成個經濟體系
透過金錢流動嚟令人要工作不特止,而係要努力工作先可以 fulfill 到生活。
有錢/有權嘅人可以透過定價嘅權力,包括對流通貨幣/必需品定價的權力去合法地令其他人供養自己。佢哋只需要維護同保持呢個權力就可以夜夜笙歌。
ex:
假設我係維尼,唔需要加稅只需要
秘密不公開地印錢俾自己,你哋生活嘅通漲會 cover 咗我嘅支出。
只要唔係國家級嘅大規模印刷支付外債其實外人好難察覺,得少數體制內先會知流通量多咗。個人和家族富豪級嘅開支對於市場影響有限,只要整體生產力頂得住就可以持續收割。更高嘅整體生產力=更高嘅可剝削額度
無節制印太多先會導致市場崩潰,而就算崩潰都係草民死先。
如果有水/電嘅定專賣定價權,呢啲現代人只係用多用少問題嘅必需品。只要無政府嘅限制,其實佢可以按自己想有幾多收入嚟定價。
果個專賣區內嘅人除咗直接俾多咗錢外,其他嘅生活成本都因為商家有用到呢啲服務而漲價。家用係細頭,唔加都無問題;商用嘅加幅透過成本上漲由商品轉嫁俾消費者先係無往而不利。
同樣都係加落果個範圍嘅整體生產力去決定剝削上限,你日做夜做都苦過弟弟因為要確保佢夜夜笙歌
兩者都係焗你日常生活俾多咗錢去供養佢。日常生活成本上漲 = 你要諗辦法做多啲嘢去換錢俾佢。
======================
食物鏈最頂層係第一種,所以點解咁多人想做獨裁,因為真係無撚敵。
第二種都要睇政府/監察者臉色,仲要諗個聽落合理嘅借口。壟斷就係咁屈機。
第三種係錢滾錢嘅財富增值,保險公司就係呢啲。唔係你透過佢去財富增值,而係佢用你啲錢去幫自己財務增值。不過對比起前二者有更大風險,而且靠眼光同分析都勉強可以算要工作。