Sawano hiroyuki 進擊巨人主題曲個編曲
Aimer
LiSA
Yui
奧華子
坂本真綾
安全地帶
久石讓
你一頭一尾係BGM作曲為主既作曲家黎,雖然佢地有固定歌手,可以追住佢地d歌黎聽
同埋澤野弘之唔係巨人主題曲作家
巨人三首主題曲一首ova主題曲係由一個叫revo既作曲家作曲包埋唱,呢個企劃係由佢既樂團linked horzion包辦所有巨人主題曲連結整個故事,由佢做作曲家去整一系列故事歌係天作之合,順便介紹下佢,呢條友上埋紅白,係我認為現在最有才能既作曲家之一,好多人認為巨人音樂=澤野弘之,其實仲有一個勁幾個層次既佢為巨人音樂服務
revo創左一種叫做物語音樂既歌系,呢個樂團叫sound horizon,已經經營左過十年,同幫不少過氣,或半紅不黑既歌手維持生計,甚至令佢地重新受到注意,而佢既風格係歌曲係為講故事服務,佢將jazz,r&b,rock,metal,民等音樂風格,同多種語言,還有對白,效果音等納入歌曲,達到成隻碟既歌聯結,做到一個開放式既故事,構成一個開放式既世界,雖然睇落好似音樂劇,故事亦好acg風格,但我同你講,完全唔關呢兩樣野事,如果大家有涉獵音樂劇,會發覺音樂劇係絕對地故事>歌曲,所以歌曲會經常重新填詞再用,編曲變化亦不大,而且編曲為左攜帶更多有意義,為左方便填出故事內容既歌詞,大部入都有一段時間唔短既平順既韻律,甚至為左攜帶故事,連副歌都慳返,所以一套音樂劇,當中有大部份既歌你獨立咁聽既話係唔好聽,因為為故事服務過左頭,令首歌既曲本身唔完整
但revo既物語音樂,佢利用歌中旁白,不同語系既填詞加上適合佢故事歷史背景既編曲,克服左完整pop music難以攜帶太多訊息既問題之餘維持每首歌既完成度,以致你成隻碟順序聽可以享受到一個意味深長既故事之餘,得閒抽一兩首黎聽亦得,而且佢既故事非常開放,但不乏完整,留低既係佢分享出對事件既感受,結果如何,係好係壞留返俾大家幻想,我非常推薦大家去睇下佢第6隻故事碟moira,呢個故事相當易入口,成隻碟描述既意思亦係最完整最唔會有疑惑既故事,而歌曲本身由編曲到歌手既調度亦非常豪華,係一隻一聽就立即能夠認識到佢敍事手法,編曲手法既碟,一開波就睇呢隻係冇撚有錯
而佢既才華亦都唔單止作,唱,奏咁簡單,佢既story cd,通常都會公演上舞台,由佢同參加cd演唱既歌手,去演繹一次佢認為既故事版本,所以佢由創作cd開始,已經編排埋舞台演繹,先諗點樣演繹,點樣表達,至完成隻cd,而佢本人既演繹能力,仲可以話係同台演出者最強,所以呢條友係痴撚線咁有才華,已經唔係寫得彈得唱得咁簡單,大家不妨搵下佢既舊作黎聽,黎睇,豐富既娛樂性一定會俾到大家唔同體驗,從而明白日本歌壇有幾超前,呢d冷門既音樂,唔熱門既歌手,都有佢地演出既一席之地,養到班咁既人,聽歌埋單既大眾一定要有咁上下質素至成到事
最後,share下佢陳年曲一首,youtube有但九成九都係侵權,我唔想俾太多出黎,大家可以買dvd睇
https://youtu.be/18SbR3Ehjss