片就未睇, 不過我係bipolar, 特徵就係躁期個人好high諗好多嘢又好易嬲, 鬱期好cynical覺得做好多嘢都嘥氣同埋無哂動力
我平時有食開情緒穩定劑控制到, 咁啱上次覆診嗰段時間壓力大刺激到有少少復發入咗鬱期, 個代診醫生又鳩hea就咁加隻抗抑鬱藥, 食咗個零禮拜就反彈入咗躁期, 呢排係咁買嘢, 琴日仲差啲為咗少少事掟爆mon同想殺屋企人(好彩冇槍喺手)
莫講話處方藥物, 就算我飲少少酒(大家可能唔為意, 但佢都係中樞神經抑制劑嘅一種)已經定好多, 諗嘢更加有條理, 個腦唔會同時諗四五樣嘢又記唔切
我都知精神病, 情緒病唔係單靠藥物就醫得好, 社會/家庭支持同心理輔導都係關鍵
但對於重症患者或者症狀影響到自己同其他人都唔認為自己有問題(病悉感低)嘅患者, 藥物就係幫佢哋降低症狀嘅影響力從而願意接受輔導嘅第一步
我唔知你有冇患過精神病或者情緒病, 到底係因為自己食過藥變遲鈍咗所以信唔過精神科藥物, 定係上網/睇電視/睇書學到"食藥會傷腦變遲鈍"嘅講法想開心share俾呢度嘅巴絲知
但我唔希望你冇認真考據過學術文獻(喺認受性高嘅期刊發表嗰啲報告, 唔係反藥物/陰謀論網站link嗰啲)或者未親身體驗過唔受控嘅精神病發就下巴輕輕開post話食藥傷腦變遲鈍, 嚇走患咗病又唔知食唔食藥好嘅巴絲
難聽啲講, 如果有巴絲因為聽到你咁講唔敢食藥搞到精神病發自殺或者傷人坐監, 就係你害死佢哋
p.s. 你問我知唔知腦分泌同啲藥有咩作用, 我可以同你講, 我讀大學嗰陣生理學同藥理學都有教到, 患病之後仲特登刨多咗書同上網(外國知名大學講精神健康嘅網頁同埋美國國家生物技術資訊中心嘅文獻資料庫PubMed), 就係為咗知啲藥點影響自己, 有咩療效同危險, 唔係睇完求其google返嚟嘅網站/記錄片講食藥幾好/幾唔好就信到十足
我係憑我既工作經驗得出黎
睇文獻好多藥都顯示到好有效
但對患者既psychosocial well being可以係無任何提升
Negative symptoms 無哂
隨之而來既遲緩,麻木,對外界既事失去興趣
係文字睇唔到
咁d藥算唔算有用?起碼我覺得有一部份無用
同埋diagnosis可以隨不同醫生診斷而改變
唔洗太在意邊一種精神病
如果有巴絲見到你既cm去左睇醫生食藥
結果有咩問題你又負唔負責得起?
我唔會隨便叫人食藥/唔食藥或斷藥
Drug compliance差既後果
我比你更清楚有咩問題
同埋唔同人對藥既反應不一
醫生會視乎情況轉藥
係好常見
睇research 係好事
But dont take it as the bible
There are secrets behind all these words
Im not here to give you a lecture
Just a sharing
No offence
你講呢句除咗用嚟拋窒我仲有咩用?
睇錯醫生斷錯症食錯藥係有風險, 但係怕傷腦唔去睇醫生唔食藥搞到病發唔通又唔係問題?
況且斷錯症係有, 但與此同時更多人因為得到正確嘅治療而好返/控制到病情
至於psychosocial well being, 冇錯淨食藥未必幫到, 我個回覆都有講過
但有時患者頹到成日喺床冇動力郁, 或者妄想/焦慮/強迫症嚴重到脫離現實, 真係咁易淨係靠家人朋友說服到佢做心理輔導?
仲有你講就話唔會隨便叫人食藥/唔食/停藥
但係未經證實就聲稱會傷腦會變遲鈍, 令到未諗定睇唔睇醫生嘅巴絲諱疾忌醫只會更危險
況且如果真係有人擔心食藥會食壞腦, 都係由佢嘅主診醫生同佢傾, 起碼主診醫生更加清楚佢嘅狀況, 比起你同我更有資格判斷病人需唔需要食藥
我做嘅就只係鼓勵佢哋睇醫生, 唔好因為怕副作用而唔去睇病
我食咗差唔多兩年藥唔算耐, 但係食漏藥withdrawal, 俾醫生cold turkey式斷藥, 啱啱開始食藥有副作用同食錯藥症狀反彈都試過, 更加唔駛講未睇醫生嗰陣病發嘅經驗
除咗食藥我病發前仲睇咗幾年社工輔導, 病發嗰時仲住咗一個禮拜精神科
我只可以講比起病發, 食藥就算令到轉數減慢變遲鈍都只係兩害取其輕, 而你講嘅遲緩,麻木,對外界既事失去興趣對於抑鬱症患者嚟講就算唔食藥都會發生, 甚至更加嚴重, 連家人親戚朋友社工都未必拉到你返出嚟
我好好奇你嘅工作經驗喺咩, 係醫生?姑娘?精神病房warden?
drug noncompliance我未必識得多過你, 但係我之前講嘅都係親身經歷嚟, 無論係食藥嗰種"遲鈍"定唔食藥病發有幾可怕我都體驗過, 就係因為咁先至咁緊張有人話食藥傷腦影響其他人睇病嘅意欲
最後, "do not take (sth) as bible"呢句成日都俾人攞嚟當金句撻人話人讀死書盲信
但係有認受性嘅科學文獻背後都係認真嚴謹嘅研究, 仲要其他學者檢驗查證過先至發表, 可信性點都高過你上網同睇片嗰啲二三手資料
尤其是依家無論係咩人同組織, 只要有錢咩背景就出得書寫得網站拍得片, "There are secrets behind all these words"嘅情況只會更大機會喺呢啲冇backup冇考據嘅媒體發生