如果大家有睇過我之前個post, 就知我同佢一齊左四年兩個月,但今日已經分開左一個星期 原因係呢一年我懶左,同埋佢講左好多年想要既浪漫我都無比到佢,而令佢對我既感情一日比一日淡。
佢依加係外國交流緊,到30號佢就番黎了,但9月尾又會再番去讀多一年。雖然我地依加做番朋友,係呢一個星期入面我既感覺同我見到既野係:
1. 呢個星期佢係我面前係咁叫我死心,叫我快啲忘記佢。但呢個星期之前佢先問過我想唔想同佢一世,不如大家一齊努力去維繫呢段關係。諗唔明點解突然要咁絕。
2. 我同佢細佬關係好好,佢幫我係佢媽度打探到佢家姐其實唔想分手,當時係喊到七彩咁同佢媽講,但佢媽只係話當中有苦衷,又唔肯講佢知,只係叫佢唔好嬲佢家姐。
3. 我地仲有以朋友既身邊傾計,關心下佢有咩節目咁,我又講下自己生活。但今日突然話我地關係好唔似朋友,似情侶多啲,唔想比希望我。但之後又補多句話有無機會都係以後既事,係依加呢刻已經對戀愛無哂興趣了。
各位唔好話我帽,我地一齊經歷既野比一般情侶多,感情比一般情侶深,我好清楚好了解佢係一個咩人。我真係諗唔通佢諗緊乜,我究竟仲有無機會
有無絲打可以比下意見,我真係唔明女人心