堅強像你 說起愛 有冇哭到停不住?
同佢一齊之後 我日日好多謝個天對我咁好
俾我遇到一個咁好嘅男朋友
有佢好過中10次六合彩頭獎
平日有時放工買餸上佢度煮飯等佢返
放假一齊買餸煮飯 出去食嘢周圍行
簡簡單單嘅快樂生活 以為一路都會咁生活
每日期待住結婚之後嘅生活 都準備好呢一兩年有小朋友
放工煮完飯就攤喺沙發睇電視 再返房傾下計攬住訓
佢話新屋會放好多我地嘅相
我地一早買定嘅沙發 睇好嘅衣櫃 飯枱
我日日諗張床放窗邊定牆好 我地書枱平排坐定背住坐好
房放唔放電視可以喺床睇
廚房放定好多嘢 佢放幾點返嚟都有嘢煮俾佢食
但係佢成個人變哂
慢慢佢冇乜搵我 我都搵佢唔到
我一路等佢 想有個唔同嘅結果
想佢記得以前嘅我地 但佢話唔記得哂 唔好講以前
但佢淨係鬧我 叫我走 話我冇用
每句都好似把刀咁插入我心咁
全個電話4萬幾張都係同佢嘅相
但佢從來冇用佢電話影過我 佢電話應該一張我嘅相都冇 除咗我Sd返俾佢果啲
結婚相我睇完又睇 睇完又睇 每日都睇
但佢應該開都冇開過嚟睇
一路以為自己好鐘意講嘢 原來係對住佢先會好似有講唔完嘅嘢想講
因為我而家都冇再同人講嘢了
好鐘意笑嘅我亦都冇再笑 得返眼淚
唔知之後點 個心傷到爛哂
但我起碼都嚐過幸福嘅感覺
我只想佢開心 每日笑住過
到底你經過什麼事 你地仲相信愛情?
邊個令你從此推翻 對愛情那些宗旨