我覺得第一點要搞清楚, 加拿大個政策係叫HK Pathway,
而唔係叫救生艇計劃.
所以係唔係救人政策真係睇每個人自己點去理解
第二點係如果受政治逼害而有急切性離港既,
係可以申請政治庇護.
前題係要你prove到證據.
有朋友都係咁樣上年年中搵溫支搞過黎,
依家已經批埋pr.
第三點係其實政策推出果時係白字黑字寫明,
owp同stream a/b亦都係兩樣獨立政策黎.
只係兩樣政策可以接駁, 但唔代表係同一政策黎.
申請者自己有責任去理解新政策自己受唔受惠.
淨出左owp但未出pr果時既申請者唔通又唔洗諗點拎pr?
如果佢淨俾owp你,
但你無途徑apply到pr 就真係政策有問題了.
但其實依家係有ee/pnp, ab省有aaip去申請pr...
最後一點唔太關事既係對比其他國家移民,
加拿大政府就算淨批owp俾香港人,
都已經係對比其他地方好.
台韓印度過黎好多時係要洗一舊錢留學,
然後再拎cwp/搵公司nominate先有得留低.