一隻簡單像素Pokemon Game，竟然可以磨左我兩個禮拜。
Coromon其中比Pokemon方便係Coromon可以戰鬥途中進化，而唔洗咁麻煩等戰鬥完先進化。進化亦都有特殊條件而唔係單純升Lv進。例如條蟲會嬲到變大針鋒，好有動畫感。
兩隻狼一齊鳩叫結果同時進化...
Coromon唔會再有HM Slave，唔洗犧牲Coromon技能槽學廢招，主角本身就係把瑞士軍刀開山劈石。
Coromon好似數碼暴龍咁自由進退化，退化雖然能力減弱，但會加強特質性能。不過進化能力加成實在太豐厚，正常玩都會比Coromon去進化，除非你去玩Little Cup Challenge啦！
技能同Pokemon一樣得四招揀，不過可以係戰鬥外自由切換，唔洗走去指定的NPC都換招。
戰鬥仲可以指埋去敵我雙方的寵到睇屬性剋制同能力升降，簡直係懶人設計，乜撚野都唔洗學唔洗背。
大地圖仲可以Check埋可以遇到咩寵，唔洗上網查。
遊戲同樣有個體值，由1點到21點，不過比Pokemon簡單好多，一隻寵一個個體值而唔係每個能力值都有個體值。個體值唔係獨立能力加成而係會影響努力值上限，努力值唔洗打指定怪刷而係打怪自動升努力值等級，每升一級可以隨意配三點努力值，升爆物攻特攻就可以了。
故事由打八個道館變打六隻泰坦，雖然血量驚人去到後期甚至過千血量，不過Raid Boss可以無腦屈屬性輕鬆解決。
總結對比起GBA NDS的像素Pokemon來講係完美進化，加入勁多Quality Of Life可以開心玩。不過故事無聊大路野去新地區打曬六隻泰坦就收工爆機無野做連Post Game內容都無(你無聊咪爆機後刷完美21點個體值Coromon囉)，可能到左最後你以前玩過的Pokemon改版都優秀過佢。
差強人意唔係一隻必玩的作品，不過呢家做緊六折特價可以入手先，等Game荒時用來做緊急糧食。
留名