同朋友都算絕交了

咁佢一定本來都覺得同你唔frd 係你以為同佢好frd
唔明點解你會感受唔到
佢覆你嘅頻率 語氣 應該都get到啦

有同感

睇見都覺得chur...
似白卡

物是人非
可能得我仲記掛住呢段友情
唔想變做hi bye frd

但之前可能一個月前仲係有傾有答
佢語氣唔似係呢個feelings

人生係咁架啦
你個fd應該都忍咗同猶豫咗一段時間先同你攤牌


利申兩邊角色都做過，真係好睇對方岩唔岩自己key，唔岩就講咩都覺得唔順眼

但我以為識左咁多年
特別係中學嘅時候日日傾，應該仲煩
所以冇諗過自己間唔中傾一傾
隔幾日得閒先覆一覆嘅頻率
對於佢黎講都係一種煩腦

咁咪見到佢有興趣嘅嘢先send比佢睇囉

佢又唔係話要絕交
只係要拿捏好同佢溝通嘅距離

我都有個由小學識到依家十幾年
一齊去過兩次旅行嘅朋友
佢都係就嚟移民

你哋有冇常用ig/snapchat?
我同我個fd可能一個月會見一兩次
但平時唔會text傾計
每次text就係約出街
約出街就會傾好多嘢
平時係我會係ig po story
佢睇完會記得我最近發生咩事
見面時問下我咁
我諗之後佢移民
我哋都係最多一個月text一次
幾句嘢update一下大家近況

係咁同對方講嘢問嘢可能真係會有壓力
你用ig story/ snapchat po下瑣碎事仲好
呢啲唔係事必要對方覆 冇回應嘅壓力
而真係fd嘅就會留意你最近近況

有冇可能係佢唔想hurt到你所以扮正常咁搭
你話真係send下啲on9 meme笑下就話啫
下下都share feelings真係要諗過度過先答到架大佬

都可能係
但share feelings唔係真係成日都係
有時都係傾下其他野咁

樓主好慘

我都做過對面個種仆街
通常好多年後會後悔無好好珍惜曾經一位咁重視自己既好朋友
不過我係自己人生上有啲問題
唔知你個朋友係自己有野煩定純粹係一個大仆街

聽下最佳損友搵過第二個好朋友啦

我同佢就係啲唔係點會係ig po野嘅人
但佢咁講完
我都識做
要退後返一步

我就係之前都有啲frd
真係慢慢冇搵同傾
淡出左對方嘅人生
所以我先會搵佢傾吓

我並不是想同要佢日日覆我
係間唔中醒起再覆一次都ok
even隔左幾個星期
我只係唔想最後變成hi bye frd嘅結局
點知對於佢黎講
自己成為左一個煩膠

你覺得唔係成日
喺你朋友角度睇可能係
你朋友肯直接攤牌已經好好
佢咩都唔講慢慢疏遠你 你仲不安

你話中學嘅時候日日都有嘢傾
係因為大家都喺同一個環境 有相似嘅經歷
真係要接受宜家大家生活環境唔同
未必有咁多嘢可以一齊傾一齊share

如果你地有共同興趣嘅 咪得閒講下大家都有興趣嘅嘢
冇嘅咪好似#34咁講 用冇回應壓力嘅方式update彼此嘅近況

可能真係咁
角度唔一樣
都反思左自己同佢say左sorry
但已經有陰影
驚講咩對於佢黎講都係悶
唔敢再搵佢煩住佢了

有個朋友就係好似你咁 搵親人都係講自己好大壓力 返工好辛苦 叫佢辭又唔肯 煩到冇再覆佢

有啲人識落係咁 平時都無兩句
但有事起上黎 就當對方係情緒垃圾桶
一味係到放負 其實好難頂

我明 你盡左力咪算

我睇哂成個post
大概你個人既性格
樓主算係健談 有咩都直接拎出黎講 嗰種人？
唔知你性別同幾歲，但人大咗 要學識沉默
朋友好多種，搵到相同性格同個性既人
都未必啱傾，更加可能有拗撬
你而家應該要搵返啲樹洞型/心事型既朋友
先配合到你，否則大多數人都只會覺得你煩

我曾經都好似你咁，但後來我發現啲懶係好朋友既豬朋狗友其實都幫唔到你啲乜
好多時都係靠自己處理解決，情緒問題又好 工作壓力 生活不愉快等等，學識咗就當做成長。
而家真正叫朋友既，5隻手指數得哂
豬朋狗友就一堆

因為我真係當佢係好好嘅朋友
所以先會健談，同佢分享
但原來呢個做法係會令佢做成負擔
經一事，長一智
唔會再咁一廂情願

反思自己，要學識沉默
但因為咁樣冇左個識咁耐嘅朋友
同知道原來我對於佢黎講係咁嘅存在
有啲sad

人希望被鍾意的人了解。你鍾意佢，所以會分享。調返轉頭，佢唔想，所以唔單止唔同你講，仲覺得煩。

係
佢攤開同我講都好
我宜家知佢點諗
所以都勸自己釋懷
可能自己都有做得唔啱嘅地方

人際相處冇話特別啱唔啱，你真心交畀人唔係你錯。 反而係對方唔鍾意，但又長期唔同你講。自己唔想溝通，突然間爆出嚟，就好似你迫害咗佢好耐，食死貓咁。 可能佢將自己嘅唔想溝通，包裝做你長期迫害。

始終你唔係唔想改，但都要知先得。 對方收收埋埋，又希望事情自動改變，其實不切實際。

sad but true


可以話你兩個都有問題
但佢既問題唔細得過樓主