話說上個月我屋企人返大陸同太公賀壽
咁有兩個表妹話想嚟香港玩,咁我老母又懶係好客咁叫佢地嚟。仲話借埋地方俾佢地瞓
咁好啦,早幾日落到嚟,兩個人嚟玩幾日拉牛龜咁大隻喼,開埋間客房都唔多佢地瞓,到最後車我間房都俾佢霸埋不特止仲拎埋我d公仔當枕頭
算我忍,沖涼沖十幾個鐘我廁所都冇得去,仲用曬我放係廁所啲野。用完之後拎住個空樽出嚟問我邊到有得買,我心諗,咁好死買返枝新既俾我?第二日見佢一車車化妝品,買返嚟仲話係我到試用完覺得好好用,要買d返去用
尋日佢地要去海洋公園,我老母問我有冇平飛要我幫手買,我心諗依家邊有平飛嫁。所以未求期買兩張正價飛應酬下算。
點知當我夜晚想問佢地收返錢嗰陣,佢地居然厚面皮到笑口騎騎咁同我講:啥?我不明白你在說什麼 同佢同枱食飯佢居然話訊號收得唔好聽唔到我講咩 究竟係我笑點低定係點,當堂㷫過火屎。
我老母仲話算啦我俾返你。我緊係即刻拒絕,唔係三幾舊水既問題,呢兩條友嚟香港玩,痴飲痴食痴住唔係問題,去海洋公園都要屈我請,啖氣真係吞唔落。
另外我都幾肯定佢地屋企人一定有俾錢佢地,仲要唔少,日日shopping 九廿幾袋潮牌,估都估到佢地係將d路費旅費落格嚟買嘢
呢幾日收工我都急急腳狗衝返屋企,容乜易一個唔留神連部ps4去俾佢地抬走埋。啱啱收工返到去補圖。