離婚真係俾想像中普遍

我毒撚見同事係人妻加生埋仔, 講野都會放D
因為知道冇可能, 所以有時都會講下D鳩野扮FLIRT佢
更可況係D又有魅力又有地位既男人

人生有幾撚多樣野你係準備好架?

黃子華同三水妹試結婚?
咁樣呀?

我同另一半14歲識，18歲拍拖，之後結婚，依家大仔已經12歲，我諗我可以俾到解答出黎

婚姻係人與人之間能夠締結既最強後天紐帶，對社會而言甚至超然於天然既血脈紐帶之上，相信係共識黎

有時連登仔睇野係好淺薄，只諗到適唔適合，屌西，相處過程，結果之類，好多時忽略左個感受

就如同理心係人成熟既像徵，而責任係人成長既途徑一樣
呢d都係感受黎，單睇結果，過程，並不足以表達，因為單睇結果而言，責任並唔係d乜野好事，責任使人約束更大，更唔自由，但往往人感受到責任之後，先會意識到自由呢樣野，當對自由同責任有充分既感受之後，人既成長就成為可能


想為另一半負更多既責任，係我結婚既動機
好記得有一次，女朋友病左，我去探病，咁果日係講病情既，我係度而佢老豆未到，醫生係飛過左佢張床，到佢老豆到左，醫生返到黎，叫護士好鄭重咁叫我出去，咁我女朋友同佢老豆都唔肯既，但個醫生好鄭重再強調，應該係要佢地先知道，再決定我可唔可以知，我本身以為係咩大事，事後知道原來我女朋友係手足口，有面癱既情況，會好，但亦有好低機會唔會好，醫生就係想同佢地傾日後可能有既作息問題之類

雖然對於我地黎講佢面唔面癱係好其次既事，但社會上係唔認為我有呢個責任要負，自然我唔應該係第一個人知道，對外人黎講我第一個知道同第二個知道冇咩分別，但作為想照顧佢既人，我發自內心係有強烈第一個知情既慾望

再之後，佢阿嫲去左，咁佢老豆老母都好忙，而佢就喊到收唔到口，佢有一半童年係同阿嫲過既關系，咁果晚，佢老豆老母去左搞d手續，同d親戚係外面之類，殯儀既人埋黎，話有樣物件唔知係唔係遺物，想我女朋友入去睇下，咁當時佢喊到傻下傻下，而我想代佢入去又唔得，最後都係佢窒住窒住咁自己一個入去

果下我真係覺得自己唔要做佢既外人，可能係想照顧佢，可能係想為佢負更多責任，可能只係因為佢唔係冇人冇物，有更多親友排左響我前面而引發既嫉妒都好，我就係唔想做佢外人，之後就結左婚喇


之後有件事又係好深刻
就係第一胎果陣
產前檢查係佢可以順產既，咁就待產滿10個月
作動穿羊水，出血，開3指就推左入去產房，佢唔想我入去既，咁就係外面等，等左5，6個鐘生唔出，姑娘枕住都有同我好詳細講d情況，個胎體位係啱既，臍帶位置都冇奇怪，宮口開到8指算慢，血氧，羊水等等訊息，之後醫生就出黎問我，依家已經5，6個鐘，佢響入面痛左好耐，個胎係大，份量足一足既bb，順產仲要等好耐，而睇佢就咁生會好辛苦，有一個另外既選擇就係改剖腹，佢就響入面痛到唔想理，由我去決定改唔改剖腹，改左，如果有下一胎，好大機會都係剖腹，之後，好大機會係生第二胎同時做埋結紮，即係我呢個決定，除左決定佢呢一胎既辛苦同埋危險既形式，仲大體決定埋我地有幾多個細路，我唔再係外人，而係一個決定佢地命運，而且要負起呢個責任既人，前所未有既巨大責任感壓埋黎，係一個前所未有既感覺，係足以影響我一生既經驗，佢獨自響度戰鬥，但將決定交俾我做，如果我簡繼續俾佢順產，好似我既決定會令佢更有動力去忍耐咁，如果我簡剖腹產，好似佢會相信我會同佢面對之後所有野咁，呢種被信任，被交託，被依賴既感受就真係好奇妙

最後我都係簡左剖腹產，而之後確實係2年後第二胎剖腹同時結紮左

咁多年黎，責任確實總係好似就快壓死自己咁，鳩到不得了既野，以前唔會做既野，都妥協左，降低身段去做，不論響社會上，還是響家庭上，總有呢d妥協，呢d委曲，特別係面對家人時，條底線係退到冇底線，但我仍然覺得個感覺係奇妙，係美妙既，呢種自作自受，能夠自作自受既滿足感，相信要堅負緊強烈責任既人先會感受到

咁婚姻係唔係齋對兩個人既感情進行強烈持久既損耗呢？呢個問題我三不五時就會反問自己一次
我覺得唔係，當然會面對d唔響一齊生活時面對既問題，例如佢痾屎唔興沖廁實在係好撚嘔心，我少爺仔唔做家務變成地板清潔達人，而佢公主性格都變成衣物處理能手，一個人既生活加入另一個人，會感受到壓逼，權利下降係必然，但咁多年，呢種壓逼之下，逼我地去面臨一次又一次取捨之後，反而我覺得會令自己搵到真正想要既野

例如我既生活品質，係建立於地板清潔品質之上既，呢個係我仲生活響屋企，受潔癖老母照顧既日子，係完全唔會發覺自己係一個地板人，但當我同老婆生活係一齊，間屋亂到仆街都好，d碗碗碟碟垃圾一片混沌都好，塊地如果係乾爽衛生既，我會發覺自己係得到救贖一樣，可以話因為被剝奪左，所以知道取捨，慢慢我地知道邊d生活條件對自己既高低排序，會盡力去整去各自排高位既野，有時我既高位會同佢既低位互補，亦有時，我地既高位會互相衝突，但彼此剝削過後，知道對方乜野為之重要去尊重，知道對方崇尚既野亦能互補自己提升生活品質之後，生活只會變得越黎越美好

例如有d野我以前係唔會覺得咁正，好似款式齊全乾淨既杯碟，佢係好鐘意，我就冇所謂，但當佢拎d杯出黎，攞支酒，話飲香繽呢，就一撚定要長身高腳杯，你用平底杯呢就嘥料，我幫你查過，飲威呢就要用肚大口窄既杯，我跟佢咁飲，d野又真係正好多，飲茶呢，因為紅茶淡，飲既時間長，就一定要多幾套靚杯，有埋碟，輪住用，欣賞住d花紋，靜靜地飲15分鐘，個人就會好爽，我覺得咁又確實係，漸漸地我就會樂意同佢出去睇杯添

呢d世藝，呢d美好，係一個人自己既生活俾唔到我，而你同一個人拍下拖，又未必真係會知道呢d生活上既野，即使一齊生活，對方冇響你身上取捨過一定量既野，冇強烈既紐帶，與及與之相應既份量，你可能唔會俾時間落去同佢癲，佢係你老婆，你唔得唔理佢果野，先會引領到自己去見到呢d事，我唔係未同過其他人拍拖，但拍拖，份量真係差太遠，當然呢個人，都要係一個有返咁上下品味，同前題係響互相剝削時，堅持仲響一齊先至會到達呢一步


而呢個社會充滿幽暗
係好難搵到一個利益同自己一致既人，去傾訴呢d幽暗，可能傾訴並唔能夠解決問題，但世界上大部份問題係解決唔到既，係用黎接受既，當發現有兩個人去接受呢個問題時，好似會易接受得多，利益唔一致既某人，如男女朋友，係多數唔敢同佢講呢d咁幽暗既野，確實男女朋友都有機會響信任之下建立強烈紐帶，但婚姻係社會面上先強行將兩方利益綑綁，又唔同講法了，雙方自然而然會將對方利益歸類為己方直接或間接利益，道理顯淺而易明

最後，簡錯對像，搵一個唔能夠接受你既人結婚，或者結婚對像並非無條件相信既對像，咁係人既問題，唔係婚姻呢個制度既問題

國際大刀會——香港
一早準備好

離婚無問題，兩個人勉強係埋一齊先係問題

大把人為左自己要30 歲前生仔就去結婚生仔，錢又冇，準備又冇。

如果點會生仔要考牌

為做而做

男人都一樣， 姐係男人30 幾歲仲係A0，都會覺係性格/其他問題會A0

大把啦，我身邊近幾年結婚果啲，結唔夠一年就離婚，出面有第二個，換仔換女咁玩，香港地咁多誘惑，特別係有返啲成就既，依啲位就突然好似以前咩都未玩過，男女關係玩到好癲

同埋好多人講未結婚已經愛情變親情，冇新鮮感冇激情。個個都話同居太耐，日見夜見。唔止離婚，sp/fwb/ons都好多，依個年代講結婚，同綁一世and分身家冇分別，建議大家玩夠先結，唔好害咗下一代

真係笑死人 原來有冇生到仔都可以隨佢想法而改變
人哋講得咁清楚你都可以話人分唔清

個舊同學 由相識到結婚再到離婚,前後唔使2年就搞掂

因為離婚率的計算方法是﹕（該年獲頒布離婚判令數量）÷（該年所有結婚數量）×100%。因為2020年的結婚數量只有27,863宗，較2019年44,247宗，大幅減少了37%

中國香港

果種思維既老一輩都果頭近啦

我係過來人，我係女方
冇分錢，冇小朋友
拍拖10年先結婚，以為大家磨合哂，想比名份雙方
但結婚後發現其實唔係

老老豆豆，成撚日叫人玩夠先結，但咩叫玩夠？

玩女係玩，賭錢係玩，玩玩具係玩，去旅行又係玩

無時無該都有新野玩，真係會有玩夠咩？

根本係個人取捨問題

結左婚都可以玩，係睇你點玩玩d咩，個人定力夠唔夠同對另一半信任程度姐