病貓病狗主人入嚟

如果由cat flu變左chronic bronchitis既話基本上冇得搞

有乾性既話照超聲波應該至少睇到d器官有問題

貓貓琴日開始嘔 平時都會嘔（但係食得急果隻嘔）
琴日開始嘔得多左 （一晚2-3次） 嘔左啲消化左/未消化完既貓糧 嘔完隔一陣會再食野 之後有時會再嘔
嘔之前會係咁叫
但佢精神其他野都好正常
係嘔多左 嘔知咩事

幾歲
就咁睇初步依d問題都係先當腸胃炎
冇特別問題既話都係打枝止嘔
你唔想去睇醫生住既話 係屋企可以試下餵幾日烚雞 比佢慢慢食
留意胃口精神 冇變差又冇再嘔既就最好喇

緊張/情況差左就去睇醫生check下

琴日睇左都話係thx ching

想問下我隻貓貓4歲唐貓 平時間唔中有嘔食物殘渣
但今日一日嘔三次水係咩問題
佢有食慾 精神唔算太差
謝謝巴打

sor遲左覆
而家情況如何?

有食開杜蟲, 冇紅腫冇膿冇crust既話可以當stress先
笠個頭套唔比佢奶 睇下有冇好轉先
擔心就睇醫生驗下

老狗seizure 比較多係brain lesion/cancer
當然都唔可以排除肝腎有問題依d都common既原因
但冇驗既話唔會有肯定答案
短暫既seizure(幾十秒)一般唔會有生命危險,
長過10分鍾都唔識停就開始有機會導致brain damage

想詳細再知既tg搵我

想問下sucralfate同omeprazole 2隻腸胃藥如果長期食會有咩問題

冇聽過
但點解要長用?

因為隻貓停藥會嘔 不過我未正式問獸醫 胃炎近4個月每次停藥幾日就嘔 搞唔掂

咁你d藥邊度得嚟

去診所配 到時再問醫生有冇問題

屋企隻貓貓8歲，上年10月中診所診斷佢有嗜酸球菌後群症，佢嗰陣時成肚都係積水（嗰陣時即刻抽晒），同埋淋巴都好腫脹，咁一開始有用高劑量嘅類固醇穩定情況，之後見佢keep住好轉所以就慢慢減類固醇劑量，轉食標靶藥，去到12月覆診都仲好地地

隔咗2個月番去覆診，再照x-ray先發現原來佢小腸同大腸之間多咗嚿mass，攞咗啲組織去城大化驗又話驗唔到嘢，醫生話正常如果係淋巴cancer/瘤會抽到啲細胞，就算加重番類固醇個劑量都遏止唔住個mass發大（而家2.6Xcm大），呢嚿嘢搞到隻貓每次屙屎都係水狀（醫生話係因為大小腸被嚿mass搞到發炎，所以吸收唔到啲營養同水份，佢仲要而家係有貧血、脫水呢啲情況，醫生話有兩個方法去處理：

一係就轉另一隻類固醇比佢食（醫生覺得佢好似食純咗之前隻類固醇）睇下可唔可以穩定到個mass size之餘，仲可以解決到腸道個炎症情況，令到佢冇咁易屙水狀便，但好大機會冇用，因為呢隻類固醇比之前嗰隻效力冇咁勁，話如果佢啲徵狀冇改善，基本上得番一個月命

二就係做手術，喺佢肚度開刀攞番個mass出嚟，做完都好大機會改善到佢屙水狀便同埋脫水情況，但個風險就係驚佢做做下手術失血過多死喺手術枱上面（醫生話佢而家仲要有貧血情況），同埋有機會手術後傷口縫合得唔好，啲屎喺條小腸度流咗出去個肚度出現腹膜炎，記得醫生好似話有機會出現併發症？同埋醫生亦都話有機會過幾個月之後喺其他地方復發

而家我地全家都好頭痛，唔係錢嘅問題（就算要借錢我地都無所謂），btw醫生話佢呢個情況係Feline gastrointestinal eosinophilic sclerosing fibroplasia (FGESF) ，其實應唔應該比佢做手術？，真係好驚會發生醫生講嗰啲情況，上個月先走咗隻貓女，唔想咁快又走多隻，btw打咗好多字，其實仲有好多內容想講，希望您睇到呢度，希望您都可以比少少意見我地，唔該晒

有冇問多一兩間拎意見？定呢個係專科意見？

隻貓本身cat flu 斷唔到尾 狂流鼻水 但食得玩得
最近佢個肺勁多痰,成日濕咳 有次咳到嘔 d嘔吐物見到綠色痰
可以點算 睇左半年醫生 食左3個月doxy食到唔可以再長期食 呢3個月淨食氣管抗張藥
有冇D咩方法可以舒緩到?

暫時由上年十月到而家都係睇緊同一個醫生

以大問題睇唔到你隻貓黎講 我既意見參考下就算

如果問題係個mass, 咁切一定係最好方法
失血可以一早準備好輸血設備
縫合問題偏向技術問題, margin攞得靚縫針縫得好既好地地唔會leak
我諗你都係睇專科 醫生應該係比定最壞情況你地

種菌驗完都清唔到既話
有時就係冇得搞

主要因為cat flu都唔係細菌引起
用抗生素都係防更多感染
呼吸道多mucus既可以試下沖涼帶埋隻貓入廁所吸水蒸氣
或者有冇用過霧化機?

之前有幫佢用0.9 saline 霧化
鹽水霧化係咪唔可以霧化太多? 驚佢成日霧化完奶自己D毛搞到食太多鹽

唔會喇