常見問題:
不斷更新
1. 我想問下直資老師係唔係比出面津校老師高d人工?
睇個別學校,有學校會出多兩格,但個cap 比出面GM低,都有學校會完全無SGM位,以量產GM提升教學質素,都有學校會計有機多學生outperform左佢個forecast就比bonus你,但你唔好預個數好多。簡單D講,津校福利通常比直資好,Pfund已經係一大優勢,仲要有perm位,入校長房講粗口,直資即炒,津校要講夠三次先可以炒你。。
2. 寫緊Cv,發現其他人都有references ,無嘅話影響大唔大?
揾兩個啦,有時見工你去到尾都要焗寫
3. 中學通常做幾多年有perm?
睇學校有冇位,睇你有冇能力
4. 如果佢話5月尾會傾 咁我搵唔搵定好?
你應該諗,傾完之後佢唔要你咁點算?雖然5月都唔算太遲。咁你就應該再計下,你鍾唔鍾係呢間學校做,如果鍾意,就等到五月,如果唔係太鍾意,就而家早少少夾個offer番黎,問佢續唔續。因為佢話傾,都有個唔續既可能性,但如果你真心想留而比佢拒絕,咁會安心一D囉
5. 新老師第一年教書,想問課堂管理點做得好,每次上堂都好嘈,然後罵完佢地好快又打回原形,不斷loop.....
因為佢地已經知你只係會罵,冇傷害。要小心老校行過見到,會質疑你能力。通常FG都係惡唔起,或掌握唔到學生痛點。記住多數不續約都係課管因為唔得,就會的起心肝加速改善。
6. 其實fg正常幾耐perm唔到就要跳船?
如果想讀master 通常做幾耐企穩咗先報?
master做穩左一兩年就可以報,視乎你所教的科目組合。記住呢行揾工黃金期係頭五六年左右,仲趕過女人三十前要嫁出去。好多人都說你排隊做乖乖就有perm,但係我教學生涯到都見到唔少合約老師乜都冇做錯年尾突然不獲續約,校長總係有佢理由,楂住咁上下年資,要新校比多成皮野請你唔請fresh grad,就要突顯自己價值。
心態上為自己張CV打工好過為學校打工,甚至乎有一日係出面見到個perm番黎,迫佢出perm留你。佢要比perm你有好多方法,條數唔係一個入一個出。
7. 想問新人一般入幾多個行政組?
視乎工作需求,但新人一般被編入行政工作都係執下野派下野果D。咁呢D同一般組別無異,都唔可以講實有幾多個。但如果你話要做編時間表/課擔/考試安排果D,要有番三四年經驗先可落水,因為基本要對間學校熟,有D枱面constraint,有D枱底constraint,要知同埋口密。如果有心唔止編左就算咁想編靚佢就係bonus,技術上handle到又係bonus。
8. 想知通常0.5教席續約果陣會係點?如果間學校冇人走而又成功續到約,係咪學校係咪傾向繼續開番0.5 offer?
呢個要睇情況,如果你係舊人轉0.5,咁續約偏向都係半職,但係如果你係請入嚟就半職,佢續約嗰陣可能會俾返全職你。因為你好大誘因會走,如果佢覺得你啱的話會捉番你。
9. 唔係好明常額合約係咩意思?
常額合約,即係你個位係編制位,供公積金,但係需要每年學校續約,而當中都會例明解約條款,例如三個月通知可以走咁解。直正的perm係超難炒,你炒唔啱程序有排你煩,你可以search下李X恩個校長,任性地炒左個SGM,然後要比成球野和解。
10. contract通常都比人壓?
壓價呢樣野係都市傳說黎既,每年都會有幾個但係真係唔普遍,大佬我壓得你,你八月踢我風險都好高,到時又要召換四大將軍熱辣辣番黎interview,玩咩。
11. 官校post寫住一年合約,係咪一年後就真係完約唔再續?
呢D係合約仔裏面真係揾唔到先要試既野,因為佢每年七月先至confirm有冇人,而且係唔理你咩表現有AEO落黎你就要揾工,一定冇得長做,三思。