而家成日食麥當勞同埋KFC, 但點都唔及細個既時候食咁好味

桃花依舊 人面全非

一見到有人講呢啲野就會覺得好撚可悲,唔知自己到底係度做緊乜撚野

回憶總是美好的...
事實上係..龍肉日日食都會厭
可況食左十幾年既M記..M記品質監控(我既意思係差異性監控) 數一數二..

食過最好味嘅KFC係愉景新城同婆婆玩完冒險樂園食
不過兩間野都好似執咗了

細個會 ya食麥當勞
依家會 唉食m記算

忍唔住係街笑出聲
但真係變左好多

今日又自己一個食 lunch, 去左食麥當勞
突然諗起細個大約三年級既時候, 有一次同個幼稚園就識既好朋友, 仲有我阿媽同埋佢阿媽出街
話就話行街, 實則其實係陪啲大人買餸
行左一陣我同朋友就覺得悶唔想行, 咁阿媽就俾我地兩個細路自己搭車返屋企先
返到屋企附近, 我地都好想食脆香雞翼
所以就每人夾錢買左4隻雞翼食, 因為冇錢買成個餐, 重記得個陣買左10蚊
個朋友唔太食得辣, 一邊食一邊嗌辣

幾年前呢個好朋友不在人世了
直到而家我都覺得個次係我食過最好食既脆香雞翼


又有一次我跟阿哥阿媽出去, 跟阿媽去探個朋友
個陣成日見到KFC廣告, 我同阿哥都成日話好想食, 但屋企個邊冇KFC
而且細個屋企好窮, 阿媽好少帶我地出街更加唔會點出街食野
去完阿媽個朋友屋企, 阿媽見到附近有KFC, 就帶左我地去食
重記得喺藍田食, 唔知間KFC重喺唔喺度呢
買左一個餐全家share黎食, 個種美味而今我都記得

出左黎做野之後, 而家我一個月都食幾次麥當勞/KFC, 但都再冇好似細個既時候食咁好味了

agger
利申 食住m記回你

細個呀媽帶自己去邊都開心嫁喇
記得以前細個就中意出街食，唔中意呀媽煮
依家食到呀媽煮既飯已經好難得

因為你細個好少食