大家同兄弟姊妹關係好唔好？

第一次出Po

利申3張中女，窮住大

背景：
有2個家姐1個呀哥，父母離異
大家姐大6年、二哥大2年、三姐大1年
大家姐由細讀書都叻，自從考入傳統女子名校中學之後都冇同讀普通學校嘅細佬妹講過嘢［一句都冇］
二哥因為讀書唔叻被前老豆長期虐打，直至20歲識搵錢離家出走，以後再冇同家人聯絡
我同三姐熟啲，由細到大都好fd，可惜大個咗多咗誤會而漸漸疏遠
反而大家姐同三姐因為都係做教畜，依家熟啲，會傾下偈

大家姐同我講嘢都極度帶針對成分，就算我結婚擺酒果日都喺我老爺奶奶面前癲，搞到我結婚果日都喊
平時更加係情緒勒索嘅高手
咩都係做妹錯
咩都係做大嘅話事
依家已疏遠佢，姊妹關係只剩下講錢（計3姊妹點分父母免稅額）
覺得呢啲血緣關係冇感情好辛苦

我開始羨慕呀哥
可以斬斷晒唔想要嘅關係
就算將來大家姐結婚，都唔想去賀佢
覺得家姐唔錫自己、唔想自己開心

大家有冇慘痛手足經驗可分享下？

無，我同我哥關係好到可以同床訓

啊哥細個成日蝦我
大個係廢柴

家姐好𡃶我 不過我唔識點同佢地溝通

樓主同個個都唔岩有無可能自己問題

細個成撚日俾家姐恰

大個左明白到家人重要 關係好好

唔好

好羨慕你同屋企人關係好一定要珍惜

我覺得所有關係都係雙方付出，當然我唔會覺得自己冇問題

灰係因為由細到大都好被動接受已形成嘅家庭文化

好想被家姐錫但完全feel唔到佢哋嘅關心只有錢銀關係

咁就好，起碼有改變

咁有你做兄弟姊妹都好幸福

問題解決師

又肯付出

家姐科水比我移民 下世一定認番佢

同呀哥好差，佢細個成日蝦我
我細個拍拖個陣，佢就隔離單單打打，成日話我唸結婚唸得太遠（我估佢以為我嫁唔出）

到我宜家搬左出來+成家立室喇plan 緊下年開始備孕，佢都仲係痴住老母老豆住，日日只識問今晚食咩，成個晚晚打機既小孩（佢差唔多40歲），仲成日返大陸叫雞


我同我細佬friend d, 我地會zoom call(我人在外國）， 耐唔耐會send 下無聊圖

呢單真係孝感動天

兄弟姊妹冇得揀，一正一負起碼心理平衡啲

Btw點解你會知呀哥返大6叫雞

單單打打真係好難頂，一世睇死你咁我明

佢哋做兄長/家姐果種一人之下 萬人之上嘅態度真係想嘔，好似唔想你好咁

所以我結婚都係通知大家姐，唔洗同佢商量啲乜

慶幸大家都成家立室搬咗出去

三家姐都係好似bb咁同呀媽住，自理能力極低，同你呀哥一樣

好羨慕家人真係好重要

開開心心、互相支持真係life goal

種種原因發現到，見到佢電話同女人對話內容，又成日返大陸過夜，隻雞仲要年紀大佢又唔認自己有女朋友
我老公都好憎佢，成日講佢壞話，大過我地但唔值得我尊重

哈哈你3家姐幾多歲成個big baby咁

咁你呀哥單單打打果時你有冇串9佢？

正正經經結婚好過佢成日掛住叫雞啦自己都做唔到兄長風範仲好意思話你

飢不擇食叫雞都要搵個老可能封關封到short咗

不過你踢爆佢只會關係更差都係扮唔知算

我3家姐大我一年31歲本身上年結婚但佢ex出軌分咗手

留低勁多蘇州屎酒席、婚紗、攝影套餐全部book好，唔知點退，仲要全部錢佢出

2個家姐都係拍咗7-8年拖分手，結婚果陣我老公果邊都有好多單身寡仔想識佢哋但我老公話唔好害人

親眼見過3家姐同佢ex屋企同居，佢當auntie工人咁駛/ 出氣

大家姐同ex屋企食飯，世伯竟然叫我食飯，全程無視佢

兩個依家都搵過個拍拖

Btw覺得結婚真係脫離原生家庭嘅救贖機會屋企人唔錫自己起碼仲有另一伴

主要都係同父母close
兄弟姊妹嗰啲始終自細唔係住埋一齊
基本上無感情
只係大家以禮相待當普通親戚咁

絲打/ 巴打你咁識do越洋送花比呀妹，又咁關心佢

有時見得少都係好事起碼唔洗咁多衝突

又唔洗扮fd

以禮相待已經好難得

好多家庭連基本禮貌都冇

等細佬大個啲可能會熟啲不過緣份冇得勉強，都係順其自然

但都feel到你好nice好錫細佬妹

唔會熟架喇，移咗民就係咁先
最多video call老母嗰陣say個hi

thanks OP



我覺得兄弟姊妹之間嘅關係好唔好，都好睇父母 & 原生家庭個環境，因為仔女學得最多嘅就係父母，無論思想定行為

可唔可以認埋我
我都想有好家姐

得出世頭果幾年係稍為正常,而家三十歲,佢撞車死我都唔會傷心囉

講起兄弟姊妹，唔知點解我覺得自己同佢哋嘅發展好唔同，both 性格、思想 & 技能

e.g. 得我有穩定職業 & 收入，同有世界認可嘅專業cert.可以考；同埋得我一個多朋友，有難搵朋友一定有回音 (搵返自己兄弟姊妹幫唔到手之餘盞勞氣), 我兄弟姊妹有難淨係識搵我，佢哋冇朋友

明明大家同父母，又一齊住，幼稚園 & 小學都係同一間（小學有3年係一樣）

可能學校 & 同學仔已經有影響


撇除後天教育 & 生活環境影響，唔知有冇d 乜嘢天生嘅attributes 係會影響兄弟姊妹成長 & 發展