早排無聊上hmd 識下人
基本上個個都傾兩句就走
但有個「A0小肥肥 走花心走肥」 既女仔同我可以傾左幾日
基本上都係 點解上黎呀做緊咩果d野
到尋日膽粗粗約佢出黎睇戲 佢又肯
咁事前我地無換相 只知佢話自己15x 6xkg
咁難得唔係坦克梗係開心
點知出到黎 見到其實係有d失望
識唔少女都15x 但原來加埋6x kg係咁既樣
但都唔緊要啦 都唔係真係好巨型
咁過程唔講太多 都係行野 到走既時候問我有冇揸車
我果下心知不妙..咪同佢講「咁窮邊買起車哈哈」
點知佢竟然串串地咁話 咁大個男人車都無
果下我唯有一笑應對
咁送左去地鐵站就各自歸家
番到去見到佢離開左個chat…
唉..以後都唔上app識人了