病貓病狗主人入嚟

可能考慮用藥止痛止痕先
有傷口既可以加埋抗生素
同埋佢係咁r 應該要戴頭套

咀角黑點似係油脂分泌（？）
有時間既可以tg比我睇下

祝好運

Tg sent

驗食物敏感原嘅結果準唔準？
如果狗仔對所有肉類都敏感，但又唔想食狗糧仲可以食咩？

我隻狗仔歲半
上排有2隻乳齒牙板未甩
摸落鬆鬆地
洗唔洗剝？

你狗係食完肉會痾嘔定痕?
你餵開生肉?

理論上係要既
唔係因為即時有咩問題 而係預防以後會有問題
絕左育未? 未絕既話一次過搞都好簡單

絶咗
係咪得返洗牙先有機會剝?

睇嚟係

隻狗一接番黎係食狗糧
但係食幾耐狗糧就痾幾耐,試左十幾款唔同肉(雞牛鹿等等)既狗糧都係痾
轉左鮮食之後就冇再痾
我多數係烚雞肉加菜比佢
但係佢間唔時都仲有痾嘔
於是去驗食物敏感原 發現所有肉IgE平均4或以上
有時去驗血個發炎指數都少少高
獸醫就話雖然食鮮食冇痾嘔 但唔代表冇敏感
佢體內係發緊炎

有冇試過食敏感糧(e.g. hypoallergenic, anallergenic)

咩都冇用既話
search下IBD
要照ultrasound +/- biopsy confirm
可能要用類固醇先控制得好

你好 我個case有啲唔同 因為我隻貓已經走了
但其實我想再了解多啲
長話短說 我隻貓走個陣只係3歲幾
佢係突然3日內 冇胃口（跌左8成胃口）
係咁訓 小左屙尿（平時一日3次尿 但變成一日1次）
屎仲要第2同第3日冇屙 冇精神 動作都變得小/慢（平時好活潑 好好動）
所以我第3日 帶佢去睇獸醫
當下做全血檢查 正常
X rays 正常
但考慮到佢有咬膠習慣 （x rays係睇唔到）加上醫生摸到佢肚位有唔妥（佢形容為扭埋左一舊）
我地都以為可能膠 所以建議麻醉+開肚睇睇 點知佢話一打開肚 就bleeding 有粒大既腫瘤係大腸 已經破裂左 流緊血 而仲有粒擴散既腫瘤係小腸 我隻貓最後係recovery救唔番

我其實一路都好自責 因為除左佢呢3日突然間變得唔正常 其實佢歲幾2歲開始 有時食完乾糧/濕糧就會嘔 frequency大概1星期都嘔1-2次 有時好彩既 一至兩星期都唔會嘔 但佢嘔出黎既係未咀嚼完既糧既樣貌 而且精神/行為/胃口都正常 我地都前後有2次 因佢嘔既問題睇過醫生 都係照x rays 所以得出結論係腸胃炎/腸胃敏感之類 我個陣都冇諗過腫瘤
而我都係因應指示 搵處方糧/腸胃敏感糧/小食多餐 既方法去作處理 的確冇嘔得咁多
而且佢呢3年一直平穩地增肥 又好動

我後悔開刀前冇做埋ct scan 如果做左先睇到咁嚴重 我都唔會決定讓牠開刀😕

最後驗左粒腫瘤組織係淋巴腫瘤
報告係咁寫：Jejunum, omentum and mesenteric lymph node, round cell tumour most consistent with lymphoma - IHC marking possible, large cell size, high grade, diffuse

The tumour is confirmed as a round cell tumour and most likely a lymphoma arising in the jejunum then involving the omentum and lymph node.

想問下以你既知識/經驗 淋巴腫瘤 可以點樣觀察/預防（飲食）
Ct scan 係咪比較有效睇到腫瘤/器官既abnormal
仲有咩方法/assessment可以盡早知道癌症

😭😭😭😭謝謝你

cancer d symptoms通常都係你講個d咁
好唔specific, 我諗個mass生到好大之前都唔會有人會諗一隻三歲貓有cancer
CT/ultrasound應該都係你早期可以做到最有效既野
如果再有養寵物既話 有問題一直醫唔好就可以考慮照下先

係主人角度黎講, lymphoma你可以見到既野都係胃口精神屙嘔依d
識摸既話有時會摸到lymph node變大

想問下咁檢查法要幾錢？

已經睇咗獸醫三次因為同一件事 我隻貓我摸到佢身上有幾粒 好似暗瘡既野 每次睇完佢地又用螢光照過睇過都係話皮膚無事 唔係有fleas

之後有杜蟲同查藥膏 但到宜家有時都摸到身上有d位有粒野 唔係好多 得幾粒 獸醫又話過可能係自己搲損 同食物過敏

我已經覺得我再去睇 佢地都係話無事 身上有時生粒粒係正常？

之後宜家佢每二日先有大便一次 有小便 有食野飲水
我已經開始每日用唔同既肉thrive wet food 黎試吓邊個敏感 記錄住 我覺得好無助 外國呢到算最出名既vet 去咗幾次 都係咁解決唔到 一直都有生幾粒不過會自動好返

好想問有冇貓貓都有小腸氣 我個隻四個月大
粒野越來越大 個窿未埋口 可推出推入
醫生摸話脂肪 但層皮好粉紅 仲越來越薄 －食飽就撐大d
我好怕捱唔到6-8個月絕育切埋佢就穿咗 仲要脂肪同腸難分

我屋企有隻貓女（唐貓） 而家大約12歲幾13歲 佢呢幾個月個體重跌得好犀利 冇記錯年頭幫佢磅重係ard 3.5kg 但呢排幫佢磅得番2.3kg 同埋佢成日都走去飲水 但食嘢又食得好少 開啲濕糧罐罐佢淨係食一兩淡 連零食都要氹佢先肯食 仲有一嘢樣就係佢上個月開始每日都肚屙 開頭仲要屙血屎 而家就啲屎就冇血不過都係好爛

多謝你🥲 我而家仲有一隻貓 都PTSD了 好緊張佢會有咩唔妥

擔心既話早少少絕都冇問題

就咁睇
去驗血先
估計離不開kidney/liver/cancer
比較多係腎問題
建議你盡快check下

我隻貓眼膜炎睇咗兩次醫生，話有少少眼瞼內翻，啲毛戳到自己隻眼，想問吓有咩辦法根治？係咪一定要做手術？Thx!

係

最近兩日隻貓唔食野唔飲水
屎尿正常但兩日嘔左三次黃水
睇醫生驗全血同胰臟炎都無事
係咪可以當住係腸胃炎先

食訓玩?
幾歲

3歲半
精神差過平時 但未至於成日訓
會抓貓柱 逗貓捧都有反應但冇平時咁大興趣
同埋好似一玩就想嘔（會有吞咬動作）
聞到水/野食都係咁