角色沒有太大分別，而且都非常carry到個角色「我覺得AL幾match個角色啊，斯文靚仔，氣質都似有錢仔」、「教主眼神同細微位一直進步，除左用眼睇，細心啲會留意到」、「CEO要高冷內斂，無咩表情，其實難做，AL微表情做得幾好喎」「教主尚欠一點點霸氣，但整體嚟講係收貨嘅」「教主做CEO有屬於佢個種氣質，斯文離地feel d都幾好呀，有自已既味道」「我覺得Anson Lo 好適合做偶像劇有錢貴公子wor」
盧瀚霆被網民認為最唔似就係「霸道總裁」，唔夠力唔夠cool唔夠霸氣，同原版有出入「我係神徒，我都覺教主講嘢唔夠霸氣，特別尾音位置，有時聽唔清楚；但都好高興教主可以做呢個角色，要繼續努力」「我覺得anson lo做有啲細路扮大人既感覺 」。
網民就嚴選3大藝人，認為似乎更適合。第一個係同隊MIRROR的Stanley更適合這個角色：「Stanley同韓版男主嘅外形同氣質，各方面更接近」「AL做得唔夠霸氣，我諗搵Stanley會更合適。」「12子內我第一個諗起呢個角色係啱大表哥，不過登神的商業效益實在大太多」「我覺得大表哥襯啲」「登神真係同韓版爭太多，prefer大表哥做CEO，皮皮做秘書」
